Европа
Руски новинар пронајден мртов во неговиот дом во Киев

Рускиот новинар Александар Шчетинин е пронајден мртов со прострелна во неговиот дом во Киев, а украинските власти сметаат дека станува збор за самоубиство, но засега не се исклучени и другите верзии.
Педесет и четиригодишниот Шчетинин е пронајден со прострелна рана во главата на балконот од неговиот стан во Киев, а според полицијата крај него пиштол и соодветна чаура и наводна проштално писмо.
Според порталот 112 Украина, кој се повикува на полициски извори, вратата од станот била затворена и немало знаци дека во станот било извршено и пребарување.
Телото на Шчетинит го пронашле негови пријатели кои дошле кај него да му го честитаат роденденот. Го нашле како седи на столица на балконот, а под столицата лежел пиштолот. Според украинските медиуми, новинарот пред извесно време на свој пријател му испратил електронска порака во која наводно пишувало дека размислува за самоубиство.
Подоцна на Facebook, еден од пријателите на Шчетинин напиша дека новинарот многу тешко ја поднесувал осаменоста, и неможноста да се види со децата и внуците.
Александар Шчетинин е познат најмногу како основач на интернет портали и на агенцијата „Новый регион“, а потекнува од рускиот регион Урал.
Руските власти се сомневаат дека украинските ќе спроведат објективна истрага за овој случај и оти ќе се погрижат да го затворат делото што поскоро, пренесува агенцијата РИА, повикувајќи се на Франц Клинцевич, потпретседател на комисијата за одбрана и безбедност во рускиот парламент.
Тој не изнесува никакви верзии за смртта на Александар Шчетинин, меѓутоа потсетува дека во Украина за помалку од една година се убиени уште неколку руски и проруски новинари новинари, како Олга Мороз, Олес Бузин а неодамна и во подметната бомба и Павел Шеремет, додека истрагите тапкаат во место./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина создаде ново моќно оружје, веќе предизвика разорувања во Русија

Украина ја преработи својата крстосувачка ракета од класата Нептун и сега има дострел од 1.000 километри, потврди претседателот Володимир Зеленски. Зеленски најави дека новата ракета наречена Долг Нептун веќе е успешно употребена во борбени операции.
„Имаме значајни резултати“, објави во саботата украинскиот претседател Володимир Зеленски.
„Долгиот Нептун е тестиран и успешно се користи во борба. Нова украинска ракета, прецизен удар. Дометот е илјада километри“.
Ukraine confirms development of the new "Long Neptune" Missile.
Neptune is the famous Moskva-killer anti-ship missile.
According to Lieutenant General Ivan Havryliuk, deputy minister of defense, Ukraine is creating a new missile type for the Neptune (Neptun) cruise missile… pic.twitter.com/UO0sF7nY8A
— War&Peace (@realpeacenotwar) December 5, 2023
„Долгиот Нептун е подолга верзија на украинската противбродска крстосувачка ракета Нептун долга 5,2 метри – оружје што ја потопи руската Црноморска флота, вклучително и нејзиниот предводник Москва, во април 2022 година“, пишува аналитичарот на Форбс, Дејвид Екс.
According to Ukrainian President Zelensky, the so-called "Long Neptune" missile was used to attack an oil refinery in the Russian city of Tuapse.
In late 2023, it became known that Ukraine was developing a new, surface-to-surface missile for its Neptun missile system, which… pic.twitter.com/G2CKTRyrb0
— EAST EUROPEAN STRATEGIC FORUM (@EESFonBelarus) March 15, 2025
Долгиот Нептун, кој е подолг и носи повеќе гориво од стандардната ракета Нептун со дострел од 193 километри, се развива со години. Со домет од 1000 километри може да стигне до Москва. Кога Зеленски неодамна вети дека Украина ќе произведе 100.000 ракети со долг дострел до 2025 година, тој делумно мислеше на Долгиот Нептун – но и на низата експлозивни беспилотни летала со долг дострел, од кои најнапредните можат да патуваат повеќе од 1.600 километри за да погодат цели длабоко во Русија.
Ukraine has used a 1000 km variant of their Neptune cruise missile in combat for the first time. This domestically produced missile has nearly twice the range of the Storm Shadow.
Oreshnik propaganda coming from Russia in 3, 2, 1… pic.twitter.com/A0LCCgzCju
— Pekka Kallioniemi (@P_Kallioniemi) March 15, 2025
Успешната употреба на Долгиот Нептун, на која се осврна Зеленски, очигледно се однесува на нападот на 14 март на нафтена рафинерија во Туапсе, Русија, на околу 480 километри од линијата на фронтот во Украина. Тој напад на Туапсе беше само последниот во серијата украински напади врз руските енергетски постројки, кои го намалија руското производство на нафта за околу 10 отсто минатата година.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Европа
(Фото+видео) Над 10.000 Романци протестираа за да покажат поддршка за Европа во услови на изборни тензии

Повеќе од 10 илјадни Романци излегоа во саботата на улиците на Букурешт за да ја покажат својата поддршка за Европската унија, во услови на политички спорови околу повторувањето на претседателските избори закажани за мај.
Романија треба да ги повтори претседателските избори во два круга на 4 и 18 мај, откако Уставниот суд го поништи првичното гласање во декември по обвинувањата за руско мешање во корист на Калин Џорџеску, кој водеше во анкетите.
Thousands of people are flooding Bucharest tonight with Romanian and EU flags, with the crowd surging in size every few minutes, to chant and tell the world that Russian attempts be damned, Romania is Europe, now & always! pic.twitter.com/fVn1Q7Qg32
— Daractenus (@Daractenus) March 15, 2025
На Џорџеску, кој заедно со Москва го негираше руското мешање, му е забрането да учествува во повторувањето.
Во саботата, проевропските Романци формираа море од сини знамиња на ЕУ и тробојни романски знамиња, некои извикуваа антируски слогани и носеа транспаренти на кои пишуваше „Единство и почит – Европа ни дава права“ или „Ослободете го вашиот ум – Не на руската мудрост“.
🇷🇴 In the Romanian capital Bucharest, tens of thousands of people took to the streets in a rally in support of the European Union and NATO pic.twitter.com/N3RKCxMTvO
— Visioner (@visionergeo) March 15, 2025