Европа
Се истражува како Абаауд можел да се врати од Сирија без да биде лоциран
Антитерористичките агенции на Франција и на Белгија ќе мора да утврдат и да расветлат како еден од водечките франкофонски џихадисти, Белгиецот со мароканско потекло Абделхамид Абаауд, кој е осомничен дека ги организирал терористичките напади од 13-ти ноември во француската престолнина Париз во кои беа убиени 129 луѓе а беше убиен во средата во северниот париски департман Сен Дени, можел да се врати од Сирија а никој да не дознае за тоа.
Со анализа на отпечатоците на прстите од изрешетаното со куршуми тело во средата во Сен Дени, по акцијата на француската полиција во зградата во којашто се забарикадираа џихадистите, во четвртокот се потврдени сомневањата на истрагата дека станува збор за Белгиецот Абделхамид Абаауд.Колку и претпоставките за престојот на ова лица во околината на Париз да изгледаше неверојатна, иследниците сериозно ја сфатија во понеделникот навечер, по исказите на сведоци кои ги наведоа на трага којашто води до стан во центарот на Сен Дени. Потоа следел неколку проверки, па дури и по телефон, пренесува AFP.Од еден податок можело да се заклучи дека жена од семејството Абаауд, можеби била во тој сектор. Дали таа била бомбашката самоубиец која се разнела во станот? Полицајците кои ја извеле операцијата мислат дека самоубиецот без сомнение е жена. На аудио снимката која ја објавија повеќе интернет мрежи се слуша како со пискав глас двапати извикува „Тоа не е моето момче“. Меѓутоа, тешко е само со слушање да се потврди дека станува збор за женски глас. Конечниот одговор ќе биде даден од многу сложените научни анализи кои ќе бидат спроведени на останките од самоубиецот. Претходно во средата навечер, парискиот обвинител објави дека телото е многу тешко да се идентификува, по експлозијата.Меѓутоа, прашањето што ги преокупира и безбедносните служби, и медиумите и јавноста, е како Абаауд можел да се појави во Европа?! Во Белгија е осуден за тероризам и бил добро познат на службите, а француското правосудство го опишува како „организатор на многубројни планирани напади и изведени терористички напади во Европа“. Лице блиско на истрагата наведува дека неговиот телефон бил лоциран во јануари годинава во Грција, кога се спречени нападите од ќелијата во Вервиерс во Белгија. Оваа информација, како што изјави францускиот министер за надворешни работи Бернар Казнев, е добиена од служба на земја која не е во Европската унија, потсетува DPA.Абделхамид Абаауд или Абу Омар ал-Балџики (Белгиецот) кој бил познат и исламистичките активности на интернет, во февруари дал интервју за Dabiq, дигиталното списание на Исламската држава на англиски јазик. Во него вели дека во Белгија успеал да влезе со уште двајца Белгијци за да „спроведуваат теророт над неверниците“. Нивното патување се протегнало на неколку месеци, а двајцата негови сопатници биле убиени од белгиските безбедносни служби на 16-ти јануари, според неговиот исказ. Меѓутоа, тој успевал да „ѝ се лизне од рацете“ на полицијата. „Моето име и фотографија беа во сите весници, но успеав да останам во земјата, да планирам операции и жив и здрав да заминам кога тоа беше неопходно“, вели Абаауд во споменатото интервју.Но дали тој бил сам? Каде се движеле сириските џихадисти а да не го привлечат вниманието? Како еден од нив, Сами Амимур, сослушан поради тоа што изразил желба да замине за Јемен, можел да замине и да се врати, а да не биде забележан? Зошто Белгијците не ги предупредиле Французите дека браќата Абдеслам, припадници на групата којашто ги изеде нападите во Париз, биле на нивниот список терористи?, се прашањата кои деновиве се ројат во медиумите. Ниедна европска земја не објави никакви информации за Абделхамид Абаауд пред неговото доаѓање во Франција, се пожали во четвртокот францускиот министер за внатрешни работи Бернар Казнев.Натаму се наметнуваат и прашањата: Каква била ролјата на Абаауд на 13-ти ноември? Дали тој ги координирал нападите кои биле темелно извршени и планирани? Дали директно учествувал, како еден од напаѓачите на терасите (од кафулињата)? Иследниците ќе се обидат да утврдат дали неговата ДНК или отпечатоци од прстите се на еден од трите „калашникови“ пронајдени во автомобил на напаѓачите.Во средата се уапсени седум мажи и една жена. Тројца од нив, меѓу нив жената и ранет маж, можеби имале улога при изнајмување на станот. Идентитетот на другите петмина се проверува. Ниеден од нив не е Салах Абдеслам, помладиот брат на Браим Абдеслам кој се разнесе во улицата Волтер.Министерот Казнев изјави дека полицијата го поврзувала Абаауд со неколку спречени напади во Франција претходно годинава. Тие напади вклучувале напад во април врз црквата во париското предградие Вилежуиф, додека сé уште се истражува неговата можна поврзаност со пукотниците во август врз брзиот воз „Thalys“ од Брисел за Париз, кога патниците меѓу кои и неколку американски маринци на отсуство го онеспособија напаѓачот, Мароканецот Ајуб ал-Казани да изврши масакр вооружен со автоматска пушка и нож.„Од шест терористички напади коишто француските безбедносни служби ги спречија од пролетта 2015 година, се чини дека Абаауд бил поврзан со четири напади“, реле Казнев./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“, која се одржува со денови во близина на источните граници на НАТО.
🤡 Putin shows up at the "Zapad-2025" exercises in military uniform. pic.twitter.com/7ZbNNJE1qN
— MAKS 25 🇺🇦👀 (@Maks_NAFO_FELLA) September 16, 2025
Путин го посети полигонот Мулино во регионот Нижни Новгород. Таму изјави дека 100.000 војници учествуваат во маневрите на 41 полигон за обука на копно и море, 333 авиони, околу 250 бродови и 10.000 парчиња воена опрема.
100,000 troops are participating in the Zapad 2025 exercise near NATO borders, war criminal Putin said.
He visited the Mulino training ground in the Nizhny Novgorod region.
During these maneuvers, 100,000 servicemen were involved at 41 land and sea training grounds, 333… pic.twitter.com/UBFNgrVEB3
— Anton Gerashchenko (@Gerashchenko_en) September 16, 2025
Претходно се сметаше дека во вежбата ќе учествуваат 30.000 војници, но бројките покажуваат значително поголема мобилизација.
Европа
Главниот осомничен во случајот со Меди Мекен одбива да разговара со британската полиција
Главниот осомничен за исчезнувањето на Мадлен Мекен, Кристијан Б., одби да разговара со британската полиција пред неговото ослободување од затвор. Германскиот државјанин, познат под својот псевдоним поради законите за приватност, се очекува да биде ослободен во среда по отслужување казна за силување на постара жена во Праја да Луз во 2005 година, објави Скај њуз.
Полицијата се надева на пробив во истрагата
Британските истражители се надеваа дека 49-годишникот конечно ќе може да зборува за исчезнувањето на тригодишното девојче од португалско одморалиште во 2007 година, во клучен развој на долготрајната истрага. Метрополитенската полиција потврди дека му испратила „меѓународен допис со барање“ за разговор, но тој одби.
Мадлен исчезна од својот апартман кратко откако нејзините родители, Кејт и Гери Мекан, ја оставија да спие додека вечерале во блискиот ресторан. И покрај неговото одбивање да соработува, Мет потврди дека Кристијан Б. останува клучен осомничен во нивната истрага, која се спроведува со португалските и германските власти. Самиот Кристијан Б. претходно негираше каква било вмешаност во случајот.
Истрагата продолжува и покрај одбивањето
Главниот детектив, инспекторот Марк Кренвел, виш истражен службеник, рече дека полицијата ќе „продолжи да ги бара сите веродостојни траги“ и покрај неуспехот да разговара со Кристијан Б.
„Тесно соработувавме со нашите колеги од полицијата во Германија и Португалија со години за да го истражиме исчезнувањето на Мадлен Мекан и да го поддржиме семејството на Мадлен во разбирањето што се случило…“, рече Кренвел.
„Побаравме да разговараме со овој осомничен од Германија, но, од правни причини, ова може да се направи само преку меѓународно писмо за барање кое е поднесено. Осомничениот последователно одби. Во отсуство на разговор, сепак ќе продолжиме да ги бараме сите веродостојни траги.“
Со текот на годините, властите спроведоа серија претреси, најновиот во јуни во близина на португалската општина Лагос. Во 2023 година, истражителите ја пребараа областа околу резервоарот Барагем до Араде, на околу 50 километри од Праја да Луз, каде што Кристијан Б престојувал помеѓу 2000 и 2017 година и каде што фотографирал и снимил видеа.
Минатиот октомври, германски суд го ослободи Кристијан Б. од обвиненијата за неповрзани сексуални престапи што наводно се случиле во Португалија помеѓу 2000 и 2017 година. Вкупните трошоци за истрагата на Метрополитенската полиција, позната како Операција Grange, од 2011 година надминаа 13,2 милиони фунти, откако во април беа одобрени дополнителни 108.000 фунти владино финансирање.
фото: принтскрин
Европа
(Видео) Зеленски: Имаме решение за руските дронови, подготвени сме да го споделиме со НАТО
Украинскиот претседател Володимир Зеленски ја нагласи важноста на дроновите во одбраната на неговата земја од руска инвазија, истовремено нудејќи поддршка на НАТО во одвраќањето на руските беспилотни летала.
„Најефикасните санкции, санкциите што се најбрзи, се пожари во руските рафинерии за нафта, на нивните терминали и на складиштата за нафта“, рече тој во своето вечерно обраќање, осврнувајќи се на серијата украински напади со беспилотни летала насочени кон рускиот нафтен сектор. Тој рече дека нападите биле болни за Москва и дека ќе влијаат и на воените напори на Русија. Нападите „значително ја ограничиле руската нафтена индустрија, а тоа значително ја ограничува војната“, рече Зеленски.
Today I want to especially thank all our warriors who are inflicting truly significant losses on Russia. Losses at the front. Losses along the border. Losses on Russia’s own territory thanks to our long-range strikes. The most effective sanctions – the ones that work the fastest… pic.twitter.com/tOdd6xkqqD
— Volodymyr Zelenskyy / Володимир Зеленський (@ZelenskyyUa) September 14, 2025
Украина во ноќта кон неделата нападна една од најголемите руски рафинерии во градот Кириши, 110 километри југоисточно од Санкт Петербург. Пред официјалната потврда за нападот, на социјалните мрежи веќе почнаа да кружат слики и видеа на кои се гледаат големи пламени над рафинеријата.
Зеленски рече дека Украина е подготвена да го сподели своето искуство во одбивањето на нападите од руските беспилотни летала со НАТО, наведувајќи го неодамнешното навлегување на руски беспилотни летала во полскиот воздушен простор пред неколку дена и неодамнешниот инцидент со руски беспилотен авион над Романија.
„Подготвени сме да ги обучиме сите партнери во оваа одбрана“, рече Зеленски. „Сите гледаат дека Русите бараат начини да ја прошират војната на територијата на Полска и балтичките држави, а руската војска ја тестира и Романија.“
Иако НАТО има ефикасно одбранбено оружје, тој рече дека Украина развила „многу поекономични, помасовни и систематски решенија“.
фото: принтскрин
ИЈЗ смирува: Нема тешки метали во почвата и водата не е радиоактивна
Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, партијата Левица фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
