Германската евроскептична партија Алтернатива за Германија (AfD) и италијанската Северна лига (LN) ја поздравија одлуката на Британците за напуштање на Европската унија, челникот на финската евроскептична партија Finns предупреди дека не доаѓа предвид никаква одмазда во идните преговори меѓу Лондон и Брисел, а Марион Марешал Лепен, внуката и сопартијка на Марин Лепен, челничката на француската крајно десна партија Национален фронт (FN), повика „да се мине од Brexit кон Frexit“, односно излегување на Франција од ЕУ.

„Британците ѝ направија голема услуга на Европа со својата суверена одлука“, изјави Беатрикс фон Сторх, втората личност во германската AfD и пратеничка во Европскиот парламент.

Лидерката на AfD, Фрауке Петри истакна дека ја сака „Европа на татковините“ и разгледува други можни излегување од ЕУ доколку таа „не се откаже од своето речиси социјалистичко искуство на интеграции“.

Челникот на евроскептичната опозициска крајно десна италијанска партија Северна лига им честиташе на Британците на изгласувањето излегување од ЕУ и рече дека Италија би требало да биде следната земја која тоа ќе го стори. „Ура за храброста на слободните граѓани! Срцето, главата и гордоста ги победуваат лагите, заканите и уцените. Ти благодариме (Британија), сега е нашиот ред“, напиша Матео Салвини на Facebook.

Финскиот министер за надворешни работи Тимо Соини, лидер на евроскептичната партија Finss, изјави дека мора да се почитуваат резултатите од британскиот референдум додавајќи дека мора да се исклучи можноста од каква и да е „одмазда“ во идните преговори меѓу ЕУ и Велика Британија. „Народот се изјасни. Никаква одмазда не доаѓа предвид“, напиша на интернет страницата на партијата.

Челничката на крајно десниот француски Национален фронт, Марин Лепен, ја поздрави одлуката на Британците, повика на одржување сличен референдум во Франција. „Победа на слободата! Како што барам долги години, ние мораме да спроведеме случен референдум во Франција и во земјите на ЕУ“, напиша на микроблогот Twitter и побра одржување референдум во рок од шест месеци.

Марин Лепен сака да стане „Мадам Фрекзит“. „Европа ќе биде во центарот на следните претседателски избори“ пролетта 2017, напиша.

„Сега е време да ја вратиме демократијата во нашата земја, француските граѓани имаат право на избор“, изјави нејзината внука Марион Марешал Лепен повикувајќи на ткн „Frexit“.

И кандидатот на француската крајна левица на претседателските избори следната година Жан-Лук Мекеншон упати повик за излегување од европските договори и рее дека „Европската унија треба да се менува или да се напушти“.

„Мислам дека ова е крај ЕУ. Нема враќање. ЕУ веќе згасна!“, изјави за AFP холандскиот пратеник од крајната десница Геерт Вилдрес и побара одржува на референдум за „Nexit“, односно холандско излегување од ЕУ.

Видлерс тврди дека во Холандија ќе биде одржан референдум доколку тој стане премиер на изборите март. „Ќе формирам коалиција во којашто ќе постои договор за одржување референдум, ќе владеам со партиите кои се наклонети на таков референдум“, вели челникот на холандската Слободарска партија (PVV).

Португалската комунистичка партија, сојузничка на социјалистичката влада ја поздрави 2победата над стравот, неизбежното, подложноста и катастрофизмот“, и понуди ново оружје на ЕУ проти големиот капитал и големите сили, изјави европратеникот Жоао Фереира.

Данската популистичка партија DF наведе дека е прекрасно што авторите на кампањата за заплашување доживеале удар од сопственото оружје. Лидерот на шведската Лева партија, Јонас и Сјостед и Данската народна партија се залагаат за повторни преговори за „помалку обврзувачка соработка со ЕУ“.

Претседателот на австриската десна партија FPо Хајнц Кристијан Штрахе, побара оставка од претседателот на Европската комисија, Жан-Клод Јункер и од претседателот на Европскиот парламент Мартина Шулца./крај/мф/сн

Извор: Макфакс