Европа
Светот ѝ нуди помош на Германија, Австрија испрати специјалци
САД, Франција и Велика Британија ѝ понудија на Германија своја помош, а Австрија веќе испрати свои специјалци во Минхен, по пукањето во тамошниот трговски центар во кое се убиени најмалку осум лица, а се верува дека станува збор за терористички напад поради што е прогласена вонредна состојба во престолнината на јужната германска федерална земја Баварија.
Австриските власти испратија во Минхен група припадници на специјалните сили „Кобра“ за поддршка на минхенските специјалци по вооружениот напад во овој град, изјави челникот на управата за јавна безбедност при австриското министерство за внатрешни работи, Конрад Коглер.
„Поддршка на полицијата во Минхен ќе ѝ дадат 42 припадници на ‘Кобра’ од Австрија“, изјави Коглер за телевизијата ORF и додаде дека и во самата Австрија се засилени безбедносните мерки.
Засилени се контролите на граничните премини кон Германија од австриска страна, и при влез и при излез, а привремено во прекин е и железничкиот сообраќај од Австрија кон Минхен. Претходно од вечерта главната железничка станица во Минхен беше евакуирана поради нападот, а запрен е целиот јавен транспорт во градот.
Германските власти во петокот вечерта прогласија вонредна состојба во Минхен, по вооружениот напад во трговскиот центар „Олимпија“, бидејќи најмалку две лица осомничени за нападот се во бегство.
Американскиот претседател Барак Обама им вети на германските власти „целосна поддршка која им е потребна“ поради „терористичката ситуација“ во Минхен. „Некои од вас знаат дека имаше пукање во Минхен и во овој момент не се знае што точно се случува, но нашите мисли се со оние кои можеби се повредени“, изјави Обама додавајќи дека „Германија е една од нашите најдобри сојузнички и ќе ја пружиме сета помош која би можела да затреба во овој момент“.
Францускиот претседател Франсоа Оланд упати во петокот вечерта „лична порака со поддршка“ до германската канцеларка Ангела Меркел која во сабота ќе одржи специјален состанок со безбедносните структури за настаните во Минхен.
Велика Британија е подготвена да ѝ помогне на Германија, изјави министерот за надворешни работи Борис Џонсон. „Шокиран сум и запрепастен од овој ужасен напад во Минхен и загубените животи. Моите мисли се со повредените и семејствата на убиените“, рече Џонсон.
„Ние сме подготвени да им помогнеме на нашите пријатели во Германија. Нашиот совет до британските граѓани во таа област е да останат во домовите и да ги следат препораките на локалните власти“, додаде./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски: Подготвени сме да купиме 10 системи „Патриот“, само треба да најдеме средства
Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж
Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија
Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин
И војниците на АРМ ќе се вклучат во гаснење на пожарот во кривопаланечкото село Нерав
Пожарот во кривопаланечкото село Нерав уште е активен, на терен се повеќе екипи на територијалните противпожарни единици од Крива Паланка...
Силувани деца на возраст од 3 и 10 години во Гостивар, мајката ги снимила и видеото го пратила на таткото
Основното јавно обвинителство Гостивар донесе Наредба за спроведување истражна постапка против мајка од гостиварско за која постои основано сомнение дека...
Ангелов: До 13:30 часот се евидентирани 16 пожари на отворен простор
До 13:30 часот на 27 јули 2025 година, на територијата на државата се евидентирани вкупно 16 пожари на отворен простор,...
Хеликоптерска акција во Штип: Полициски службеници спасија повреден војник од борбата со пожарот
Во време кога летните горештини го зголемуваат ризикот од пожари, а бројот на активни огнени жаришта се зголемува ширум државата,...
Шумскиот пожар во Крива Паланка се шири кон куќите, екипите се на терен
Шумскиот пожар што од вчера напладне зафати над 50 хектари борова шума во кривопаланечкото село Нерав, според информациите од Општина...
Пожарникарите неуморно и секојдневно на терен, во едно деноноќие се гасеа 33 пожари
Во текот на изминатото деноноќие евидентирани се вкупно 33 пожари на отворен простор, од кои 12 се активни, пет се...
Двегодишно девојче најдено мртво на плажа во Грција
Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките...
Чекање до 45 минути на Табановце и Пелинце, а на Богородица околу 30 минути
Со зголемувањето на летните одмори и интензивните туристички патувања, на македонските гранични премини повторно се бележат големи гужви. Најголемиот притисок...
Поради гладување 90.000 жени и деца итно имаат потреба од медицинска интервенција во Газа
Секој трет жител на Појасот Газа со денови не добива храна, предупреди Светската програма за храна (WFP) на Обединетите нации....
Големиот пожар кој избувна попладнево во близина на Струмица е под контрола
Големиот пожар кој избувна попладнево во близина на Струмица меѓу Градските гробишта и селото Баница и зафати огромна површина и...
Анегелов: Пожарот на Готен не може да загрози ниту едно село
На територијата на целата земја денеска има шест активни пожари, а најтешкиот и најспецифичен е пожарот на планината Готен, на...
Најмалку 25 лица загинаа во текот на ноќта во нови напади на израелската армија врз Појасот Газа
Најмалку 25 лица загинаа во текот на ноќта во нови напади на израелската армија врз Појасот Газа, во време кога...
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце
Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје...
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот
Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години...
Го онесвестиле удирајќи го со клешти оти се сомневале дека им краде лубеници
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
62 години од катастрофалниот земјотрес во Скопје во кој животот го загубија 1.070 лица
Скопје денеска ја одбележува 62. годишнина од катастрофалниот земјотрес што се случи на 26 јули 1963 година, кога животот го...
Надлежните се борат со 11 активни пожари: Гори кај Прилеп, Македонски Брод, Штип
Според најновите информации, на територијата на државата се евидентирани вкупно 25 пожари на отворен простор. Од нив, 11 се сѐ...
(Видео) Грета Тунберг по Тетово стигна во Скопје, ќе дискутира за империјализмот и ќе протестира за спас на Дошница
Еко-активистката Грета Тунберг преку видео-обраќање на Инстаграм соопшти дека се наоѓа во Скопје и дека ќе учествува на неколку настани...
Се’ уште се трага по девојчето кое го одвлече Вардар – 29-годишната соселанка се обидувaла да го извлече од водата
Прпиадници на полицијата, армијата, нуркачи, кајакари се во интензивна потрага по 16-годишното девојче од селото Уланици, Градско, кое вчера беше...
Влегол на Онкологија и крадел од пациентите – притвор за 60-годишник
Скопското Обвинителство поведе постапка против 60-годишник осомничен за тешка кражба. Кражбата ја извршил на Клиниката за радиотерапија и онкологија, каде...
