Европа
Туск ги објави предлозите за договорот со Лондон ПРОШИРЕНА

Претседателот на Европскиот совет, Доналд Туск, ги објави во вторникот предлозите за договорот со Велика Британија, кој ќе биде основа за расправа на претстојниот самите на челници од земјите челник и на Европската унија кој на 18-ти и 19-ти февруари ќе се одржи во Брисел во рамките на подготовките за референдумот за британското останување или излегување во Унијата.
Во писмото упатено до сите челници на земјите членки на ЕУ, претседателот на Европскиот совет Доналд Туск истакна дека предлозите, според неговото мислење, го решаваат прашањето коишто ги постави Велика Британија, а истовремено не ги прекршуваат начелата на коишто е втемелена Европската унија.
Според предлозите, на коишто веќе со месеци било работено, националните парламенти на земјите членки ќе имаат поголемо овластување при носењето на законите на ЕУ. Се предлага 550 отсто од 28-те национални парламенти, односни 16 од нив, мижат да ги сопрат или да ги променат законите во постапката на носења.
Велика Британија, исто така, бара јакнење на конкурентноста на економијата и намалување на бирократијата, подобрување на позицијата на земјите членки кои не го користат еврото в однос на земјите од еврозоната, јакнење на сувереноста на националните држави и улогата на националните парламенти, како и ограничување на пристапот до социјалните надоместоци за работниците од другите земји членки на ЕУ кои работат во Обединетото Кралство.
Туск, истакнува дека предлозите за заштита на земјите кои не се членки на монетарната унија – еврозоната, не значи дека тие може да имаат право на вето на одлуките на еврозоната.
Предлогот вклучува и одредби за ограничување на социјалните надоместоци за работниците од другите земји членки на ЕУ доколку дојде до преоптоварување на социјалниот систем на една земја членка, што беше едно од најтешките британски барања бидејќи навлегува во слободата на движењето на луѓето, што се смета за едно од најголемите достигнувања и основни принципи на ЕУ, коешто според Туск, со овој предлог не е прекршено.
Во предлогот на Туск, се наоѓа и своевидна сопирачка, којашто овозможува на одредено време, до четири години, да можат да се намалат социјалните надоместоци за работниците од другите земји членки на ЕУ, во случај на голем прилив на имигранти. Таа сопирачка може да се активира, доколку системот за социјална сигурноста биде изложен на преголем притисок, а на тоа би имале право сите земји членки, бидејќи според Туск, само така може да се избегнат дискриминациите и попречувањето на слободата на движењето.
Камерон бараше на работниците од земјите членки од источна и од средна Европа да не им се исплаќаат социјални надоместоци во првите четири години од работењето во Велика Британија, тврдејќи дека тие мораат прво да придонесат на британскиот социјален систем, дури потоа од него да бараат помош. „Не може да се добие нешто за ништо“, изјави повеќепати британскиот премиер.
Кога станува збор за Велика Британија, Европската комисија тврди дека веќе сега постои „вонредна околност“ којашто овозможува активирање на таа сопирачка, што отвора пат таа да се активира што во Британија на референдумот биде изгласано останување во ЕУ. Таквото толкување, очигледно, е наменето за евроскептичното јавно мнение.
Камерон изрази стравување од натамошната интеграција на земјите на еврозоната, тврдејќи дека тоа би можело да оди на штета на земјите надвор од зоната на употреба на заедничката валута. Сега добил гаранции дека нема да има дискриминации во тој поглед, но и дека земјите надвор од еврозоната нема да имаат право на вето на одлуките на еврозоната.
Туск го претстави механизмот според кој деветте земјите надвор од еврозоната можат да ја изнесат својата загриженост и да побараат потребни гаранции доколку сметаат дека некои одлуки на земјите од еврозоната се однесуваат на нив. „Но, тоа не е право на вето и тоа не може да ги запре итните одлуки, на пример, во случај на финансиска криза“, вели челникот на Европскиот совет. Британскиот конзервативен премиер Дејвид Камерон вети дека на почетокот од 2013 година дека на британските граѓани, доколку победи на парламентарните избори кои се одржаа пролетта 2015 година, ќе организира референдум до крајот на 2017 година за останувањето или излегувањето на Велика Британија од Европската унија. Пред разговорот со Туск во Лондон изминатите два дена во Лондон, повтори дека ќе се обиде да постигне договор за реформите коишто би ги задоволиле британските барања и коишто би овозможиле останување на земјата во Унијата. Претходно се појавија шпекулации дека доколку таквиот задоволителен договор за Лондон биде постигнат, британскиот референдум би можел да се одржи уште во јуни годинава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина

Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет

Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.