Европа
Уапсен свештеник за вмешаност во измама на 300 лица

Римокатолички епископ, 64-годишниот монсињор Патрицио Бенвенути, е уапсен под обвинение дека измамил 300 повозрасни лица, извлекувајќи од нив милиони евра со разработена шема од перење пари, извести во средата италијанската полиција.
Епископот (прелатот) Патрицио Бенвенути, кој по потекло е од Аргентина како и поглаварот на Римокатоличката црква папата Франциск, е ставен во домашен притвор, а издадена е меѓународна потерница по француски агент за продажба на недвижнини, 54-годишниот Кристијан Вентисет, кому сé уште не му е откриена трагата, објави француската полиција.
Бенвенути и Вентисет, како што се наведува во полицискиот извештај, успеале да уверат 300 потенцијални штедачи во Франција, Белгија, Швајцарија, Луксембург, САД и Италија, да вложат вкупно 30 милиони евра, со објаснување дека истовремено им помагаат на добротворните фондации.
Епископот за Reuters рекол дека не знаел на кој начин работите функционираат, префрлајќи ја вината врз Винтисет. „Парите исчезнаа, но не се во мојот џеб, ниту во сопственост на фондациите, туку во џебот на лицето коешто сите нас нé насамари“, изјавил Бенвенути.
Жртвите на измамата верувале дека заштедата им ја доверуваат на стручњаци од секторот финансии и недвижнини. Полицијата објасни дека ги привлекло и ветувањето на Бенвенути дека со вложувањата ќе помогнат на добротворна фондација, којашто според него ја поддржувале и високи функционери во Ватикан.
Истрагата била отворена откако поранешна чесна сестра, која соработувала со Бенвенути, на полицијата ѝ пријавила дека добила банкарски документи кои покажуваат пренос на стотици илјади евра, којашто таа не може да ги објасни./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Руски град на 1.300 километри од украинската граница нападнат со дронови

Украинските беспилотни летала нападнаа повеќе цели во Русија и во окупираниот Крим преку ноќ вклучувајќи го и рускиот град Ижевск, на повеќе од 1.300 километри од украинската граница, објавија руските власти и локалните канали на „Телеграм“.
Жителите на Ижевск пријавија експлозии рано утрово, а локалните власти потврдија напад со беспилотно летало врз објект во градот. Александар Бречалов, шефот на руската Удмуртска Република, рече дека службите за итни случаи реагираат на нападот и дека повеќе информации ќе бидат објавени штом ќе станат достапни.
💥 What a loaded morning! Russian city Izhevsk was hit by drones — air defense scored a clean 0%
Udmurtia’s governor Brechalov claimed that one of the city’s enterprises was attacked by drones “from the Kyiv regime” (🤭).
🏭 Reportedly, the target was the Izhevsk… pic.twitter.com/oIlu8dFJ4n
— NEXTA (@nexta_tv) July 1, 2025
Руската агенција за цивилно воздухопловство привремено ги прекина летовите до и од градските аеродроми по инцидентот.
Руското Министерство за одбрана соопшти дека неговата воздушна одбрана соборила 60 украински беспилотни летала во текот на ноќта во неколку региони, вклучувајќи 17 над окупираниот Крим, 16 над Ростовската област и 11 над Азовското Море. Другите наводно биле соборени над Курската, Саратовската, Белгородската, Воронежската и над Орјолската област, како и над Црното Море.
Експлозии и во Крим
Во окупираниот Крим локалните канали на „Телеграм“ известија за експлозии во кои наводно се наоѓаат руски системи за воздушна одбрана „С-300/С-400“ и радарски станици.
• NASA satellites recorded a strong fire south of the village of Kurortne during the night.
• According to informants from the monitoring group, this is the location of an S-300/S-400 air defence system. pic.twitter.com/42wnAK5yJ1
— Boris Alexander Beissner (@boris_beissner) July 1, 2025
Групата за мониторинг се повика на сателитски податоци од НАСА, кои покажуваат голем пожар во областа преку ноќ, иако нема официјална потврда за каква било штета на системите за воздушна одбрана.
Украина официјално не ја презеде одговорноста за нападите, а нејзината воена разузнавачка служба не ги коментира настаните. „Киев индепендент“ не беше во можност независно да ја потврди оваа информација.
Европа
Млад човек упадна во компанија во Германија: уби едно лице со нож и тешко повреди уште двајца

Дваесет и едногодишен маж избол тројца вработени во компанијата за електрична енергија „Уберландверке Рен“ во Германија, соопшти полицијата.
Еден вработен е убиен, а двајца се тешко повредени во Мелрихштат, мал град источно од Франкфурт во јужна Германија, соопшти полицијата во објава на социјалните мрежи.
Според „Билд“, вработениот починал откога претрпел повеќекратни убодни рани во горниот дел од телото, вклучувајќи го и вратот.
Осомничениот, 21-годишен германски државјанин, е уапсен, потврди портпаролот на полицијата. Сè уште не е јасно каква е неговата поврзаност со компанијата или кој би можел да биде неговиот мотив за нападот.
„Грижата за повредените е наш врвен приоритет, како и разјаснувањето на точните околности на инцидентот“, изјави портпаролот на полицијата.
Европа
Данска го презема претседавањето со Европската Унија

Данска денес го презема од Полска ротирачкото шестмесечно претседавање со Европската Унија.
Се очекува владини претставници од Копенхаген да претседаваат со бројни министерски состаноци во текот на следните шест месеци и да дејствуваат како медијатори во споровите меѓу 27-те земји-членки на ЕУ.
Тематски, Данците сакаат да се фокусираат на заеднички проекти за вооружување против заканата од Русија и зголемена конкурентност во рамките на ЕУ под мотото „Силна Европа во светот што се менува“.
Тие, исто така, се надеваат дека ќе ги унапредат законските проекти за борба против несаканата миграција и климатските промени.
Главните предизвици за данското претседателство веројатно ќе бидат тековната унгарска блокада на Украина во преговорите за пристапување кон ЕУ и трговскиот спор со Соединетите Американски Држави.
Се закануваат дополнителни спорови околу финансиските прашања, бидејќи дискусиите за долгорочниот буџет на ЕУ од 2028 до крајот на 2034 година треба да започнат во наредните месеци.
Ставовите на земјите-членки варираат во голема мера. На пример, Германија, како нето придонесувач, се спротивставува на зголемувањето на буџетот, кој неодамна изнесуваше повеќе од еден билион евра.