Европа
Убиецот од Минхен психички болен, наводно инспириран од Брејвик
Осумнаесетгодишниот убиец, кој во петокот вечерта во Минхен уби девет луѓе, бил психички болен и пред нападот проучувал некои слични убиствени походи, а полицијата нападот го поврзува со масакрот кој на исти ден пред пет години се случи во норвешката престолнина Осло, соопшти во саботата германската полиција.
„Убиецот има 18 години, тој се родил и израснал во Минхен. Ученик е, во неговиот стан, во неговата соба, каде што живеел, извршен е претрес. Како резултат на претресот не е пронајдена никаква поврзаност со Исламската држава“, изјави директорот на Полициската управа на Минхен, Хубертус Андре на прес-конференција пренесе телевизијата N-24
Полицијата претпоставува дека станува збор за осамен сторител, кој немал помагачи. Андре, исто така, ја исклучи и поврзаноста на нападот со актуелната тема на бегалците која длабоко го подели германското општество.
„Поврзаноста со масакрот во Норвешка се наметнува самата од себе“, изјави Андре на прес-конференција укажувајќи дека петочниот масакр се случи на петгодишнината од масакрот во Осло кога десничарскиот екстремист Андреас Меринг Брејвик уби 77 лица, главно млади левичарски активисти изразувајќи револт од доселеничката политика на левичарската норвешка влада.
„Извршителот веќе подолго време се интересирал за слични масакри“, изјави Андре. Истовремено потврди дека младиот Иранец се лекувал поради „психички проблеми“.
Истовремено тој рече дека напаѓачот кој се самоуби, најверојатно бил под опсервација на психијатар поради депресија. „Информацијата за можно психичко растројство треба уште да ја провериме, тоа е невозможно да се стори за една ноќ“, рече Андре замолувајќи ја јавноста за трпение.
Државното обвинителство претходно објави дека се лекувал поради „еден облик на депресија“.
Медиумите пишуваат дека извршителот на нападот е 18-годишниот Али Давид Сонболи, чии родители се од Иран, а претходно весникот Spiegel го идентификуваше како Давид С. Тој самиот поседувал и германско и иранско државјанство.
Напаѓачот во текот на пукањето врз случајните минувачи пред ресторанот за брза храна во близина на трговскиот центар „Олимпија“, според очевидци, извикувал пароли насочени против странците, но иследниците „не гледаат политички мотив“, како ниту некаква врска со „исламистичкиот тероризам“.
Полицијата објави во саботата дека ги прегледува сите видео снимки, а особено онаа на којашто се гледа напаѓачот и се слуша како разменува расни навреди и пцовки со друг маж. „Се обидуваме да утврдиме кој што рекол“, рече портпаролот на минхенската полиција.
Според медиумските извештаи, 18-годишниот Сонболи преку Facebook ги намамил жртви во еден од рестораните на „McDonalds“ нудејќи им бесплатни оброци. Седум од жртвите се малолетници. Меѓу убиените се и тројца Албанци од Косово, едно момче и две девојки, кои живееле во Минхен.
Челникот на минхенската полиција ги соопшти во саботата ажурираните резултати за жртвите од инцидентот. Вкупно, со напаѓачот, загинале 10 луѓе, најмногу малолетници. „Двајца имаат 15, уште тројца 14, еден 7, еден 19, еден 20 и еден 45 години“, прецизираше Андре.
Во нападот вкупно настрадале 27 лица, од кои четворица имаа огнострелни рани. Со тешки повреди се здобиле 10 настрадани, од кои и 13-годишно момче.
Откако во ресторанот за брза храна и во блискиот трговски центар убил девет и ранил уште 16 лица, од кои три се во критична состојба, убиецот во блискиот парк извршил самоубиство. Полицијата крај неговото тело нашла пиштол од марката „Glock“ со калибар 9мм и ранец полн со муниција, кој претходно бил проверен за можни експлозиви. Полицијата соопшти дека овој вид оружје е „многу популарно“ меѓу извршителите на слични убиствени походи, како и дека 18-годишникот дошол до него на „нелегален начин“.
Од своја страна, шефот на криминалистичката полиција на Баварија, Роберт Хајмбергер на брифинг со новинарите изјави дека пиштолот најверојатно е набавен нелегално, бидејќи од него бил избришан серискиот број.
Напаѓачот живеел заедно со родителите и братот во стан во Минхен. Според полицијата, родителите не се во моментов во состојба да дадат исказ.
Во петокот доцна попладнето, по првите информации за истрелите во трговскиот центар, се појавија и извештаи за слични напади и во центарот на градот, кои предизвикаа паника во Минхен, во која се полесно повредни неколку лица. Овие информации се покажаа неточни, како и првичните за тројца напаѓачи кои се базираа на изјави на очевидци./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците ја нападнаа Москва со беспилотни летала
Руската престолнина синоќа повторно беше цел на беспилотни летала, изјави градоначалникот на Москва, Сергеј Собјанин. Ова е втор голем напад со беспилотни летала за помалку од една недела по големиот напад на 10 декември, објави „Киев индепендент“.
Русите: Соборивме најмалку 18
Според Собјанин, руската воздушна одбрана собори најмалку 18 беспилотни летала што се движеа кон Москва. Тој рече дека нема извештаи за жртви или штети и дека службите за итни случаи ги расчистуваат остатоците од соборените беспилотни летала.
Taking the war to russian’s front door in Moscow tonight:
🔥Drones are attacking Moscow: explosions are heard and smoke is rising. Muscovites are panicking. Cope is real. pic.twitter.com/45Ca3Wym77
— Beefeater (@Beefeater_Fella) December 14, 2025
Руското Министерство за одбрана подоцна објави подетаљни податоци тврдејќи дека вкупно 130 беспилотни летала биле пресретнати во Русија преку ноќ. Од нив, велат тие, 25 биле соборени над Московскиот Регион.
Експлозии и прекини во сообраќајот
Жителите на истринскиот округ, 40-ина километри западно од Москва, пријавија повеќе од десетина гласни експлозии, објави рускиот телеграм-канал „Шот“. Експлозии се слушнале и во Кашира и во Коломна, јужно од главниот град.
Нападите доведоа и до привремени ограничувања на воздушниот сообраќај на московските аеродроми „Жуковски“ и „Домодедово“. Претходните напади исто така ги прекинаа воздушните операции приземјувајќи и одложувајќи стотици летови.
Европа
Евростат објави колку бегалци од Украина примила секоја земја од ЕУ
Евростат објави детаљни податоци за тоа колку граѓани, кои не се од ЕУ, а избегале од Украина, моментно имаат статус на привремена заштита во Европската Унија.
На 31 октомври оваа година вкупно 4,3 милиони такви лица имале статус на привремена заштита. Во споредба со крајот на септември оваа година, вкупниот број на лица од Украина под привремена заштита се намалил за 6.170 (-0,1 %).
Земјите членки на ЕУ, кои примиле најголем број корисници на привремена заштита од Украина, биле Германија (1.229.960 лица; 28,6 % од вкупниот број во ЕУ), Полска (965.005; 22,5 %) и Чешка (393.005; 9,1 %).
Список на земји според примени бегалци од Украина:
- Германија – 1.229.960
- Полска – 965.005
- Чешка – 393.005
- Шпанија – 250.135
- Романија – 197.675
- Словачка – 137.600
- Холандија – 132.200
- Ирска – 117.805
- Белгија – 93.520
- Австрија – 90.340
- Норвешка – 82.590
- Финска – 77.335
- Бугарија – 75.255
- Швајцарија – 70.950
- Италија – 56.940
- Франција – 54.005
- Литванија – 50.600
- Шведска – 48.315
- Данска – 45.230
- Унгарија – 42.430
- Грција – 37.685
- Естонија – 34.965
- Латвија – 31.280
- Хрватска – 28.070
- Кипар – 24.755
- Словенија – 10.950
- Малта – 2.445
- Лихтенштајн – 845
Европа
(Видео) Експлозии во Белгород; Русите: Бевме нападнати со ракети, штетата е значителна
Украинскиот ракетен напад врз рускиот град Белгород предизвика „сериозна штета“ на локалната инфраструктура, изјави доцна синоќа гувернерот на Белгородската област, Вјачеслав Гладков.
„Како резултат на нападот, е предизвикана сериозна штета на инженерската инфраструктура. Службите за итни случаи и оперативните служби работат на отстранување на последиците“, напиша Гладков на социјалните мрежи.
Night-time strikes were reported in Belgorod, Russia. Russian channels say the Luch thermal power plant was hit in a missile attack. Unconfirmed reports suggest HIMARS was used – something seen relatively rarely. pic.twitter.com/m6FVEx261w
— WarTranslated (@wartranslated) December 14, 2025
Гладков објави заматена фотографија од местото на нападот, но не прецизираше кои цели биле погодени. Локалните канали на Телеграм објавија експлозии во термоцентралата Луч во градот, клучна енергетска инфраструктура во Белгород, која во минатото беше цел на украински напади, предизвикувајќи големи прекини во снабдувањето со електрична енергија.
Белгород е честа цел на украински напади
Термоцентралата Луч е гасно-турбинска електрана која произведува топлина и електрична енергија и обезбедува околу 10 проценти од греењето на градот.
❗️According to local reports, a missile strike hit the "Luch" substation in 🇷🇺Belgorod. The city is experiencing power outages. pic.twitter.com/PRq6at8B6T
— 🪖MilitaryNewsUA🇺🇦 (@front_ukrainian) December 14, 2025
Според Гладков, некои куќи и станбени згради во областа беа исто така оштетени во вчерашниот напад. Засега нема извештаи за жртви. Жителите на Белгород, исто така, пријавија прекини во снабдувањето со електрична енергија по нападот.
Сместен на границата со Харковската област, Белгород е честа цел на украински напади. Украина претходно ја таргетираше енергетската инфраструктура во регионот користејќи HIMARS и повеќекратни ракетни системи (MLRS) како одговор на руските напади врз енергетската мрежа на Украина, што сè повеќе го нарушува секојдневниот живот на жителите на Белгород.
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
Херојот Ахмед од Сиднеј би можел да ја загуби раката: „Сè би повторил“
Ахмед ал Ахмед, случаен минувач кој вчера херојски совлада и разоружа еден од напаѓачите на плажата Бонди, порача дека и...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
(Фото) 10-годишно девојче, двајца рабини и маж што го преживеал холокаустот: познати жртвите од Сиднеј
Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...
(Видео) Татко и син убија 15 луѓе во Сиднеј: „Се заколнале на верност на ИСИС“
Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...
(Видео) Снимено уривањето на огромен руски воен транспортен авион, се преполови во воздухот
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...
Земјотрес почувствуван во Македонија
Утрово во 7.20 часот беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил со јачина од...
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...
(Видео) Преживеан од холокаустот загина штитејќи ја сопругата на плажата Бонди
Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...
(Видео) Американски режисер и неговата сопруга пронајдени мртви: полицијата се сомнева дека е убиство
Полицијата на Лос Анџелес истражува нешто што го опишува како очигледно убиство откога две тела беа пронајдени во домот на...
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
