Европа
Украина призна дека 40 војници минале во Русија, и предаде за транспорт низ нејзина територија ранети и убиени
Министерот за одбрана на Украина, Валериј Хелетеј призна во неделата дека најмалку 41 украински војник ги напуштиле своите единици и со помош на проруските бунтовници се префрлиле на руска територија, пишува интернет изданието на весникот Украинская правда.
Во саботата навечер портпаролот на Пограничната управа на руската Федерална служба за безбедност (ФСБ) на Ростовската област, Василиј Малаев објави дека над 40 украински војници ги напуштиле своите единци и со помош на проруските милиции минале на територијата на Русија затоа што „не сакаат да војуваат против сопствениот народ“. Претходно украинскиот министер за одбрана Валериј Хелетеј изјави дека ќе се спроведе внатрешна истрага за информациите за дезертирањето на војниците.„Очигледно,такво нешто се случило“, изјави Хетелеј за телевизијата Интер во неделата коментирајќи ги информациите за преминувањето на украинските војници на руската граница. Во неделата, пак, портпаролот на ФСБ Малаев изјави за руските медиуми дека Украина на Русија ѝ предала за натамошен транспорт тројца ранети и четворица убиени војници.„На рускиот контролен пункт Новошахтинск оставени се тројца ранети и четворица убиени војници на Украина. Покрај тоа, украинската страна планира преку граничниот премин Гуково да предаде други свои ранети и загинати војници, изјавил Малаев за агенцијата Итар-Тасс.Прецизирал дека транспортот на настраданите украински војници ќе се одвива преку територијата на Русија, а на украинската страна ќе ѝ бидат предадени на граничниот пункт Матвеев-Курган од руска, односно Успенка од украинска страна.Станува збор за нов транспорт од вкупно 30 ранети и загинати украински војници од борбите со проруските бунтовници во источниот дел од земјата, коишто на барање на Киев се транспортираат преку руска територија за да бидат повторно внесени на украинска поради неможноста од безбедносни причини да бидат транспортирани во внатрешноста на Украина преку територии кои ги контролираат ткн народни милиции на самоодбраната во Донецкиот и Луганскиот регион во источниот дел од земјата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.