Францускиот претседател, Емануел Макрон, утре ќе отпатува за Бејрут, каде што ќе се сретне со либанските политички функционери.

Макрон разговараше со либанскиот претседател Мишел Аун непосредно по експлозијата во пристаништето во Бејрут, пренесува француското претседателство.

Тој нареди испраќање француски сили да му помогнат на Либан, со кој Франција има длабоки историски врски, пренесува „Ројтерс“.

Во голема експлозија во пристаништето во Бејрут загинаа стотина луѓе и повредени се илјадници.

Папата Франциско ги повика верниците да се молат за жртвите од стравотната експлозија во Бејрут, во која најмалку стотина луѓе го загубија животот, а повеќе од 4.000 беа повредени, како и за нивните семејства.

„Да се ​​молиме за жртвите и семејствата на жртвите од експлозијата во Бејрут. Исто така, да се молиме за Либан со помош на социјална, политичка и верска посветеност да ги надмине овие крајно трагични и болни моменти“, напиша тој на својот профил на „Твитер“.

Let us pray for the victims of the explosions in Beirut and for their families; and let us pray for Lebanon so that, through the dedication of all its social, political and religious elements, it might face this extremely tragic and painful moment.

— Pope Francis (@Pontifex) August 5, 2020

Трагедијата се случи кога околу 2.750 тони амониумнитрат складирани во пристаништето во Бејрут експлодира поради несоодветно чување. Експлозијата предизвика голема материјална штета, а се почувствува на оддалеченост од 10 километри.

Рим, Венеција, Фиренца, Торино и Милано, кои заедно сочинуваат повеќе од една третина од италијанскиот туризам, годинава ќе загубат речиси 34 милиони туристи од странство поради пандемијата на Ковид-19.

Проценето е дека ова ќе предизвика загуба од 7 милијарди евра, од кои 4,9 милијарди евра се однесуваат на секторите за сместување, угостителство и деловно-услужни услуги, тврдат од здружението „Конфесерценти“.

Во Венеција, која е меѓу најатрактивните дестинации во светот, се очекува загуба од 13,2 милиони посетители, односно 3 милијарди евра загуба. Следува Рим, кој се проценува дека ќе остане без десет милиони странски туристи оваа година, како и без 2,3 милијарди евра, а потоа и Фиренца, која ќе биде без пет милиони посетители од странство и загуба од 1,2 милијарда евра.

Како што се наведува, Милано ќе изгуби четири милиони туристи и потрошувачка од речиси 900 милиони евра, а Торино ќе се соочи со пад на бројот на посетителите за повеќе од 800 илјади, како и 186 милиони евра туристички трошоци помалку.

Градовите на културата и уметноста во Италија, кои се многу зависни од меѓународниот туризам, во најголем дел се без посетители поради пандемијата и рестриктивните мерки, а домашните туристи за одмор избираат помали крајбрежни градови, села и планини.