Рускиот суд во вторникот ја осуди украинската воена пилотка 34-годишната Надежда Савечнко на 22 години затвор, прогласувајќи ја виновна за соучесништво во убиството на двајцата руски новинари за време на судирите во мнозинскиот рускојазиен исток на Украина.

Савченко, којашто стана поради убиството на руските новинари национален херој во Украина, во моментот на изрекување на пресудата пркосно ја пеела украинската химна, пренесуваат медиумите. Таа го негираше обвинението, од стаклениот безбедносен кафез, викајќи дека целта на процесот е да биде понижена Украина

Руските функционери навестија дека кога ќе биде целосно завршено судењето, таа би можела да биде вратена во Украина, можно во наводна размена на затвореници

Украинскиот министер за надворешни работи Павло Климкин напиша на Twitter „Резултатот е очекуван, меѓутоа сеедно е болен.. ‘Казната’ не е крај на борбата. Тоа е почеток на новата фаза во борбата за Савченко“.

Савченко, облечена во маичка со украински државни симболи, гласно го прекинувала судијата кој ги отфрли тврдењата на нејзините адвокати, дека таа не можела да биде вмешана во убиството на двајцата новинари.

„Доказите кои ги ибезбеди обвинителството се веродостојни и целосно ја побиваат теоријата на одбраната за невиноста на Савченко“, изјавил судијата Леонид Степаненко. Додал дека судот одлучил „дека конечната казна за Савченко ќе изнесува 22 години лишување од слобода и казна од 30.000 рубљи“.

Запрашана дали ја разбира пресудата, Савченко започнала да ја пее украинската химна. Нејзините приврзаници во судница пееле со неа и се обиделе да го развиорат украинското знаме во што биле спречени и изведени надвор.

Судот ја прогласи виновна за убиството на новинарите Игор Корнелјук и Антон Волошин, како и за обид за убиство на цивили и илегално преминување на руската државна граница. Таа беше заробена набргу потоа во јуни 2014 година во Донбас.

Украинскиот претседател Петро Порошенко изјави дека Украина никогаш нема да ја призна пресудата за Савченко на рускиот суд. „Украина нема никогаш, повторувам никогаш, да го признае таквиот суд за Надежда Савченко, ниту ткн казнување“, изјави Прошенко повикувајќи го рускиот претседател Владимир Путин да „го одржи ветувањето што го даде и да ја врати Савченко во Русија“.

На ова портпаролот на Кремљ одговори дека по предлогот на Порошенко за размена на Савченко дека „Руската страна ќе дејствува строго во согласност со националното законодавство. Поинакво решение може да донесе само претседателот, но не можам да кажам какво“./крај/мф/сн

Извор: Макфакс