Европа
Украински војници признаа убиство на мајка и ќерка во Донецк
Двајца украински војници признале дека убиле мајка и ќерка во источна Украина коишто ги сомничеле дека се симпатизери на рускојазичните бунтовници, соопшти во средата окружното обвинителство.
„Утврдено е дека на 15-ти јуни војниците влегле во домот на жените и ги застрелале од автомати. Тие се сомневале во жените за сепаратизам“, е вели во соопштението. Според појаснувањето, станува збор за 77-годишна мајка и нејзината 45-годишна ќерка, во селото Луганско во Донецката област.
„Двајцата украински војници, на возраст од 23 и 25 години, се притворени. Ја признаа вината“, се вели натаму во соопштението без да се навлегува во поединости за злосторството извршено во понеделникот.
Претходно во мај разузнавањето на самопрогласената ткн Народна република Донецк, објави извештаи за кои се тврди дека се пресретнати извештаи на украинските правосудни и полициски органи за злосторства коишто наводно ги извршиле војниците коишто во побунетиот рускојазиен исток на земјата војуваат на страна на силите лојални на прозападните власти во Киев.
Во еден од тие извештаи на Министерството за внатрешни работи на Украина за Донецкиот регион се известува за убиство на жител на Аврамосиевската област. „На 26-ти август минатата година во една приватна куќа влегле луѓе со украински ознаки. Сопственикот на домот бил убиен, а неговата сопруга тешко ранета“, се наведува во цитираниот документ.
Покрај обвинувањата на проруските бунтовници за масовни убиства извршени од страна на припадници на вооружените сили на Украина, тамошното министерство за внатрешни работи известило и за серија грабежи, особено на контролните пунктови, каде локалното население било тепано и му биле одземани парите.
На крајот од октомври 2014 година, тогашниот ткн премиер на самопрогласената Народна Република Донецк, Александр Захарченко, објави дека од 400 жени на возраст меѓу 18 и 25 години кои се водат како исчезнати од градот Красноармијск во близина на најголемото упориште на проруските бунтовници во источна Украина, како и дека се пронајдени телата на 286 жени, врз кои се видливи траги од силувања, како и дека се застрелани во тилот.
Во градот Красноармијск во источната украинска Донецка област, која е центар на бунтот на рускојазичното население, од 80 илајди жители повеќето се етнички Украинци кои како мајчин го наведуваат рускиот јазик, бил распореден баталјонот ’Дњепар-1’ на украинските сили лојални на прозападните власти во Киев, за кој во вторникот Захаречнко изјави дека е уништен. Украинските власти ги отрфлаат овие обвинувања, додека меѓународните организации за човекови права ги испитуваат ваквите наводи./крај/мф/сн
Извор: AFP/ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.