Европа
Украинските медиуми пак секвенци од видео игра ги прикажаа како сателитски снимки

Украинските медиуми во четвртокот на своите електронски изданија ја објавија информацијата за наводен ракетен напад од територија на Русија, а како „доказ“ извештајот беше проследен со кадри од компјутерската игра „Flaming Cliffs 2“, пренесува порталот Ukraina.ru.
Грешката, или измамата, е откриена од интернет корисниците кои го разобличија тврдењето на медиумите дека доказите претставени како снимки направени од американски сателит, се всушност скринштовои направени од компјутерска игра.
Руските медиуми веднаш коментираа дека ова „не е единствениот обид за фалсификување на податоци од страна на украинските медиуми и официјални лица“. Така, РИА Новости потсетува дека на 19-ти јули на интернет страницата на Службата за безбедност за Украина беше објавено соопштение дека од украинската територија се изнесува ракетен систем „Бук“, со кој инаку како што тврдат Киев и Западот на 17-ти јули над источна Украина од областа којашто ја контролираат проруските бунтовници бил наводно соборен малезискиот патнички авион со 298 патници. Сепак, и тогаш ревносните корисници на интернет открија дека станува збор за лажни „фото докази“. На пример, една од објавените фотографии претставува скриншот од видео снимено во март 2014 година, каде се јасно воочливи украинските позиции на систем „Бук“ со број 312. На 20-ти јули, пак, во украинските медиуми „се појавија докази“ за влегување на руски тенкови во Донецк, но како што истакнува руската агенција, и овојпат произлезе дека станува збор за турнир на вљубениците во компјутерската игра „World of Tanks“ во Подмосковје. Притоа се истакнува дека авторите на споменатиот материјал си дозволиле да не го покријат логото на играта (WOT) на оклопните возила./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин