Европа
УНИЦЕФ: Лошото време, ограничувањата на границите е нов удар за децата во движење

Непредвидливите ограничувања на границите и лошото време ги усложнуваат тешкотиите и предизвиците за децата бегалци и мигранти и жените кои сега изнесуваат над половина од сите мигранти и бегалци кои доаѓаат по морски пат.
Од почетокот на 2015-та до ноември, над 876,000 луѓе пристигнаа преку Медитеранот на европското крајбрежје, според процените на УНЕЦЕФ. Од летниот период, процентот на жени и деца и натаму се зголемува, се забележува во извештајот и се додава оти до ноември,имало 27 отсто деца и жени, а во ноември таа бројка се зголеми на 52 проценти.
За да се сведат на минимум натамошните ризици и страдање, УНИЦЕФ започнува подготовки за зимскиот период и планови за создавање резерви за да се направат прилагодувања на состојбата која забрзано се менува.
„Досега, зимата во Европа беше релативно блага, но тоа се менува. Сега наша најголема загриженост се лошите временски услови и непредвидливите ограничувања на границите заради што многу деца ќе најдат во состојба на несигурност, изложени на ризик од настинки и респираторни заболувања”, рече Мари-Пјер Поарие, специјален координатор на УНИЦЕФ за бегалската и мигрантската криза.
„Топли алишта, шалови и чорапи за бебиња не се доволни. Децата кои се во движење ја преживеале војната, сиромаштијата и тешкотиите; сега на нив им треба стабилност, заштита и поддршка”, додаде.
УНИЦЕФ веќе започна да дистрибуира топли алишта, обувки за деца, ќебиња, хигиенски пакети и водоотпорна опрема и опрема за загревање на сите места по мерка на децата на УНИЦЕФ во земјите каде има најголем број на деца во транзит: Хрватска, Македонија, Србија и наскоро Словенија и Грција.
Во рамките на активностите за зимскиот период, УНИЦЕФ има направено планови за вонредни состојби за да се одговори на зголемените потреби на децата и жените и на ненадејните промени во рутите на мигрантите, во Албанија, Босна и Херцеговина, Бугарија, Црна Гора и Романија, како и Косово.
УНИЦЕФ работи со УНХЦР и Црвениот крст за зајакнување на постоечките мрежи на простории по мерка на децата и центри за мајки и бебиња во Места за поддршка на деца и семејства за да им се помогне и да се заштитат децата и нивните згрижувачи со низа на мерки, како што се правна помош и повторно поврзување на семејствата./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украина им дозволува на мажите до 22 години да ја напуштат земјата

Украинската влада им дозволи на младите мажи под 22 години да ја напуштат земјата и покрај војната со Русија.
„Мажите на возраст од 18 до 22 години можат слободно да ја преминат границата за време на воена состојба“, објави денес украинската премиерка Јулија Свириденко на Телеграм.
Одлуката се однесува на сите регрути во таа возрасна група.
Одлуката е важна и за Украинците кои веќе се во странство од различни причини да не ја изгубат врската со својата татковина, напиша премиерката.
Министерот за внатрешни работи Игор Клименко објасни дека мерката има за цел да им даде на младите мажи повеќе можности да студираат во странство, за да можат да придонесат за развојот на земјата кога ќе се вратат.
По почетокот на руската инвазија на Украина пред три и пол години, украинскиот претседател Володимир Зеленски прогласи вонредна состојба што вклучуваше забрана за патување за сите мажи на возраст од 18 до 60 години можат да служат војска.
Исклучоците бараат посебни дозволи. Илјадници ја напуштија земјата за да избегнат одење на фронтот.
Новата одлука нема да влијае на тековната мобилизација. Според сегашниот закон, само мажи на возраст од 25 години и постари можат да бидат повикани во војна, додека помладите мажи можат да се пријават како волонтери.
фото: принтскрин
Европа
Изгаснат е големиот пожар во пристаништето во Хамбург

Пожарникарите успеаја да го изгаснат огромниот пожар што вчера уништи магацин во северното германско пристаниште Хамбург, соопштија официјални лица.
Околу 120 пожарникари ги гасат преостанатите пламени, но најголемиот пожар на местото е изгаснат.
„Пожарот во големата сала сега е изгаснат“, изјави портпаролот на противпожарната бригада за ДПА, напладне.
Сè уште е премногу опасно да се приближи до центарот на пожарот, за кој се верува дека е предизвикан од запален автомобил во магацин.
„Имаше дополнителни експлозии предизвикани од резервоари за гас под притисок“, рече портпаролот, а областа засега останува блокирана.
Полициските истражители не беа во можност да започнат истрага на местото на настанот поради присуството на токсични гасови.
Шест лица беа првично повредени во пожарот што избувна вчера попладне во округот Ведел на југоистокот на Хамбург. Едно лице е во критична состојба, а друго е сериозно повредено.
Тројца пожарникари на местото на настанот беа последователно повредени од експлозии, а еден мотоциклист беше повреден од летечки остатоци на автопатот А1. Дваесет и пет лица беа спасени од областа, некои со брод.
Непосредната опасност од пожар беше дополнително зголемена од цилиндрите со гас под притисок складирани во магацин кои експлодираа по неколку часа, од кои некои беа фрлени неколку стотици метри во воздух и предизвикаа повеќе пожари во околината.
фото: принтскрин
Европа
Зеленски објави кои земји ги разгледува Украина за преговори со Путин

Украинскиот претседател Володимир Зеленски денеска изјави дека Турција, заливските или европските земји би можеле да бидат домаќини на разговори со рускиот претседател Владимир Путин.
Зеленски бара директни разговори со Путин за да се стави крај на војната во Украина, но рускиот министер за надворешни работи Сергеј Лавров рече дека не е подготвена агенда за таков состанок.
„Па, оваа недела ќе има контакти со Турција, со земјите од Заливот и со европските земји кои би можеле да бидат домаќини на разговори со Русите“, рече Зеленски во видео обраќање.
„Од наша страна, работите ќе бидат максимално подготвени за да се стави крај на војната.“
Зеленски рече дека разговорите зависат од координацијата со украинските партнери, првенствено со САД, за да се обезбеди доволен притисок врз Русија. Ова беше дискутирано вчера во Киев со американскиот претставник Кит Келог.
„Сè понатаму зависи строго од волјата на светските лидери, од кои најважни се САД, да извршат притисок врз Русија“, рече тој.
„Русија само дава сигнали дека ќе продолжи да избегнува вистински преговори. Ова може да се промени само со силни санкции, силни царини – вистински притисок.“
фото: принтскрин