Европа
Уште нема договор со Валонија, Белгија не може да го потпише CETA
Белгискиот премиер Шарл Мишпел изјави во понеделникот дека неговата земја сé уште не може да даде согласност за потпишување на договорот за слободна трговија на Европската унија со Канада, односно Сеопфатниот економски и трговски договор (Comprehensive Economic and Trade Agreement – CETА), кој го отфрли Валонија, бидејќи уште нема договор со оваа покраина, додека истовремено радиото Premiere објави дека властите на Брисел ја поддржале позицијата на споменатиот франкофон регион.
„Сојузната влада не е во позиција да ја потпише CETA. Сојузната влада, германската јазична заедница и Фландрија дадоа согласност, но Бриселскиот регион и франкофоната заедница не“, изјави белгискиот премиер Шарл Мишел на прес-конференцијата по средбата со челниците на јужната белгиска покраина Валонија.
Тоа го потврди и валонскиот премиер Пол Мањет: „Очигледно е дека во сегашните околности, не можеме да дадеме согласност“, изјави Мањет по средбата со претставниците на сојузната влада, пренесе AFP.
„Бриселците на средбата со премиерот имаа јасен став – нивната влада нема да даде мандат на министерот за надворешни работи за потпишување на CETA“, изјавил претходно за радиото Premiere член на делегацијата на федералната единица Брисел. Притоа, во извештајот на радиото се истакнува дека извршните власти на Валонија и на Брисел немаат единствен став во врска со CETA. За измените на текстот од спогодбата и во Валонија и во Брисел за залагале опозициските партии предводени од социјалистите.
Челникот на Социјалистичката партија на Валонија, Елио Ди Рупо, изјави „сакаме напредок, кој ќе го анализираат адвокатските канцеларии и експертите, и сето тоа, според мене, ќе трае со седмици“. Спикерот на парламентот на Валонија, Андре Антоан, од своја страна во понеделникот изјави дека „нема да биде возможно да се запази ултиматумот“ од ЕУ.
Белгија ја сочинуваат неколку федерални ентитети: трите региони Фландрија, Валонија и регионот на главниот град Брисел, како и три јазични заедници – фламанска, француска и германска. Сојузната влада за потпишување на меѓународни договори треба да ја има согласноста на сите три ентитета. Кога Белгија потпишува некој меѓународен договор, секое од седумте избрани тела мора да го ратификува. Во случајот на CETA регионалните парламенти со месеци беа вклучени во процесот и по второто разгледување пратениците во Валонија го отфрлија.
Сложениот белгиски политички систем е во центарот на вниманието имајќи дека франкофонската Валонија е истрајна во блокадата на договорот CETA, а за кој се преговараше седум години. Парламентот на Валонија пред една седмица одби да ѝ даде согласност на сојузната влада за потпишување на договорот, барајќи дополнителна заштита за своите производи.
Малку пред изјавата на белгискиот премиер Мишел, Европската комисија објави дека нема ултиматум, ниту краен рок до кога белгискиот регион Валонија мора да одговори дали ќе го дозволи потпишувањето на договорот за слободна трговија со Канада.
„ЕК не користи ултиматуми и крајни рокови, Тона не е начинот на кој дејствува Комисијата на (претседателот Жан-Клод) Јункер“, изјави портпаролот на ЕК, Маргаритас Шинас.
Претседателот на Европскиот совет, Доналд Туск, во неделата изјави дека до понеделникот вечерта би сакал да има јасен одговор дали Белгија ќе даде согласност за потпишување на договорот CETA.
ЕУ ја повика во неделата Белгија да објави до понеделник навечер дали ќе го потпише договорот, бидејќи доколку таа не го потпише нема да се одржи Самитот за слободна трговија меѓу ЕУ и Канада, предвиден во четврток во Брисел со присуство на канадскиот премиер Џастин Трудо.
Валонија е „разочарана“ од новиот предлог на Европската комисија за заштита на вложувањата, која би требало да ја примири оваа белгиска франкофонска област за да овозможи белгиското потпишување на договорот. „Предаден ни е разочарувачки документ и паралелни ни се дава ултиматум. Тоа зачудува. Ни се наметнува прашањето на со која цел. Тој документ нé чуди, бидејќи содржи и нуди значително помалку од договорите постигнати во петокот и саботата“, истакна во неделата вечерта за AFP близок соработник на шефот на валонската влада Пол Мањет. Мањет го одбива договорот CETA и со тоа ја спречува ЕУ да го прифати и смета дека таквиот ултиматум не е во согласност со демократските процеси.
Валонците тврдат дека не сакаат ваков договор и бараат за него повторно да се преговара. Истакнуваат дека договорот, во форма во којашто е сега, би ги нарушил социјалните и еколошките норми во ЕУ.
Планирано е договорот за слободна трговија меѓу ЕУ и Канада следниот вторник да го прифати Советот на ЕУ на состанокот на Луксембург, а на 27-ми октомври во Брисел на самитот во Брисел ЕУ и Канада, со присуство на канадскиот премиер Џастин Трудо, е планирано потпишувањето на договорот. Овој договор делумно би стапил на сила кога ќе го одобри Европскиот парламент, што е планирано до крајот на годинава. Меѓутоа, проблемите во Белгија во врска со нега може да го нарушат тој план.
За договорот CETA во целост да стапи на сила, треба да го ратификуваат парламентите на сите земји членки на ЕУ и на Канада.
Потпишувањето на CETA, кој го нарекуваат и „мал TTIP“ (Трансантлантското трговско и инвестициско партнерство, договорот за слободна трговија меѓу ЕУ и САД, за кој уште се преговара и кој наидува на голем отпор во Европа, се одложува веќе две години. Според голем дел од европската јавност, како и дел од претставниците на малиот и средниот бизнис, договорите од ваков вид носат полза само за транснационалните корпорации.
Според Европската комисија, договорот меѓу ЕУ и Канада ќе отстрани околу 99 отсто од сите царински давачи. Притоа, се овозможува зголемување на квотите за набавка на млечни производи од страна на Унијата во Канада и канадско месо во земјите членки. Според оцените на експертите, CETA договорот ќе овозможи зголемување на обемот на меѓусебната трговија на 25,7 милијарди евра./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.