Европа
Во Будимпешта стотици бегалци се качија во воз за Минхен
Стотици бегалци, главно од Блискиот исток, се качија во понеделникот на главната железничка станица во унгарската престолнина Будимпешта на возот за германскиот град Минхен, известува дописникот на Reuters додавајќи дека унгарската и австриската полиција во возот ги проверуваат документите и билетите.
Мигрантите, меѓу кои се бројни семејства со деца, мирно се качиле во возот. Сами, 35-годишен Сириец, на новинарите им покажал билет кој чини 120 евра за патот до Минхен. „Шест дена со двајцата синови спиев на земја како куче. Денеска, ако даде Господ, ја напуштам оваа земја и ќе ѝ се придружиме на мојата сестра во Минхен“, вели Сами.
Унгарија претходно во понеделникот побара од Германија да ја појасни законската ситуација во врска со движењето на илегланите имигранти во рамките на Европската унија, потврди за новинската агенција MTI, владиниот портпарол Андраш Гиро-Сас. Според него, според шенгенските правила, мигрантите може да ја напуштат Унгарија само со важечка патна исправа и со виза од земјата која е нивната крајна дестинација.
Тоа резултираше со маса луѓе коишто ја преплавија железничката станица во Будимпешта надевајќи се дека ќе се качат на возовите за западна Европа. Според Гиро-Сас, Германија покажала поблаг став кон доаѓањето на мигрантети од Сирија и таа вест им даде надеж на многу мигранти. „За да ја избегнеме нетранспарентноста, ја молиме Германија да ја појасни законската ситуација“, Гиро-Сас.
Дописникот на Reuters од Будимпешта јави дека видел илјадници мигранти на повеќето железнички станици во градот на кои е дозволено качувањето во возовите кои одат за Австрија и за Германија.
Меѓутоа, германската влада веднаш го демантираше постоењето на „специјалните возови“ кои од Унгарија ги превезуваат мигрантите во Германија, истовремено истакнувајќи дека според европското законодавство за барателите на азил мигрантите прво мора да се регистрираат како такви. „Не, нема специјални возови. Луѓето кои ќе дојдат во Унгарија мора таму да се регистрираат и да побараат азил“, изјави канцеларката Ангела Меркел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Руски товарен брод потона во Средоземното Море, двајца членови на екипажот исчезнаа
Рускиот товарен брод „Урса мајор“ потона во Средоземното Море меѓу Шпанија и Алжир, а двајца членови на неговиот екипаж се водат за исчезнати, соопшти руското Министерство за надворешни работи.
A Russian cargo ship, Ursa Major, sank in international waters between Spain and Algeria
Fourteen crew members have been rescued, while two remain missing.
The ship was under sanctions and, according to Ukrainian media, was allegedly used to transport Russian weapons and… pic.twitter.com/8MFdSIA8ws
— NEXTA (@nexta_tv) December 24, 2024
Бродот потона по експлозија во машинската соба, а 14 од 16-те членови на екипажот беа спасени и донесени во Шпанија, се вели во соопштението на Министерството за печатот.
Европа
Полска воведува задолжителна обука за огнено оружје за учениците поради заканата од Русија, објави „Евроњуз“
Полска воведе задолжително безбедносно образование за децата во училиштата, кое вклучува обука за ракување со оружје, како и прва помош.
Повеќето земји сакаат нивните деца да бидат што подалеку од оружјето, но ситуацијата во Полска се чини дека е малку поинаква.
Поради близината на фронтот во Украина, но и зголемениот страв од заканите на Москва, полската влада воведе задолжителна обука за огнено оружје за децата во основните и средните училишта.
Деца на возраст од 14 години сега учествуваат во обуката за оружје, која е дизајнирана да ги научи како прецизно да пукаат, но и како да се справат со „воените закани, како и со основите на тактичкото спасување“.
Наставната програма вклучува лекции за тоа како да се состави и расклопи оружјето и како да се подобри точноста на гаѓањето во мета. За да се заштитат учениците, наставата која се одржува во училишните гимназии, наместо конвенционална муниција, се користат ласерски пиштоли.
Под името „Безбедносно образование“ предметот е задолжителен во осмо одделение од основно и прва година во средно училиште, односно за деца на возраст од 14 до 16 години.
Што се однесува до обуката за гаѓање, во основните училишта, барањата вклучуваат теоретска подготовка за безбедно ракување со оружје, објасни полското Министерство за образование во имејл до „Евроњуз“.
„Во средните училишта основната обука за гаѓање со практична компонента ќе се изведува со употреба на безбедни алатки за вежби за гаѓање, како што се огнено оружје, пневматско оружје, реплика на огнено оружје (ASG) или виртуелни/ласерски полигони за стрелање“, додаваат од Министерството.
Европа
Зеленски: Бројот на загинати и ранети севернокорејски војници надмина 3.000
Украинскиот претседател Володимир Зеленски соопшти дека бројот на загинати и ранети севернокорејски војници во областа Курск надминува 3.000 луѓе.
„Постојат ризици од испраќање дополнителни војници и воена опрема за руската армија од Северна Кореја и ние ќе реагираме на тоа. Според прелиминарните податоци, бројот на загинати и ранети севернокорејски војници во Курск надминува 3.000 луѓе“, рече Зеленски на состанок на персоналот, повикувајќи се на извештајот на врховниот командант на вооружените сили на Украина, Олександр Сирски.
Според него, важно е светот да разбере дека ризикот од дестабилизација околу Корејскиот полуостров и во соседните региони се зголемува пропорционално со растот на соработката меѓу Москва и Пјонгјанг, пренесува Укринформ.
„Пренесувањето на искуството од модерното војување и ширењето на воената технологија од Русија е глобална закана. За светот цената за враќање на стабилноста е секогаш многу повисока од цената на ефективен притисок врз оние кои ја дестабилизираат ситуацијата и го уништуваат животот “, рече Зеленски.
Американското Министерство за одбрана на 26 ноември потврди дека најмалку 12.000 војници од Северна Кореја се распоредени во Русија за да ја поддржат војната на Кремљ против Украина.
Русија почна да ги користи севернокорејските војници во офанзивните операции во областа Курск, особено како дел од комбинираните единици на маринци и воздушни сили на Вооружените сили на Русија, наведува украинската агенција.
Британското Министерство за одбрана на почетокот на декември соопшти дека севернокорејската армија претрпела значителни загуби во борбите во областа Курск, каде што е во тек операцијата на одбранбените сили на Украина.