Европа
Во Москва почина внукот на советскиот челник Сталин

Во Москва на 80-годишна возраст почина внукот на советскиот челник Јосиф Висарионович Џугашвили Сталин, Евгениј Јаковлевич Џугашвил, пренесуваат во четвртокот руските агенции повикувајќи се на службата за итна медицинска помош, но причините за смртта не се соопштени.
Евгениј Џугашвили е роден во 1936 година, син е на Јаков Џугашвили, постариот син на Сталин. Започнал воена кариера како кадет во средно воено училиште, а потоа продолжил во Воено-воздухопловната инженерска академија „Жуковски“.
Џугашвили станува воен инженер во конструкторското биро на Сергеј Королев, и учествувал во подготовките и лансирањата на вселенски бродови од космодромот „Бајконур“, вклучително и леталото на првиот космонаут Јуриј Гагарин.
Подоцна внукот Џугашвили се заинтересирал за воената историја, одбранил докторска дисертација и повеќе години предавал на воените академии. На 55-годишна возраст полковникот Џугашвили ги напуштил вооружените сили.
Евгениј Џугашвил беше државјанин на Русија и на Грузија, и живееше наизменично во Москва и во Тбилиси.
Од 1991 година активно учествувал на политичките сцени и во Русија и во Грузија како активист на комунистичките движења.
Во 2015 година ја напиша мемоарската книга „Мојот дедо Сталин. Светиот!“, а исто така го толкуваше ликот на Сталин во филмот за својот татко Јаков Џугашвили.
Јаков Џугашвили, постар поручник во артилерец, бил заробен од нацистичките сили во јули 1941 година и починал во концентрациониот логор Заксенхаузен во април 1943 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Запечатена резиденција на папата, во Ватикан владее седисвакација

Ватикан ја запечати официјалната резиденција на папата Франциско, симболично започнувајќи период на жалост.
На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.
The papal apartments in the Apostolic Palace — unused during Pope Francis’ pontificate — have been officially sealed by Cardinal camerlengo Kevin Farrell following the Pope’s death. This act marks the beginning of the “sede vacante” period, during which the See of Peter remains… pic.twitter.com/p3PcYqN050
— EWTN Vatican (@EWTNVatican) April 21, 2025
Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.
Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.
Европа
Ватикан: Папата почина од мозочен удар и срцево затајување

Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со електрокардиограм“, пишува во изводот на смртта потпишан од директорот на Одделот за здравје и хигиена на Ватикан, професор Андреа Аркангели.
„Потврдувам дека Неговата Светост Франциско (Хорхе Марио Бергољо), роден во Буенос Аирес (Аргентина) на 17 декември 1936 година, жител на Ватикан, државјанин на Ватикан, почина во 7:35 часот на 21 април 2025 година, во неговиот стан во резиденцијата Санта Марта“, напиша тој.
Аркангели наведува дека папата по мозочниот удар прво паднал во кома, а потоа починал. Причините за смртта се „мозочен удар“, „кома“ и „неповратна кардиоциркулаторна инсуфициенција“, се вели во соопштението. Во документот се додаваат и претходните здравствени проблеми на папата, „епизоди на акутна респираторна инсуфициенција со билатерална мултимикробна пневмонија, хипертензија и дијабетес тип II“.
Папата Франциско почина околу 90 минути откако утрово го разбудил будилникот, јавија италијанските медиуми. Тој наводно се разбудил кога алармот му се вклучил во 6 часот, му се слошило во 7 часот наутро, а починал од мозочен удар во 7:35 часот, пишува „Кориере дела Сера“. Лекарите претходно објавија дека тој „починал мирно“.