Европа
Во Русија уапсена нова група терористи на IS кои подготвувалe напади

Руската Федерална служба за безбедност (ФСБ) соопшти во вторникот дека се уапени припадници на група којашто била поврзана со ултрарадикалната сунитска организација Исламска држава (IS), којашто подготвувала терористички напади во главниот град Москва и во претежно муслиманската кавкаска република Ингушетија.
Групата била формирана од припадник на Исламската држава, своевиден претставник на џихадистичката групација, кој бил ликвидиран во текот на антитерористичка операција во Ингушетија на почетокот од октомври, пренесуваат руските агенции повикувајќи се на безбедносни извори.
Уапсени се вкупно пет припадници на оваа група. Во објектите во кои се криеле уапсените, и во специјално направени скривници, припадниците на ФСБ пронашле арсенал, меѓу кој имало пет единици огнено оружје, две подготвени импровизирани експлозивни направи, секоја од десетина килограми тротил, како и опрема за снајперска пушка.
Ова апсење доаѓа откако кон крајот на минатата седмица руските безбедносни служби разбија група од десет доселеници од муслиманските земји од Централна Азија, кои планирале, како што беше соопштено, координирани терористички напади во Москва и во Санкт Петербург, слични на парискиот масакр од ланскиот 13-ти ноември кога во француската престолнина беа убиени 130 луѓе.
Кај оваа група, исто така, беа откриени значителни количества оружје, експлозиви и телекомуникациска опрема. Истрагата соопшти дека уапсените веќе дале признанија за своите активности, меѓу другото, и дека биле во контакт со челниците на Исламската држава во Сирија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Путин сака да го освои целиот Донбас; Зеленски: Подготвуваат две големи офанзиви на есен

Руските сили подготвуваат уште две големи офанзиви откако три кампањи веќе не успеаја оваа година, изјави украинскиот претседател Володимир Зеленски.
„Тие се подготвуваат за уште две офанзивни операции на есен. Веќе имаше три, а пред нас се уште две тешки офанзивни кампањи“, рече Зеленски, кој верува дека Русија нема доволно сила за таков потфат.
Russia prepared offensive operations along four main axes this year: Sumy, Novopavlivka, Pokrovsk, and Zaporizhzhia.
The Sumy operation has already failed – Russia suffered heavy losses, especially in manpower, and has redeployed forces to other fronts. Ukrainian Armed Forces…
— Volodymyr Zelenskyy / Володимир Зеленський (@ZelenskyyUa) September 17, 2025
Целта на Путин е да го освои целиот Донбас
Изјавите доаѓаат откако Ројтерс објави дека рускиот претседател Владимир Путин им рекол на американските претставници дека сака да го освои целиот регион Донбас во источна Украина до крајот на 2025 година. Според истите извори, Путин верува дека неговите сили „победуваат“, и покрај многу скромните резултати.
Од ноември 2022 година, Москва ја прошири окупираната област за помалку од 1% од украинската територија, иако летната офанзива од 2025 година беше најбрзиот руски напредок од крајот на 2024 година.
Зеленски ги припиша руските неуспеси на големите загуби во човечка сила и опрема: „Тие загубија затоа што имаше многу мртви војници и многу уништена опрема. Она што им го кажав на Европејците и во Белата куќа – Русите нема да успеат да го окупираат нашиот исток“.
Зеленски: На Русите им е многу полошо
Претседателот ги отфрли тврдењата дека Русија би можела да освои градови како Суми во североисточна Украина како „лаги и манипулации“.
Руската војска отвори нов фронт во Сумската област во мај и освои неколку села, но на почетокот на септември Зеленски рече дека офанзивата „целосно запрела“. „Верувам дека на Русите им оди полошо отколку што очекуваа. Им оди многу полошо отколку што му кажуваат на Путин. Тој не знае ништо за тоа“, рече тој.
Според проценка на „Економист“, Русија изгубила околу 31.000 војници помеѓу 1 мај и 9 јули. Генералштабот на Украина тврди дека околу 1.100.000 руски војници се убиени или ранети откако започна инвазијата во февруари 2022 година.
Зеленски во август рече дека на Русија ќе ѝ бидат потребни уште четири години за целосно да го освои Донбас, кој се состои од веќе окупираната Луганска област и делумно окупираната Донецка област.
фото: принтскрин
Европа
Штрајк во Франција: Се очекуваат од 600.000 до 900.000 демонстранти низ целата земја

Денес низ цела Франција се одржува голем синдикален штрајк, при што властите очекуваат помеѓу 600.000 и 900.000 луѓе да излезат на улиците. Се очекува протестите, кои се организирани на 250 локации, да предизвикаат значителни нарушувања во клучните сектори низ целата земја, објавува BFMTV.com.
Штрајкот најтешко ќе ги погоди јавниот превоз, образованието и здравството. Во железничкиот транспорт, се очекува да сообраќа само секој втор воз на Intercités и секој трет регионален воз (TER). Во Париз, метрото нема да сообраќа надвор од шпицот, со исклучок на линиите 1, 4 и 14.
Еден од тројца наставници во основните училишта ќе штрајкува, а 98% од аптеките во Франција се придружија на мобилизацијата, што дополнително го нарушува секојдневниот живот на граѓаните.
Префектот на париската полиција, Лоран Нуњез, изрази „загриженост“ поради евентуалното пристигнување на демонстранти на протестниот марш во главниот град. Тој ги повика трговците на мало да ги затворат своите продавници од безбедносни причини.
За да се спречи нарушувањето на јавниот ред, на улиците ќе бидат распоредени речиси 80.000 полицајци. 24 оклопни возила на жандармеријата „Кентаура“ и 10 водни топови се исто така во состојба на готовност, ниво на безбедносни мерки што не е видено од протестите на „Жолтите елеци“ во 2019 година.
И покрај најавениот хаос, повеќе од половина од Французите ги поддржуваат протестите. Според анкетата на Elabe спроведена за BFMTV, 56% од граѓаните го „поддржуваат“ или имаат „симпатии“ за денешниот штрајк. Сепак, оваа стапка на одобрување е малку пониска во споредба со мобилизациите против пензиската реформа во 2023 година, кога поддршката беше помеѓу 60 и 63%.
Од друга страна, 25% од Французите не ја одобруваат мобилизацијата, 18% се рамнодушни, додека 1% немаат мислење. Неодамнешните промени во владата не изгледа дека го смирија општествениот гнев, бидејќи 66% од испитаниците веруваат дека политиките на новиот премиер Себастијан Лекорну ќе бидат само „во континуитет со оние што ги водеа претходните влади на Емануел Макрон“.
Европа
Шефот на руската војска: Напредуваме на сите фронтови

Руските сили напредуваат во речиси сите правци во конфликтните зони во Украина, изјави вчера началникот на рускиот Генералштаб Валериј Герасимов.
Најинтензивните борби се водат кон Красноармејск, изјави Герасимов на состанокот со воените команданти во борбената зона.
Според него, руската западна армија развива офанзива во близина на Купјанск, а напредувањето успешно се одвива во насока на Краснолиман, каде, како што тврди, „градот Кировск ќе падне под руска контрола“.
Руските војници влегоа во селото Јампол, каде што продолжуваат со борбените операции, а непријателот, според него, е целосно протеран од шумските области на Серебрјанск.
„Напаѓачките единици на јужната група напредуваат во селото Северни. На правецот Александро-Калиновски се водат борби во близина на Константиновка, нашите единици влегоа во Плешчеевка. Уништувањето на непријателот блокиран јужно од резервоарот Клебан-Бик продолжува“, рече Герасимов.
Тој додаде и дека групата Восток ја развива својата офанзива во регионите Дњепропетровск и Запорожје.
Конечно, тој им додели награди на војниците кои, според руските тврдења, се истакнале за време на борбените операции.
фото: принтскрин