Европа
Во руски Дагестан ликвидиран новиот челник на ‘Емиратот Кавказ’

Четири исламски екстремисти, меѓу нив и водачот на терористичката организација Емират Кавказ, Магомед Сулејманов, се ликвидирани во руската република Дагестан во вторникот, пренесува агенцијата РИА повикувајќи се на извор во правосудните органи на оваа кавкаска република, а информацијата ја потврдиле и од Националниот антитерористички комитет (НАК).
„Во рамките на специјална антитерористичка операција ликвидирани се четворица милитанти. Меѓу нив според првичната идентификација е водачот на ткн Емират Кавказ, Магомед Сулејманов“, изјавил неименуваниот соговорник на агенцијата и додал дека се води потрага по уште тројца припадници на групата.
Акцијата во којашто бил ранет еден припадник на руските безбедносни сили била водена во Унцукулската област на Дагестан, по добиени информации дека во споменатиот регион се крие вооружена група.
Судејќи според овие информации, Могамед Сулејманов на позицијата челника на ткн Емират Кавказ, се задржа само неколку месеци. Во април годинава, Националниот антитерористички комитет на Руската Федерација објави дека бил ликвидиран неговиот претходник Алиасхаб Кабеков, исто така, во Дагестан.
Кабеков, пак, стана челник на оваа исламистичка групација во 2014 година откако беше потврдено дека долгогодишниот водач на оваа претежно чеченска терористичка групација, Доку Умаров, бил убиен во судир со полициските сили.
Ткн Кавкаски емират е најозлогласената терористичка организација којашто дејствува на Северен Кавказ. Беше прогласена во 2007 година и ја презема одговорноста за повеќето големи терористички напади во Русија во којашто загинаа стотина луѓе, меѓу другите и експлозијата на меѓународниот терминал на московскиот аеродром Домододево во 2010 година.
Според руската Федерална служба за безбедност (ФСБ), повеќето од командантите на Емиратот Кавказ годинава ѝ изразиле лојалност на сунитската џихадистичка организација Исламска држава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.