Европа
Во Шпанија уапсени седум лица поради исламски екстремизам

Шпанската полиција во неделата уапсила седум лица вклучени во мрежа на „воена и логистичка поддршка“, кои се осомничени за поврзаност со џихадистичките групи во Сирија и во Ирак, изјави техничкиот министер за внатрешни работи, Хорхе Фернандез Дијаз.
Лицата се уапсени во приморските градови Аликанте и Валенсија, на југот од земјата, како и во Сеута, шпанскиот град енклава во северна Африка. Меѓу уапсените се пет шпански државјани по потекло од Сирија, Јордан и Мароко, како и двајца странци од Сирија и Мароко.
Според шпанскиот технички министер за внатрешни работи, Хорхе Фернандез Дијаз, групата била дел од логистичка мрежа раширена во повеќе европски земји, а операциите ги спроведувала преку фирма на еден од приведените.
„Тоа му овозможило без никакви соменжи да испраќа материјали во затворени контејнери од шпанските пристаништа кон дестинации на двете терористички групи (Исламска држава и Џебхат ан-Нусра) кои оперираат во Сирија и во Ирак. Материјалите ги пријавувале и ги испраќале како хуманитарна помош во регионите на судирите, но таму всушност пристигнувале материјали за правење оружје и пари за производство на експлозиви“, рече Дијаз.
Шпанската полиција во текот наминатата 2015 година уапсила 102 лица под сомневања дека соработуваат со милитантни исламистички групи. Борбата против тероризмот е една од главните насоки на техничката влада на Народната партија, која победи на парламентарните избори кон крајот на декември, но не освои повеќе од половината места во парламентот, ниту доволна поддршка од другите партии, по што опозициската социјалистичка партија PSOE го доби мандатот за составување нова влада.
Актуелниот министер за надворешни работи, Хозе Мануел Гарсија-Маргаљо, изјави дека евентуално новата лева влада составена од PSOE, и партиите од крајната левица Подемос и Обединетата левица, може да направи Шпанија да биде првата земја којашто ќе ја напушти меѓународната коалиција против екстремната сунитска група Исламска држава, којашто неколкупати упати директни закани за оваа земја.
Во Шпанија на сила е нивото на приправност 4 на скалата од можни пет, означено како „висок ризик“, што е одговор на серијата терористички напади низ светот и во Европа. Тоа вклучува засилен надзор на аеродромите, нуклеарните централи и железничките станици, како и активирање на сите безбедносни сили во врска со превенцијата, истрагата и информациите во антитерористичката борба. Станува збор за највисокото ниво на тревога од 11-ти март 2004 година, кога во терористичките напади во Мадрид беа убиени 198 луѓе, а 1.850 беа ранети./крај/мф//сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж

Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија

Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин