Европа
Втор круг од регионалните избори во Франција
Иако во првиот круг од францускиот регионални избори надмоќното победи партијата од крајната десница Национален фронт (FN), традиционално поради сојузувањето на конзервативците и социјалистите против оваа партија, се чини неизвесен крајниот исход од вториот круг во неделата.
На овие избори, последните пред претседателските и парламентарните во 2017 година, ќе гласаат 45,3 милиони Французи.Крајната десница којашто води во 6 од 13-те региони се надева на победа, и покрај тоа што владејачката Социјалистичка партија откако ги повлече изборните листи и ги повика своите членови да гласаат за кандидатите на конзервативната партија Републиканци. Челничката на Народен фронт, Марин Лепен изјави „Се надевам на победа. Многу нешта зависат од оние кои не излегоа во првиот круг. Ќе покажеме што можеме да сториме“, рече.Сепак, исходот е неизвесен поради тактиката на социјалистите кои се тотални губитници на овие избори, кои откако претходно ги владееја сите региони, сега имаат водство во само два. Така Националниот фронт иако во првиот круг доби најмногу гласови, може да биде поразена на национално ниво.Националниот фронт има водство во три клучни региона, на северот во Нор-Па-де-Кале-Пакарди, каде што се кандидираше неговата челничка европратеничката Марин Лепен, на југоистокот во регионот Прованса-Алпа-Азурен брег, каде кандидатската листа ја води нејзината внука Марион Марешал-Лепен, пратеничка во Националното собрание, и на истокот во регионот Алзас-Шампањ-Ардени-Лорен, каде води стратегот на компанијата Флориан Филипот. Притоа, Лепен и Марешал-Лепен се со голема предност со осовиени околу 41 отсто од гласовите. Крајната десница води и во централниот регион Сентр-Вал-де-Лоар, во источниот Бургундија-Франш-Комт и во јужниот Ланжедок-Русијон-Средни Пиринеи.Незадоволството до етаблираните политички елити, високата стапка на невработеност и стравот од доселениците од муслиманските земји по терористичките напади од 13-ти ноември, се сметаат за факторите кои придонесоа за победата на Националниот фронт на 6-ти декември.Социјалистичката партија на претседателот Франсоа Оланд, која беше третопласирана, се повлече од двата клучни региони и ги повика своите приврзаници да гласаат за најлутиот противник Републиканците (поранешната UMP) на поранешниот претседател Николас Саркози, која води во четири региони, само за да ја оневозможат крајната десница којашто ја сметаат за „нерепубликанска“ партија да постигне успех./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлозија на руски танкер во Црното Море: постои ризик од потонување
Рускиот танкер „Каирос“, кој е под санкции, беше оштетен во експлозија во близина на Босфорскиот теснец во Црното Море во петокот. Бродот е поврзан со таканаречената „флота во сенка“ на Москва, која се користи за избегнување на западните санкции врз рускиот извоз на енергија, објави Ројтерс.
Турското Министерство за транспорт и инфраструктура соопшти дека „Каирос“ пријавил „надворешен удар“ додека бил на пат кон руското пристаниште Новоросијск, 28 наутички милји од турскиот брег. Експлозијата предизвикала пожар во машинската просторија на бродот, а турските спасувачки служби започнале операција за евакуација на 25 членови на екипажот.
An explosion and fire broke out in the engine room of the Gambian-flagged tanker Kairos while it was sailing in ballast about 52 miles north of the Bosphorus in the Black Sea, shipping agency Tribeca said. pic.twitter.com/Hvp8Ov4j5r
— Levent Kemal (@leventkemaI) November 28, 2025
Според агенцијата за бродски превоз „Трибека“, „Каирос“ можеби удрил во мина и е во опасност да потоне. Спасувачки влекачи и крајбрежната стража беа испратени на местото на настанот за да обезбедат помош.
Извор за Ројтерс изјави дека друг танкер, „Вират“, исто така претрпел експлозија во Црното Море. И двата брода се на списокот на санкционирани бродови поврзани со руската „флота во сенка“.
Европа
(Видео) Украинците уништија руски систем за воздушна одбрана вреден 60 милиони долари
Украинските сили за беспилотни системи објавија дека уништиле три вредни руски противвоздушни системи со вкупна проценета вредност од околу 60 милиони долари – Бук-М1, Бук-М2 и Тор-М2 – за време на тридневен напад со беспилотни летала.
Во соопштение на социјалните мрежи, тие велат дека операторите од батаљонот Асгард на 412-та бригада Немезис, заедно со 12-от Центар за специјални намени и специјалната единица „Кабул 9“ на Воената разузнавачка служба (ХУР), погодиле три важни цели: системите Бук-М1, Бук-М2 и Тор-М2.
Уништените системи се меѓу највредната руска опрема на бојното поле.
Европа
(Видео) „Ризикуваме да изгубиме сè“: драматичен говор на Зеленски по падот на вториот човек на Украина
Украинскиот претседател Володимир Зеленски се огласи на Фејсбук за прв пат по оставката на Андриј Јермак, шефот на кабинетот на украинскиот лидер.
Како што нагласи на самиот почеток, „Русија едвај чека Украина да прави грешки“.
– Ние нема да ги правиме. Нашата работа продолжува. Нашата борба продолжува. Немаме право да не успееме, немаме право да се повлечеме или да се свртиме едни против други. Ако го изгубиме единството, ризикуваме да изгубиме сè – себеси, Украина и нашата иднина. Мора да стоиме заедно. Мора да издржиме. Нема друг избор. Никогаш нема да има друга Украина. Ние ја браниме Украина. Слава на Украина! – рече Зеленски.
Зеленски денес објави дека неговиот шеф на кабинетот, Андриј Јермак, поднел оставка.
– Прво: Канцеларијата на претседателот на Украина ќе назначи ново лице на чело – шефот на кабинетот, Андриј Јермак, ја потпиша својата оставка – рече Зеленски во своето вечерно обраќање, пренесува Интерфакс Украина.
Тој му се заблагодари на Јермак за неговата досегашна работа и рече дека утре ќе одржи консултации за тоа кој би можел да биде новиот шеф на неговиот кабинет, пренесува УНИАН.

