Европа
Започнува кампањата за останување на Британија во ЕУ

Кампањата за останување на Велика Британија во Европската унија треба да започне во понеделникот, во врска со референдумот чие одржување премиерот Дејвид Камерон го вети до крајот на 2017 година.
Под мотото „Britain Stronger in Europe“ кампањата ќе ја води бизнисменот лорд Стјуард Роуз, поранешен претседател на управата на компанијата „Marks and Spencer“.
„Сметам дека сме посилни, побогати и побезбедни во Европа, отколку што би биле сами. Нема никому да дозволам да ми каже дека сум помалку Англичанец, бидејќи верувам во Велика Британија најсилна можна во областа на економијата, безбедноста и општеството“, се истакнува во говорот на Роуз по повод започнувањето на кампањата, според извадоците од неговото обраќање кои ги пренесува AFP.
Премиерот Дејвид Камерон вети одржување референдум за членството на Велика Британија во ЕУ до крајот на 2017 година. Под притисок е на партијата UKIP и евроскептичното крило на неговата конзервативна партија.
Дебатата за британското членство во најголемиот светски трговски блок за вжештува додека жителите на Велика Британија се подготвуваат за референдумот,
„Верувам дека Британија е силна во рамките на Европа, На претстојниот референдум треба да се избора меѓу тоа да биде посилна, побезбедна и подобра во границите на Европа или да тргне во непознатото, доведувајќи го во опасност просперитетот на земјата, заканувајќи ѝ се со таквиот потег на својата безбедност и намалувајќи го влијанието на Велика Британија во светот“, се наведува во говорот на Роуз.
Роуз, кој во моментов е претседател на онлајн супермаркетот „Ocadi“, е член е на домот на лордовите. Како поранешен челник на компанијата „Marks and Spencer“, најголемиот британски трговски синџир со облека, силно ќе го застапува ставот на многу британски деловни луѓе кои сметаат дека е подобро за Велика Британија да остане во ЕУ, отколку да излезе од него.
Многу британски компании се загрижени поради можноста да го загубат лесниот пристап до своите главни извозни пазари, како и поради влијанието на потенцијалното излегување на земјата од ЕУ и на британската индустрија на финансиските услуги./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Полска пронајде докази за подметнатиот пожар во трговскиот центар во Варшава, го затвори рускиот конзулат; Русија бесна

Полска ќе го затвори рускиот конзулат во Краков откога пронајде докази дека Москва е одговорна за големиот пожар, кој речиси целосно уништи трговски центар во Варшава во мај 2024 година, изјави денес полскиот министер за надворешни работи.
❗🔥🇵🇱 – A huge fire hit the “Marywilska 44” shopping center in Warsaw, consuming almost all of its 1,400 commercial units, including kiosks.
The shopping mall, one of the largest in the city, belonged to Mirbud and is practically destroyed.
Authorities are fighting the fire,… pic.twitter.com/7Z34ZGyBzQ
— 🔥🗞The Informant (@theinformant_x) May 12, 2024
Веќе напнатите односи меѓу Варшава и Москва достигнаа нови височини со руската инвазија на Украина во 2022 година. Полска тврди дека нејзината улога како еден од најважните бедеми на Киев ја направила цел на руски саботажи, сајбер-напади и дезинформациски кампањи, што Москва го негира.
Вчера, премиерот Доналд Туск изјави дека Полска со сигурност знаела дека руските тајни служби стојат зад големиот пожар на улицата Меривилска во главниот град.
„Поради доказите дека руските специјални служби извршиле неприфатлив чин на саботажа против трговскиот центар на улицата Меривилска, решив да ја повлечам мојата согласност за работа на Конзулатот на Руската Федерација во Краков“, напиша министерот за надворешни работи, Радослав Сикорски на „Икс“.
Како одговор, руското Министерство за надворешни работи објави дека Полска намерно ги прекинува врските со Москва, објави државната новинска агенција РИА.
„Варшава продолжува намерно да ги уништува односите дејствувајќи против интересите на своите граѓани“, изјави портпаролката на руското Министерство за надворешни работи, Марија Захарова, цитирана од државната новинска агенција РИА. Таа додаде дека Русија набргу ќе даде соодветен одговор.
Европа
Русите лансираа 108 дрона врз Украина

Русија лансира 108 дрона во Украина преку ноќ и погоди цивилен товарен воз повредувајќи го машиновозачот, соопштија украинските власти, откога европските лидери му се придружија на претседателот Володимир Зеленски во повикот за 30-дневен прекин на огнот од понеделник.
Украинската воздушна одбрана уништи 55 беспилотни летала лансирани од Русија од 23 часот во неделата, соопштија украинските воздухопловни сили преку апликацијата за пораки „Телеграм“. Во нападот беа вклучени и 30 дрона, кои беа изгубени по патот не погодувајќи ништо. Беспилотните летала беа соборени во источниот, северниот, јужниот и во централниот дел на Украина, соопштија воздухопловните сили.
Машиновозачот на цивилен товарен воз е повреден во напад со беспилотно летало врз железничката инфраструктура во источниот регион Донецк, соопштија украинските железници.
„Предлозите за прекин на огнот се игнорираат, непријателските напади врз железничката инфраструктура… продолжуваат“, соопштија украинските железници, „Укрзализница“ во објава на „Телеграм“. Рускиот претседател Владимир Путин ги нарече барањата за прекин на огнот ултиматуми и за возврат предложи директни разговори со Украина со цел да се стави крај на војната в четврток, иницијатива прифатена од американскиот претседател Доналд Трамп.
Европа
Курдските паравоени групи се распуштаат: „Го завршуваме вооружениот бунт во Турција“

Милитантната група Курдистанска работничка партија (ПКК), која е во конфликт со турската држава повеќе од четири децении, одлучи да се распушти и да ја прекине вооружената борба, објави новинска агенција блиска до групата.
Одлуката на ПКК ќе има далекусежни политички и безбедносни последици за регионот, вклучително и за соседна Сирија, каде што курдските сили се сојузници на американските сили.
Новинската агенција „Фират“ објави, како што ја нарече, конечна декларација од конгресот што ПКК го одржа минатата недела во северен Ирак, како одговор на повикот во февруари од затворениот курдски лидер Абдула Оџалан за нејзино распуштање.
Канцеларијата на турскиот претседател Таип Ердоган и Министерството за надворешни работи сè уште не го коментираа соопштението. Повеќе од 40.000 луѓе се убиени во конфликтот откако ПКК започна бунт во 1984 година. Турција и нејзините западни сојузници ја означија ПКК за терористичка група.