Челниците на латиномаериканската левица ги обединија гласовите ноќта кон средата и повикаа да се овековечи оставината на Фидел Кастро пред стотиците илјади Кубанци собрани на големата посмртна церемонија во чест на Ел Команданте во престолнината Хавана.

Наспроти споменикот на херојот на кубанската независност Хозе Марти на Плоштадот на револуцијата, мноштвото се проштеваше од Фидел Кастро пред неговите посмртни останки да го напуштат главниот град во средата и да бидат пренесени до Сантјаго де Куба, градот во чијашто близина Ел Команданте е роден и во кој ќе биде погребан.

„Каде е фидел? Каде е Фидел?“ извикуваше од говорницата претседателот на Никарагва, Даниел Ортега. „Тука!“, одговори масата луѓе во еден глас сакајќи да нагласи дека смртта на Фидел Кастро е само „телесна“, како што тоа многупати го повторуваа кубанските медиуми последните денови.

„Тој не доаѓа, останува тука, непобеден меѓу нас, оправдан, потполно оправдан/ослободен оден од историјата“, извикуваше венецуелскиот претседател Николас Мадуро, близок сојузник на Куба, алудирајќи на славната изјава „Историјата ќе ме ослободи“, којашто Фидел Кастро ја изговори на судењето по нападот во 1953 година врз касарната Монкада којашто ќе го означи почетокот на неговата легенда.

„Обединет денес повеќе од кога и да е, народот на Латинска Америка ќе продолжи да се бори за тие идеи, се колнеме!“, порача еквадорскиот претседател Рафаел Кореа.

„Се обидоа да го убијат на илјада начини, но повеќе од десет американски претседатели не успеаја во тоа. Фидел и Куба го променија светот во XX век“, додаде боливискиот претседател Ево Моралес.

По четирите часа долги говори, кубанскиот претседател Раул Кастро кој го наследи на должноста Фидел во 2006 година, ги повтори најважните идеи на својот постар брат изречени во познатите маратонски говори одржани токму на истото место. Притоа заклучи: „Драг Фидел, овде каде што ги одбележуваме нашите победи, ти велиме со башиот доследен, борбен и јуначки народ. До победата засекогаш“.

Вечерта на оддавање на почестите со многу политички акцент го заобиколиле шефовите на западните држава во прв ред американскиот претседател Барак Обама, рускиот Владимир Путин, кинескиот Кси Џинпинг и иранскиот Хасан Роухани. Наместо нив, во Хавана допатуваа нивните специјални претставници од висок ранг.

Од друга страна, присутни беа премиерот на Грција Алексис Ципрас, и претседателите ба Зимбабве Роберт Мугабе и на Јужноафриканската Република Џејкоб Зума, како и поранешниот крал Шпанија, Хуан Карлос кој се простија со неизбежната фигура на идеолошката блоковска Студена војна од минатиот век./крај/мф/сн