Свет
Кувајтската опозиција освои 24 мандати од 50 во парламентот
Кувајтската опозиција и нејзините сојузници освои речиси половина од 50-те мандати во парламентот, покажуваат резултатите од парламентарните избори објавени во неделата, што ги засилува стравувањата од нови судири и политичките блокади.
Според резултатите коишто ги соопшти изборната комисија, опозицијата и нејзините сојузници освоиле 24 места во парламентот.
На предвремените избори учествуваа членовите на исламистичката опозиција, либералите и националистите. Повеќето опозициски пратеници во парламентот доаѓаат од редовите на исламистите, поточно од Муслиманското братство и салафистите.
Само една жена ќе стане пратеничка, а бројот на пратениците од шиитската заедница падна на шест во односна девет во претходниот состав на парламентот.
Заедно со новиот состав на парламентот, Кувајт ќе добие и нови премиер и министри, на коишто мандатот ќе им го даде емирот.
Избирачите на Кувајт во саботата, вторпат во последните осум месеци, излегоа на избирачките места за да изберат 50 членови својот парламент, надевајќи се дена новиот состав ќе ѝ донесе на земјата политичка стабилност.
Четвртите парламентарни избори во Кувајт од февруари 2012 година беа распишани во октомври, бидејќи владата тврдеше дека „деликатните регионални околности и безбедносни предизвици“ бараат гласање. Многумина го поврзуваат тој потег со судирите меѓу владата и парламентот околу мерките за штедење кои вклучуваат и голем раст потрошувачките цени на горивата,
Кувајт, како и другите земји од Заливот чиишто економии се врзани за нафтата и гасот, тешко е погоден од долготрајните ниски цени на овие енергетски ресурси.
Кувајќаните во голем број учествувале на изборите. На некои избирачки места излезноста изнесувала високи 80 отсто, соопшти државната телевизија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.