„Вакцината против коронавирусот на кинескиот производител „Синовак Бионтек“ ефикасно спречува смрт во 98 проценти од случаите и спречува хоспитализација во 96 проценти“, изјави денеска официјален претставник на Министерството за здравство на Индонезија.

Тоа беше утврдено со анализа на индонезиски научници, пренесува „Ројтерс“.

Прелиминарната студија е направена врз основа на податоците за здравствената заштита на работниците во Џакарта кои ја примиле вакцината „коронаВак“ во периодот од јануари до март оваа година.

Германската влада денеска го одобри планот да им се дозволи на луѓето кои се целосно вакцинирани против коронавирусот и кои се опоравиле или имаат негативен тест за коронавирус, да влезат во Германија, без да одат во карантин, изјави владин извор.

Според Ројтерс, оваа одлука не се однесува на луѓето кои доаѓаат од земји кои се сметаат за високоризични или од области каде има мутации на вирусот.

Мерките за олеснување се однесуваат само на лица кои примиле вакцини одобрени во Европската Унија, поточно вакцините на компаниите „Фајзер/Бионтек“, „Модерна“, на „Астра зенека“ и „Џонсон и Џонсон“.

Судирите меѓу израелските и палестинските сили продолжија утрово, а по ескалацијата на насилството и крвавите конфликти, Израел прогласи вонредна состојба во градот Лот.

Сирените кои предупредуваат на ракетниот напад се огласија во Тел Авив во раните утрински часови, а во градот се слушнале неколку експлозии, само неколку минути откако припадниците на Хамас од Газа рекоа дека испукале 110 ракети кон Тел Авив, како одговор на израелскиот воздушен напад во кој беше уништен солитер од 13 ката во Газа.

Израел посочува дека нивните авиони собориле и убиле неколку разузнавачки лидери на Хамас рано утрово, откако извршија стотици воздушни напади врз Газа.

Палестинските сили потврдија дека истрелале стотици ракети кон Тел Авив по израелскиот воздушен напад во Појасот Газа, а израелската армија соопшти дека ги гаѓале милитантите во Газа како одговор на ракетните напади врз Ерусалим и другите области, пренесува „Ројтерс“.

Една висококатница во Газа беше срушена, а друга беше сериозно оштетена откако беше погодена неколкупати во израелските воздушни напади.

Здравствените власти во Газа потврдија 32 жртви, но радиостаница поврзана со Хамас подоцна објави дека уште три лица, вклучително и една жена и дете, биле убиени нешто пред два часот по полноќ во израелски воздушен напад.