Од минута во минута ја следиме инвазијата во Украина.

Клучни настани:

• Украинскиот претседател Володимир Зеленски изјави дека руските загуби се поголеми од загубите на Советскиот сојуз во 10 годишната војна против Авганистан
• Руската амбасада во Вашингтон го отфрли како неосновани тезите на портпаролот на американскиот Стејт департмент Нед Прајс за можноста за руска употреба на хемиско оружје во Украина
• Америка подготвува нов пакет на воена помош за Украина во вредност од 750 милиони долари
• Американскиот претседател Џо Бајден изјави дека рускиот претседател Владимир Путин извршил геноцид во Украина

Најновите вести од минута во минута:

21.10 Русија воведува санкции за членовите на американскиот Конгрес

Русија воведува реципрочни санкции против 398 пратеници на Претставничкиот дом на американскиот Конгрес и 87 канадски сенатори, пренесе агенцијата Интерфакс, цитирајќи го руското Министерство за надворешни работи

21.00 Бајден и Зеленски разговараа за воена и финансиска помош

Украинскиот претседател Володимир Зеленски изјави дека го продолжил постојаниот дијалог со американскиот претседател Џо Бајден и дека во денешниот телефонски разговор разговарале за руските воени злосторства и дополнителен пакет помош за неговата земја

Continued constant dialogue with @POTUS. Assessed Russian war crimes. Discussed additional package of defensive and possible macro-financial aid ??. Agreed to enhance sanctions.

— Володимир Зеленський (@ZelenskyyUa) April 13, 2022

20.05 Повеќе од 100 цивили биле убиени во регионот Суми

Повеќе од 100 цивили се убиени во североисточниот регион Суми, тврди регионалниот гувернер Дмитро Живицки

20.00 Руски генерал се заканува со напад на Киев

Досега Москва се воздржуваше од напади на украински официјални лица, тврди Конашенков, но тоа ќе се промени доколку Киев продолжи со обиди за саботажа или конвенционални напади на руска територија

19.20 Путин призна дека санкциите и создаваат проблеми на Русија, па му се обрати на Западот

Рускиот претседател Владимир Путин учествуваше на виртуелен состанок за економски и развојни прашања на арктичките територии на Русија и рутата на Северното Море.

18.30 Захарова: Ништо нема да ги спречи целите на специјалната операција на Русија во Украина

Ништо нема да го спречи исполнувањето на целите и задачите на специјалната операција на Руската Федерација во Украина, изјави денеска портпаролката на руското Министерство за надворешни работи, Марија Захарова.

18.10 Зеленски: Конфликтот во Украина ќе стане бескрајно крвопролевање

Украинскиот претседател Володимир Зеленски објави ново видео во кое предупредува дека конфликтот во таа земја ќе стане „бескрајно крвопролевање, ширење беда, страдање и уништување“ и побара дополнително оружје од западните земји.

Without additional weaponry, this war will become an endless bloodbath, spreading misery, suffering, and destruction. Mariupol, Bucha, Kramatorsk – the list will be continued. Nobody will stop Russia except Ukraine with Heavy Weapons. #ArmUkraineNow pic.twitter.com/miSOL5zvuA

— Володимир Зеленський (@ZelenskyyUa) April 13, 2022

18.05 Порака од Москва: Испораките на оружје на САД и НАТО ќе бидат легитимни цели за руската војска

Рускиот заменик-министер за надворешни работи Сергеј Рјабков во средата изјави дека испораката на оружје на САД и НАТО за Украина ќе бидат легитимни цели за руската војска.

18.00 Австрискиот канцелар: Путин е јасен, ќе биде крваво

Австрискиот канцелар Карл Нехамер, по повод неговата неодамнешна посета на Москва, истакна дека рускиот претседател Владимир Путин е многу јасен во своите цели

17.30 Британија воведе санкции за уште 206 лица, меѓу кои и сопругата на Сергеј Лавров

Велика Британија денеска воведе санкции за уште 206 лица, вклучително и 178 кои тврдат дека ги поддржуваат самопрогласените републики на територијата на Украина.

16.30 И Швајцарија воведе санкции за ќерките на Путин

Швајцарија го усвои новиот пакет санкции на ЕУ против Русија и Белорусија поради воената операција на Москва во Украина, соопшти денеска владата, додавајќи уште 200 поединци и субјекти на листата на санкционирани, меѓу кои и две ќерки на рускиот претседател Владимир Путин, пренесува „Ројтерс“

14:14 ЕУ издвојува девет милиони евра за помош на Украинците поради траума

Во Брисел потенцираат дека со овие средства ќе се овозможи Меѓународниот црвен крст и невладините организации да ги поддржат здравствените работници и да даваат услуги во вид на прва помош, тријажа, помош при психичка траума и советување бегалци на нивниот мајчин јазик.

13:52 Финска во рок од неколку недели ќе одлучи дали ќе поднесе барање за влез за НАТО

Финска ќе одлучи дали ќе поднесе барање за влез во НАТО во следните неколку недели, рече премиерката Сана Мартин.

Говорејќи на заедничката прес-конференција со нејзиниот шведски колега, Мартин им рече на новинарите: „Треба многу внимателно да ги анализираме сите аргументи за и против аплицирањето за членство. Но, мислам дека ќе одлучиме за тоа многу брзо, за неколку недели“, додаде таа.

13:00 Путин: Санкциите ни отворија нови можности, инфлацијата во САД и Европа е висока

„Одбивањето на некои западни земји од нормална соработка, вклучувајќи ги и руските енергетски извори веќе погодија милиони Европејци, предизвикаа вистинска енергетска криза и, патем, ги погодија и САД. Цените растат насекаде и инфлацијата е висока. За овие држави тоа е апсолутно невидено“, истакна тој.

12:20 Шведска ќе поднесе барање за влез во НАТО, пишува шведски весник

Шведска ќе поднесе барање за членство во НАТО, објави шведскиот весник Svenska Dagbladet.

Целта на шведската премиерка Магдалена Андерсон е Шведска да стане членка на НАТО во јуни оваа година, велат извори за весникот.

11:39 Британија и Холандија ја презедоа контролата на небото над Романија и Бугарија

Велика Британија и Холандија го презедоа чувањето на небото над Романија и Бугарија, соопшти НАТО.

Ова е дел од одговорот на алијансата на руската инвазија на Украина. Така, британските борбени авиони од типот „еврофајтер тајфун“ ќе ја преземат заштитата на небото над Романија од италијанските „еврофајтерс“, објави „Индекс.хр“.

11:00 Рускиот амбасадор: Околу 200 хрватски платеници се борат на страната на Азов, во Мариупол се вее хрватско знаме

Рускиот амбасадор изјави дека хрватските медиуми наведуваат дека во Мариупол се борат околу 200 хрватски платеници, како што рече, кои дошле таму многу пред „руската специјална операција, како нешто да очекуваат“. Нестеренко наведува и дека Хрватите се борат на страната на единицата „Азов“ и дека потврда за тоа е хрватското знаме кое се веело во Мариупол

10:28 Макрон најави нови разговори со Путин и Зеленски

Во наредните денови повторно ќе разговарам по телефон со украинскиот претседател Володимир Зеленски и неговиот руски колега Владимир Путин“, изјави Макрон, кој моментално се кандидира за втор претседателски мандат.

10:15 Конашенков: Над 1000 украински војници се предадоа во Мариупол

1.026 украински војници на 36-та поморска бригада се предадоа во Мариупол, потврди официјалниот претставник на руското Министерство за одбрана, генерал-мајор Игор Конашенков.

„ Во градот Мариупол, во областа на металуршкиот комбинат Илич, како резултат на успешните офанзивни акции на руските вооружени сили и полициските единици на Народна Република Доњецк, 1.026 украински војници на 36-та поморска бригада доброволно го предале оружјето и се предале“, рече Конашенков.

10:10 Макрон: Не би ја користел реториката на Бајден дека Путин врши геноцид

Францускиот претседател Емануел Макрон одби да ги опише руските злосторства во Украина како геноцид.

Запрашан од новинар на француската јавна телевизија дали би го употребил тој збор за да ги опише руските активности во Украина, како што тоа го направи американскиот претседател Џо Бајден во два наврата, Макрон рече: „Би бил претпазлив со таквите термини бидејќи тие се две братски народа (Русите и Украинците).“

09:50 Лукашенко: Единството на Русија и Белорусија ќе биде модел за другите земји

Белорускиот претседател, Александар Лукашенко, ги демантираше гласините за приклучување на неговата земја кон Русија.

Тој рече дека Русија и Белорусија ќе изградат такво единство на две независни држави што ќе послужи како модел за другите земји.

09:15 Велика Британија и Холандија ќе го чуваат небото над Бугарија и Романија

Обединетото Кралство и Холандија го презедоа чувањето на небото над Романија и Бугарија, најави НАТО.

Станува збор за дел од одговорот на НАТО на руската инвазија на Украина.

The Netherlands ?? & the UK ?? have taken over #NATO’s enhanced air policing over #BlackSea Allies #Bulgaria ?? & #Romania ??✈️

??Typhoons are replacing ?? Eurofighters in Romania??

??F-35 fighter jets are taking over from ??Eurofighters in Bulgaria??

➡️https://t.co/NMd5fpQ6lL pic.twitter.com/BeZW5ibwJc

— Oana Lungescu (@NATOpress) April 12, 2022

08:50 Нови сателитски снимки покажуваат подготовка на Русија за напад во источна Украина

Последните сателитски снимки на Maxar Technologies покажуваат дека руските сили се подготвуваат за нов ангажман во источна Украина.

08:40 Русија: Ние немаме хемиско оружје

Руската амбасада во Вашингтон го отфрли како неосновани тезите на портпаролот на американскиот Стејт департмент Нед Прајс за можноста за руска употреба на хемиско оружје во Украина, објави агенцијата ТАСС.

08:30 Зеленски: Русите претрпеа непоправливи загуби

„Дали се сеќавате како Русија се фалеше дека ќе го освои Киев за 48 часа? Во 48 часа кои станаа 48 дена, руската армија претрпе неповратни загуби, поголеми од загубите на СССР во Авганистан”, рече Зеленски.

08:20 Америка подготвува нов пакет на воена помош за Украина во вредност од 750 милиони долари

Висок американски официјален претставник на Министерството за одбрана потврди дека Америка подготвува нов пакет на воена помош на Украина во вредност од 750 милиони долари, што ќе биде објавено во наредните денови.

08:10 Бајден: Руската инвазија е геноцид

Американскиот претседател Џо Бајден за првпат вчера изјави дека рускиот претседател Владимир Путин извршил геноцид во Украина, додавајќи дека конечната одлука за тоа ќе ја донесат адвокати на меѓународно ниво.

„Да, го нареков геноцид, бидејќи станува се појасно дека Путин се обидува да ја избрише идејата дека е можно да се биде Украинец. Има се повеќе докази. Но, ние ќе ги пуштиме адвокатите на меѓународно ниво да одлучат дали тоа така ќе го квалификуваат или не, но мене така ми изгледа“, изјави Бајден.

08:00 Премиерите на Полска, Литванија, Латвија и Естонија на пат кон Киев

Полскиот претседател Анджеј Дуда и претседателите на Литванија, Латвија и Естонија се на пат кон Киев за да се сретнат со украинскиот претседател Володимир Зеленски.

Велат дека на овој начин покажуваат поддршка за Украина и претседателот Зеленски.