Свет
Обама го контактирал Путин за хакерите преку „црвениот телефон“
Американката телевизиска мрежа NBC, повикувајќи се на високо позициониран избор, пренесува дека американскиот претседател Барак Обама во пресрет на ноемвриските претседателски избори го користел ткн „црвен телефон“, директната врска меѓу Белата куќа и Кремљ за да го предупреди рускиот колега Владимир Путин за наводните хакерски напади врз компјутерските системи на Демократската партија и нејзините институции и да не се меша во изборниот процес во САД, за што американски експерти ја обвинуваат Русија.
Според сознанијата на телевизијата, најмалку еден од високите советници на Барак Обама бил упорен во препораките да се поврзе со Владимир Путин во врска со хакерските напади врз американските политички институции. Во прилогот на NBC се истакнува дека американскиот челник не сакал да ја влошува и онака напнатата ситуација и повторно ја предупредил Москва за последиците од мешањето во претседателската кампања, при што првпат го употребил терминот „вооружен конфликт“.
„Меѓународното право, вклучително и законите кои се однесуваат на вооружените конфликти, се однесуваат и на активности во сајбер просторот“, се наведува во пораката којашто ја испратил американскиот претседател на 31-ви октомври. Според NBC, Обама истакнал дека САД ќе ги проценат активностите на Русија врз основа на овие стандарди.
Од Белата куќа потврдиле дека Обама го користел ткн „црвен телефон“. Според претставник на американската администрација, била испратена порака којашто дала резултат бидејќи на денот на изборите 8-ми ноември „ништо не се случи“.
Коментирајќи ги овие медиумски извештаи, портпарол на Крем, Дмитриј Песков изјавил дека „тоа е обичен затворен систем на врска, кој шефовите на државите го користат за телефонски разговори“, пренесува агенцијата ТАСС. Според него преку таа линија се воделе сите досегашни разговори меѓу двата претседатела.
Песков потврдил дека Обама во текот на повеќето разговори повеќепати го споменувал проблемот со кибернетичките напади наводно од руски хакери.
„Но секогаш, за жал, ние не можевме да добиеме никакви повеќе или помалку разумни објаснувања за тие обвинувања, никакви факти, конкретни нешта или што и да е друго. Така сите овие тврдења, се разбира, се апсолутно неосновани и не се поткрепени си никаков аргумент“, рекол Песков.
Додал дека во Кремљ сметаат оти односите меѓу Русија и САД се во „тажна состојба“, придружени од „краен степен на недоверба“.
„Крајно ниското ниво на меѓусебна доверба за жал ги карактеризира нашите односи, кои се во многу очајна состојба. И претседателот Путин постојано се залага за излегување од таквата ситуација“, одговорил портпаролот на Кремљ.
„Црвениот телефон“ е систем на комуникација за итни случаи кој се користи за време на кризи како терористичките напади од 11-ти септември 2001 или инвазијата на САД во Ирак во 2003 година. Тоа не телефон во буквална смисла, туку систем дизајниран за испраќање во прв ред електронски пораки./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Свет
Родителите на Кејт Мидлтон се нејзиниот темел додека таа бори во најтешката животна битка
Во петокот, принцезата од Велс го шокираше светот со веста за нејзината болест.
„Таа има навистина тесен круг на пријатели, особено во Норфолк, таму има многу блиски пријатели“, изјави за странските медиуми за принцезата Кејт Мидлтон, кралскиот експерт Кејти Никол. Таа неодамна и откри на јавноста дека и е дијагностициран рак, по неколкумесечни шпекулации дека нејзината здравствена состојба не е добра, но и дека се повлече од јавноста затоа што нејзиниот сопруг Вилијам ја изневерил.
Никол појасни кој всушност претставува основа на се, во животот на принцезата.
„Нејзиното безбедно пристаниште дефинитивно се нејзините родители, братот Џејмс и сестрата Пипа. Иако не ги гледаме често на заеднички фотографии, тие речиси секогаш се некаде блиску до неа. Тие се апсолутно нејзиниот темел”, рекол тој. Со неговата изјава се согласија и следбениците на социјалните мрежи кои раскажаа како Кејт се дружела со мајка си откако дознала за тешката дијагноза, бидејќи знаела дека може да и каже такви информации, но и дека ќе добие утеха и совет. Нејзините родители ја поддржувале во веројатно најтешките моменти од нејзиниот живот.
Керол и Мајкл Мидлтон добиле олеснување кога слушнале дека ракот е откриен во рана фаза и се чувствувале безбедно бидејќи нивната ќерка е на превентивна хемотерапија.
„Кетрин ќе ги има најдобрите доктори на светот кои ќе ја чуваат, така што таа е во сигурни раце. Керол и Мајкл отсекогаш биле силна двојка и многу приземни. Она што сега го прават е да се здружат и да ја поддржуваат неа, и не само Вилијам и Кејт, туку и нивните внуци“.
Братот Џејмс испрати порака за поддршка на својата постара сестра. Тој објави фотографија кога биле деца и и посвети прекрасни зборови:
„Искачивме многу планини заедно низ годините. Како семејство, оваа ќе ја искачиме со вас.
Свет
ИДФ: 200 членови на Хамас убиени во болницата Ал-Шифа, ги евакуиравме пациентите и персоналот
Израелските одбранбени сили (ИДФ) соопштија дека повеќе од 200 вооружени лица биле убиени за време на операцијата против Хамас во болницата Ал-Шифа во градот Газа.
Во текот на изминатиот ден, напаѓачите на Хамас излегоа од собата за итни случаи во Ал-Шифа, каде што се криеја, и отворија оган врз израелските војници, тврди ИДФ, додавајќи дека неколку слични инциденти се случиле во последните денови.
Во текот на борбите, армијата вели дека војниците евакуирале цивили, пациенти и медицински персонал во друг дел од болницата „која ИДФ ја подготви и ја постави за да овозможи продолжување на соодветниот медицински третман“, пишува „Тајмс оф Израел“.
Истовремено, ИДФ тврди дека уште десетици оперативци на Хамас биле убиени за време на операциите во изминатиот ден во градот Ал-Карара во јужниот дел на Газа и во квартот Кан Јунис Ал-Амал.
Војниците кои дејствуваат во јужниот дел на Газа, исто така, лоцирале и уништиле складишта за оружје, а во централниот дел на Појасот, ИДФ вели дека неколку противнички оперативци биле убиени во текот на изминатиот ден од војниците на бригадата Нахал и во воздушните напади.