Свет
Обама изрази сочувство за смртта на Фидел Кастро кого Трамп го нарече „брутален диктатор“
Американскиот претседател Барак Обама изрази во саботата сочувство за смртта на водачот на кубанската револуција Фидел Кастро, додека неговиот наследник во Белата куќа го нарече „брутален диктатор кој го угнетуваше својот народ шест децении“ и рече дека неговата администрација откако ќе ја преземе должноста на 20-ти февруари, ќе стори сé за да му помогне на кубанскиот народ.
„Во моментот на смртта на Фидел Кастро, ние му подаваме рука на пријателство на кубанскиот народ“, изјави американскиот претседател Барак Обама изразувајќи сочувство за смртта на кубанскиот челник во петокот на 90-годишна возраст.
„Историјата ќе запише и ќе суди за огромното влијание на оваа фигура врз луѓето на сите околу него“, се наведува во писмената изјава на Обама.
Тој истакнува дека речиси 60 години односите меѓу САД и Куба биле нарушени од „политичките разлики“,и оти во текот на неговото претседателствувањето напорно се работело да се остави минатото зад себе и да се стреми кон иднината, во која односите меѓу двете земји ќе бидат определени не со разликите, туку со многуте нешта коишто ги споделуваат како соседи и пријатели.
„Денеска ние изразуваме сочувство до семејството на Фидел Кастро и се молиме за кубанскиот народ. Следните денови тие ќе си споменуваат за минатото и ќе гледаат кон иднината, и притоа кубанскиот народ треба да знае дека САД се нивниот пријател и партнер“, порачува Обама.
Обама кон крајот на 2014 година објави дека го започнува процесот на подобрување на односите со Куба, кои беа прекинати повеќе од шест децении. Во 2015 година двете земји ги отворија повторни дипломатските мисии, а во март истата година Обама ја посети кубанската престолнина Хавана. Сепак, американското трговско ембарго врз Куба наметнато од страна на Конгресот досега не е укинато.
Новоизбраниот американски претседател Доналд Трамп, пак, во својата изјава по повод смртта на Фидел Кастро го нарече кубанскиот челник диктатор и вети оти ќе помогне за благосостојба на Куба.
„Денеска светот го одбележува заминувањето на бруталниот тиранин кој го угнетуваше сопствениот народ во речиси шест децении. Оставината на Фидел Кастро се стрелачките водови, незамисливите страдања сиромаштијата и непочитувањето на фундаменталните човекови права“, се истакнува во писмената изјава на Трамп.
Додава дека Куба и натаму е тоталитарен остров. Притоа Трамп изразува надеж дека со смртта на Фидел земјата ќе мине од ужасите коишто ги трпела кон живот во заслужената слобода „за прекрасниот кубански народ“.
„И покрај трагедиите, смртите и болките предизвикани од Фидел Кастро, кои не можат да се избришат од паметењето, нашата администрација ќе стори сé што може за кубанскиот народ конечно да може да го започне својот пат кон просперитетот и слободата“, порачува Трамп./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.