Свет
Обама тврди дека на Путин му рекол „да престане“ поради кибернетичките напади, по што тие престанале
Американскиот претседател на заминување Барак Обама изјави во петокот вечерта дека го предупредил рускиот претседател Владимир Путин во септември да го запре мешањето во американската претседателска кампања по хакирањето на серверите и електронската пошта на неговата Демократска партија пред претседателските избори на 8-ми ноември, и оти потоа повеќе не видел докази за руско мешање.
На предбожикната прес-конференција за новинарите, американскиот претседател Барак Обама, кој ќе ја напушти должноста на 20-ти јануари, тврдеше дека на почетокот на септември на маргините од самитот на групата Г20 кој се одржа во кинески Хонгжу, во текот на средбата „очи в очи“ му рекол на рускиот колега по должност Владимир Путин „да престане“.
Обама додаде дека по предупредувањето што му го упатил на Путин немало натамошни докази за руското вмешување, пренесува Reuters.
Кремљ сé уште не ја коментираше оваа изјава на Обама. Ваквите обвинувањата руските претставници повеќепати ги отфрлија и ги нарекоа апсурдни. А Вашингтон, иако официјално ја обвини Москва за хакерски упади во компјутерските системи на Демократската партија, чијашто кандидатка Хилари Клинтон беше поразена од републиканецот Доналд Трамп кого го обвинуваа за блискост и симпатизирање на рускиот претседател Владимир Путин, никогаш не презентираше докази,
Претходно во петокот помошникот на претседателот на Русија, Јуриј Ушаков, изјави за новинарите во Токио дека Путин на маргините на самитот Г20, во септември, на Обама му го објаснил ставот на Русија по ова прашање, јави агенцијата ТАСС. „Разговараа во четири очи на разни теми, вклучувајќи ја и оваа тема. Нашата страна даде мошне јасен одговор што можеби не се совпадна со она што Обама се обидуваше да ни го објасни“, изјави Ушаков.
Двајца неименувани американски владини функционери изјавиле да Reuters дека Федералното биро за истраги (FBI) го поддржува ставот на Централната разузнавачка агенција (CIA) дека Русија се вмешала за да му помогне на Доналд Трамп да ги добие изборите.
Обама, наводно, ја оставил можноста за американска одмазда против Русија за да ја обесхрабри и неа и другите земји од натамошни кибернетички напади.
Рече дека е длабоко убеден дека хакирањето на функционерите и институциите на Демократската партија, што во јавноста изнесе непријатни сознанија и предизвика серија смени на челниците во партиските тела на национално ниво, ги извела Русија по налог на високи руски функционери.
„Разузнавачките податоци коишто ги видов ми дават голема верба во нивната процена дека Русите го извеле ова хакирање“рече Обама.
На почетокот од седмицава, на ваквите информации за наводните сознанија на CIA, соработниците на новоизбраниот американски претседател Доналд Трамп веднаш ги отфрлија заклучоците на CIA истакнувајќи дека аналитичарите кои ги донеле „се истите оние кои зборуваа дека (поранешниот ирачки претседател) Садам Хусеин поседува оружје за масовно уништување“, отфрлајќи ги уште еднаш нападите на демократите дека Москва влијаела во полза на неговата победа..
Обама рече и дека се надева оти Трамп ќе биде исто така загрижен поради руските акции, како и дека истрагата не треба да стане „политички фудбал“меѓу републиканците и демократите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.