Свет
САД потврдија дека Кина заробила нивен подводен дрон
Пентагон потврди во петокот дека кинеска воена морнарица во четвртокот заробила американски подводен дрон во меѓународните води на Јужното Кинеско Море, северозападно од заливот Субик Беј.
Според изворите на агенцијата Reuters, овој подводен наведуван апарат без екипаж, бил користен од океанографскиот брод „USNS Bowditch“.
„Станува збор за брод со заштитен суверен имунитет, и на него имало јасна ознака на англиски јазик, дека тој не треба да биде извлечено од водата. Тоа е американска сопственост“, изјавил неименуван американски функционер за американската телевизиска мрежа CNBC.
Според него, подводното пловило било користено за собирање океанографски податоци во рамките на некласифицирана, односно јавна програма. Вашингтон по дипломатски канали му изразил протест на Пекинг, на кој кинеската страна сé уште не одговорила, рекол соговорникот на телевизијата.
„Кинески воен брод запрел пресретнувајќи американски подводен апарат без екипаж, додека истовремено океанографски брод на американската воена морнарица ’USNS Bowditch’ се обидувал да го врати. Бродот на кинеската воена морнарица ’ASR-510’ дошол на растојание од 500 јарди (457,2 метри) кон американскиот брод, спуштајќи во водата помал чамец и фаќајќи го дронот“, појаснил за руската агенција ТАСС, портпаролот на американското министерство за одбрана, морнаричкиот капетан од прва класа, Џеф Дејвис.
Инцидентот, според него, се одиграл во меѓународните води на околу 50 наутички милји (92,6 километри) северозападно од филипинскиот залив Субик-беј, каде што има база на американската воена морнарица.
Дејвис истакнал дека „Bowditch“ воспоставил контакт со кинескиот брод и „барал да биде вратен дронот“. „Тие барања биле игнорирани. Поради тоа ние работиме преку дипломатски канали“, додава.
„Вакво однесување не очекувавме од професионалци на воена морнарица“, заклучува портпаролот на Пентагон.
Американските медиуми пишуваат дека на „USNS Bowditch“ имало два подводни дрона. Двата биле активни во меѓународните води на Јужното Кинеско Море на собирање научни информации. Еден од нив бил забележан од кинескиот брод во моментот кога екипажот на научниот брод да ги повлече двата свои дронови.
Медиумите, исто така, забележуваат дека американските океанографски бродови чести се следен, поради тоа што се претпоставува дека тие се користат во разузнавачи и шпионски операции./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.