Свет
Од 2000-та во уривања на авионите „Ту-154“ загинале над 800 луѓе
Повеќе од 800 луѓе од 2000 година загинале во падовите на авионите од типот „Ту154“ од советска конструкција, без да биде вклучена и најновата несреќа во која во неделата загинаа сите 92 патника и членови на екипажот во авионот на руското министерство за одбрана на летот од руското одморалиште Сочи за Сирија.
Рускиот авион превезувал 84 патници, новинарски екипи, хуманитарни работници меѓу кои и познатата Елисавета Глинка позната како „доктор Лиза“ директорка на добротворната фондација „Справедлива помош“, воени службеници и членови на воениот оркестар „Александров“, а се урна во водите на Црното Море во неделата во близина на Сочи во јужна Русија, откако таму накусо слетал за да се снабди со гориво и го продолжил летот кон руската воена база „Хмејмим“, недалеку од Латакија во Сирија.
Авионот со три мотора од моделот „Т-154“ е проектиран во 60-те години од минатиот век за превезување на повеќе од 150 лица по во тоа време неасфалтираните писти на рускиот Далечен исток, и со децении беше основата на советскиот внатрешен воздухопловен сообраќај.
Произведени се повеќе од илјада такви авиони, меѓутоа руските власти по низата несреќи дефинитивно во 2011 година наредија повлекување на авионите „Ту-154“.
Во последните петнаесет години се случија повеќе од десет воздухопловни несреќи на авионите од овој модел, вклучително и падот во кој во 2010 година загина тогашниот полски претседател Лех Качински со уште 95 највисоки полски државни функционери крај рускиот град Смоленск.
Меѓународната истрага спроведена за падот на полскиот претседателски авион покажа дека најверојатно е резултат на пилотска погрешна процена во тешки метеоролошки прилики, но и дека моделот на авионот е доста застарен.
Руската национална воздухопловна компанија „Аерофлот“ неколку месеци пред таа несреќа најави дека ја повлекува својата флота „Ту-154“ авиони, а ја наследи моделот „Ту-204“, кој може да превезува повеќе од 200 лица. Авионите „Ту-154“ денес ретко се користат во цивилната авијација./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.