Регион
Австриската полиција со часови ги анализирала видеата за кои постои сомнеж дека на нив е исчезнатата Данка
![](https://makfax.com.mk/wp-content/uploads/2024/04/danka10.jpg)
Австриската полиција интензивно трага по двете романски државјанки кои на видеото од Виена се во придружба на девојчето кое се претпоставува дека е исчезнатата Данка од Бор.
Според извор на „Курир’, локалната полиција сп часови ги нализирала видеата од безбедносните камери, особено оние од станицата „Шотенринг“, каде што било снимено девојчето.
Тие објавија и три нови фотографии на кои појасно се гледа фигурата на двете жени, како и фигурата на детето.
„Анализирани се сите снимки од безбедносните камери околу станицата каде што се видени, а тие фотографии се направени и од камерите на трамваите и автобусите кои минуваат. На едната јасно се гледа фигурата на двете жени на ескалаторите на станицата, а на едната се гледаат како стојат со дете на станицата“, вели изворот на Курир.
Се работи за постара и помлада жена, русокоса и црнка, а нивниот идентитет допрва ќе се утврдува.
Во апелот на австриската полиција се замолуваат сите кои ги препознаваат жените и знаат каде се наоѓаат веднаш да се јават во полиција.
„Откако семејството на исчезнатото девојче го погледнало видеото, се претпоставува дека многу веројатно се работи за исчезнатото девојче од Србија, односно одговориле дека постои голема веројатност Данка да е на видеото. Виенската полиција по наредба на јавното обвинителство бара апсење на двете жени кои биле со неа во станицата“, се соопштува.
Виенската полиција навела дека се разгледуваат и анонимни пријави.
– Сите информации можете да ги пријавите во државната криминалистичка полиција на бројот 01-31310-33800 или во која било полициска станица во Австрија – се наведува во соопштението.
Данка Илиќ исчезна на 26 март во Бањско поле кај Бора а една од клучните индиции за овој случај се појави во неделата кога беше објавено видео од Виена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.