Регион
Анестезиолог објаснува дали можело да им се помогне на младите во Посушје

Труењето со јаглерод моноксид честопати може да биде фатално, што за жал беше потврдено со последниот случај на труење на млади луѓе кај Посушје. Осум млади луѓе подлегнаа на последиците од труење додека ја чекаа Новата година, во викенд куќата на еден од починатите во Трибистово.
Дали овие млади луѓе можеше да бидат спасени, дали можеа да преживеат и што требаше да се стори во медицинскиот контекст доколку некој дојдеше пред вратата на викенд куќата каде што се одржа прославата, даде одговор анестезиологот, д-р Ненад Карановиќ за „Слободна Далмација“.
„ Ако некој „налетеше“ во првите моменти, кога бензинот започна да ги труе овие млади луѓе и да ги изнесеше надвор, нивниот живот ќе можеше да се спаси на чист воздух, само ако некој ги отвореше прозорците за да ја проветри просторијата во која престојуваа. Целата трагична приказна немаше да биде вака. Медиумите пишуваат дека прозорецот бил отворен, но секако не бил доволно отворен за потребната количина на воздух да влезе во контаминираната просторија за да го “исчисти” јаглерод моноксидот”, објасни анестезиологот за „Слободна Далмација“.
Тој додава дека наместо кислород, крвта зела јаглерод моноксид и поради тоа мозокот останал без кислород, и како резултат на тоа се случила смрт.
„Тешко е да се каже колку време требало да се случи смртта. Тоа е индивидуално прашање, и зависи од здравјето на личноста, возраста… Смртта не им се случува на сите истовремено. Кај постарите и болните, смртта поради труење со јаглерод моноксид ќе се случи порано“, вели Карановиќ.
Ако некој влезел во таа куќа кога штотуку почнале да „заспиваат“ од јаглерод моноксидот и сите ги изваделе на чист воздух или само да ги отвореле прозорците, тие деца најверојатно ќе беа живи, додава Карановиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Парламентот на Црна Гора повторно го усвои Законот за слобода на вероисповед

На денешната вонредна седница, Парламентот на Црна Гора повторно гласаше со мнозинство гласови за изменување и дополнување на Законот за слобода на вероисповед. За измените и дополнувањата на Законот за вероисповед гласале 41 пратеник од парламентарното мнозинство, без гласови против и воздржани.
Парламентот усвои и други закони што црногорскиот претседател Мило Ѓукановиќ претходно одби да ги потпише и ги врати на повторно изјаснување.
Пакетот закони првпат беше усвоен на седницата на Собранието на крајот на декември минатата година.
Неколку десетици граѓани со знамиња на Црна Гора и НАТО се собраа пред зградата на парламентот.
Опозициските пратеници од редовите на Демократската партија на социјалистите на Мило Ѓукановиќ не присуствуваа на собраниската седница.
Регион
Грција почна со издавање дигитален сертификат за вакцинација

Грција почна да издава дигитален сертификат за вакцинација против коронавирусот, а грчкиот премиер Кирјакос Мицотакис изјави дека тоа е уште една грчка иновација.
Мицотакис на состанокот за спроведување на националниот план на Грција за вакцинација рече дека потврдата не значи ограничување, туку дополнително олеснување за движење и патување.
Тој изјави дека сертификатот ќе служи за потврда на законската вакцинација, но и за лична употреба на граѓаните и уште еднаш го повтори својот предлог до Европската Унија за единствен сертификат во согласност со европските стандарди.
„Ова не е ограничување, но ќе ни олесни да се ослободиме од ограничувањата што во моментот ги наметнува коронавирусот за патување на европските граѓани. Тоа е нешто што ќе значи особено за нашиот туризам и перспективите на нашата економија, пред сè, пред летната сезона“, рече Мицотакис.
Предлогот на Мицотакис за единствен сертификат ќе се дискутира на утрешниот самит на ЕУ, а Мицотакис изрази надеж дека ќе се постигне договор за единствен систем за сертификација.
Регион
ЕУ до Западен Балкан: Ќе ви дадеме вакцини, но не знаеме кога и не знаеме колку

На утрешната видеоконференција лидерите на земјите членки на ЕУ ќе разговараат за солидарноста на ЕУ со трети земји кога станува збор за испораката на вакцините, но не се очекува конкретизација на датумите или количината на дозите што може да пристигнат на Западен Балкан.
„Нема временска рамка за испорака на вакцини во трети земји. Ситуацијата е веќе доволно комплицирана во рамките на ЕУ поради проблеми со производството. Нашата намера е тоа да го реализираме кога самите ќе напредуваме доволно“, вели официјален претставник на ЕУ.
Во пресрет на утрешниот состанок на лидерите на ЕУ, кој ќе се состане деветти пат преку видеоконференција посветена исклучиво на борбата против пандемијата на Ковид-19, тие потенцираат дека земјите од Западен Балкан не треба да се сомневаат во принципот дека ЕУ ќе биде тука за своите партнери и дека ќе се залагаат вакцините како глобално добро да ги добијат сите што имаат потреба од нив.
Европската комисија го повика Западен Балкан да биде трпелив уште неколку недели и дека се воспоставува механизам во ЕУ, што треба да им овозможи на партнерските земји пристап до 2,3 милијарди дози вакцини обезбедени од ЕУ преку заеднички набавки.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот