Уште еден авион на „Ер Србија“ со српски државјанин од Тел Авив слета на белградскиот аеродром „Никола Тесла“. Ова е трет авион со српски државјани што доаѓа од Израел по почетокот на конфликтот со Палестинците во Појасот Газа.

Првиот авион со аџии слетал вчера во текот на денот, а вториот во вечерните часови на аеродромот „Никола Тесла“.

Иван Јордовиќ, еден од патниците што денеска се наоѓаше во авионот што слета, вели дека ситуацијата додека го чекале летот, била болна, но дека немало чувство на паника.

„Не знам што да кажам, го фативме летот. Имавме редовен лет, го испрати ‘Ер Србија’. Имавме обезбедени места, летот беше полн“, вели тој за „Блиц“.

Како што изјави, чекале еден и пол да се реализира. Времето го поминале во собата и дисциплинирано ги следеле сите инструкции.

„Претежно бевме во собата, дури никаде не излеговме, иако таму немавме никаква забрана ниту, пак, полициски час, но луѓето таму се придржуваа. Се плашеа од тие терористички напади повеќе од ракети. Тие се доста дисциплинирани и смирени. Таму не се рашири паника, но ситуацијата на сето тоа исчекување е толку болна“, вели Јордовиќ за „Блиц“.