Регион
Бугарија се исплаши од руските системи: да се забрани транспортот на „С-400“ до Србија!
![](https://makfax.com.mk/wp-content/uploads/2019/10/31-србија.jpg)
Русија може повторно да ги префрли во Србија своите противракетни системи „С-400“, а Белград веќе излезе со соопштение дека слични воени вежби може да станат рутина, смета воениот претставник на Бугарија во НАТО и член на управата на Атлантскиот совет, Сиби Сибев, пренесува „Спутник“.
Ако Србија одговори позитивно на желбата на Русија да инсталира противвоздушна база на српска територија, ќе се создаде зона на попречување на пристапот до воздушниот простор во опсег од 400 км и тоа веќе ќе биде проблем не само за Бугарија туку и за НАТО, смета тој
„Ако во Бугарија се појави информација дека Русија транспортира таков систем со цел да напраи траква база, Софија ќе има потполно право да ги забрани летовите над Бугарија“, изјави Сибев.
Тој нагласи дека Србија има целосно право на модернизација на своуте вооружени сили со руско вооружување, но таквата можност предизвикува загриженост.
„Како што Бугарија, Романија и Хрватска имаат програми за модернизација на авионите ‘Ф-16’ и тоа е нивно суверено право, така и Србија го има истото право. Но, прашањето е чувствително бидејќи систе соседни држави не располагаат со таков комплекс („С-400“) и ако Србија има амбиции да го контролира воздушниот простор во опсег од 400 км, тоа навистина треба да предизвика загриженост и бара објаснување од српска страна.
Од друга страна, ако Русија навистина постигне спогодба со Србија за распоредување руска противвоздушна одбрана на своја територија, тогаш прашањето станува многу коплексно и треба со сите средства да се спречи реализацијара на таквиот проект“, нагласи Сибев.
Претходно, поранешната амбасадорка на Бугарија во САД и членка на одборот на Атлантскиот совет на Бугарија, Елена Поптодорова, изјави дека Ниш очигледно е руска воена база во Србија, а поранешниот бугарски шеф на дипломатијата, Соломон Паси, ја повика Европската комисија да обрати внимание на руската активност во Србија.
„Ниш е очигледно руска воена база во Србија, која ја нарекуваат центар или институција. Ако таму стават ‘С-400’, нивното дејство ќе ја покрива и Бугарија и целиот регион на Западен Балкан“, оцени Поптодорова.
И од Атлантскиот центар на Бугарија, со кој претседава Паси, изразија загриженост поради транспортот на „С-400“ во Србија зашто присуството на такви системи во срцето на Балканот би формирало зона во која НАТО тешко би влегол во случај на криза.
„Значаен дел од воздушниот простор над западна Бугарија, вклучувајќи ја и Софија, ќе се најде во дострел на тие ракети. Тоа е спротивно на интересите на нашата земја, која е НАТО-сојузник“, се вели во сопштението на организацијата на „Фејсбук“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.