Контакт

Регион

(Видео) Гафови на средбата Меркел-Рама

Објавено пред

Германската канцеларка, Ангела Меркел, денеска пристигна од Белград во Тирана, каде што се сретна со албанскиот премиер Еди Рама.

Социјалните мрежи блеснаа, но не поради официјалниот дел од состанокот, туку поради серијата гафови што се случија пред почетокот на тет-а-тет разговорот во Палатата на бригадите, пред кој беше организиран свечен пречек.

Прво, бравата на „мерцедесот“ со кој пристигна Меркел на средбата со Рама беше блокирана или возачот заборави да ја отклучи вратата, па телохранителот беше фатен како тропа на вратата и се бори да ја отвори.

Ова веднаш беше проследено со непријатен поздрав од Рама и Меркел.

Имено, поради пандемијата на коронавирус, Ангела Меркел се поздравува со тупаница, а видно возбудениот Рама ентузијастички ја подаде раката кон неа. По неколку моменти непријатна тишина, тие успеаја да се поздрават.

Следеше нов гаф за време на интонирањето на химната. Меркел поради нејзината здравствена состојба седеше за време на интонирањето на химната, но корисниците на социјалните мрежи беа збунети зошто и Рама седи.

Згора на сето тоа, Рама се најде на удар на „модната полиција“.

Тој доби критики за неносење класични, кожени чевли, туку дека ја пречекал „кралицата на Европа“ во мокасини. На многумина не им се допадна ниту неговата вратоврска.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

ЕУ ги очекува Вучиќ и Курти на преговори во Брисел до крајот на неделава

Објавено пред

ЕУ интензивно работи на организирање состанок на претставници од Белград и Приштина во Брисел, на кој ќе се разговара за ситуацијата во северно Косово и враќањето на слободата на движење, а средбата може да се одржи до крајот на неделава, дознава агенцијата „Танјуг“ од извори во Брисел.

Дипломатските кругови во Брисел велат дека и натаму се водат преговори со Белград и Приштина во врска со доаѓањето делегации во Брисел, но не исклучуваат дека средбата би можела да се одржи кон крајот на оваа седмица, јави агенцијата.

Во исто време, пристигнувањето во Брисел на американскиот специјален пратеник за Западен Балкан, Габриел Ескобар, беше потврдено за неделава, со една тема на дневен ред – ситуацијата во Косово.

Европската Унија постојано повторува дека дијалогот во Брисел е единствениот начин за решавање на актуелната криза во Косово, како и сите други отворени прашања, а шефот на европската дипломатија, Жосеп Борел, објави дека за ситуацијата на северот на Косово и слободното движење ќе се разговара во наредните денови во Брисел од страна на главните преговарачи на Белград и Приштина.

„Двата главни преговарача, кои доаѓаат во Брисел во наредните денови, се првиот позитивен чекор. Клучно е тие да дојдат со мандат да разговараат за понатамошниот пат и да најдат одржливи решенија што се во интерес на граѓаните“, посочи Борел во писмена изјава.

Се шпекулира дека состанокот во Брисел може да се случи по посетата на претседателката на Европската комисија, Урсула фон дер Лаен, која ќе разговара со лидерите во Белград и Приштина на 29 септември.

Прикажи повеќе...

Европа

(Видео) Најмалку една жртва по серијата земјотреси во Грција, Турција издаде предупредување за цунами

Објавено пред

Неколку земјотреси утрово го погодија грчкиот остров Крит, а најсилниот беше со јачина од 5,8 степени според Рихтеровата скала, јавуваат грчките медиуми. Пријавена е материјална штета. Во Хераклион беше наредена евакуација на училиштата и сите институции. Најмалку едно лице загина.
Станува збор за градежен работник, кој работел на обнова на црквата во селото Аркалохори, пренесува „Катимерини“.

Ова го потврди и градоначалникот на Аркалохорија, кој исто така изјави дека се оштетени две цркви и други згради во селото.

Според него, две лица биле заробени, едното во црквата, каде што се урнала куполата, а другото во неговата куќа.

Првата процена на Геодинамичкиот институт за земјотрес, кој се случи утрово на Крит, зборува за јачина од 5,8 степени, со епицентар на 78 километри јужно од Хераклион, најголемиот град на тој остров.

Евромедитеранскиот сеизмолошки центар одделно ги проценува вибрациите на 6,2 степени, пишува „Катимерини“.

Според првичните извештаи, епицентарот е на длабочина од 10 километри.

Последователните измерени земјотреси се со јачина од 3,8 и 4,5 степени.

Очевидци и локални медиуми тврдат дека земјотресот траел долго и бил силно почувствуван не само во Хераклион, туку и на целиот Крит.

Земјотресот, како што пренесуваат грчките медиуми, бил почувствуван на Крит, но и на познатиот остров Санторини.

Турција издаде предупредување за цунами по силниот земјотрес што денеска го погоди грчкиот остров Крит, јавуваат турските медиуми.

Властите во Турција ги предупредија жителите за можно цунами предизвикано од земјотресот во Грција.

Прикажи повеќе...

Регион

Психијатар за таткото убиец: Таквите психопати уживаат само во маката на другите

Објавено пред

Психијатар на психијатриската клиника „Врапче“, проф. д-р Анте Багариќ, вели дека таткото што си ги уби трите деца бил свесен што направил.

„Ние психијатрите секогаш сакаме да разговараме кога ги има сите докази и досега доказите се нецелосни и неизвесни. Кога зборуваме, зборуваме општо, но факт е дека речиси секое убиство на деца е извршено од луѓе со силна, длабоко развиена психопатија, нарушување кое е поинакво од сите други нарушувања и има една главна карактеристика – таквите луѓе може да уживаат само во страдањето на другите“, вели тој.

Како што наведува докторот, она што е карактеристично за убијците на деца е тоа што тие избираат жртви што не може да се одбранат, кои се слаби и крајниот аспект на таа психопатија е кога тоа го прават во своето семејство на деца што ги сакаат, кои покажуваат емпатија и љубов кон нив. Потоа психопатите, само за да го зголемат нивното уживање, да ја направат жртвата што поголема, им го прават тоа на луѓе што им веруваат и им се блиски, објаснува Багариќ.

Коментирајќи ги објавите на убиецот на социјалните мрежи, кои покажуваат дека тој ги обожавал децата, Багариќ додава дека експертите стопати рекле дека социјалните мрежи се многу подобрени, вклучително и медицината.

„Сепак, социјалните мрежи исто така имаат свои негативни последици. Вистина е дека социјалните мрежи се одлична платформа за луѓето да создадат лажна добра и успешна маска. Секако, оној што злоупотребува деца или убива, сигурно не е добар татко, така што нешто му се случило одеднаш. Може да камуфлира една агресија, уништување, едно зло и да го прикаже како нешто добро“, смета Багариќ.

Говорејќи за пандемијата и влијанието врз семејството, Багариќ рече дека пандемијата е голем стрес.

„Големиот стрес ги прави добрите луѓе подобри, а лошите луѓе полоши. Пандемијата ги изнесе лошите луѓе на површина да прават лоши работи“, нагласи тој.

Според него, убијците се претставуваат како храбри и по злосторството прават серија потези за да избегнат казна и да добијат милост и статус на жртва.

Прикажи повеќе...

Најново

Македонија9 минути

Од модуларната болница во Штип избегал 84-годишен пациент

Вчера попладне, 84-годишен пациент избегал од модуларната болница во Штип, но подоцна бил вратен од полициски службеници. „На 26.09.2021 во...

Македонија3 часа

Регистрирани 112 нови случаи на коронавирус, починаа 13 лица

Во последните 24 часа направени се 1.726 тестирања, а регистрирани се 112 нови случаи на Ковид-19: Скопје – 82, Кавадарци...

Европа6 часа

Олаф Шолц: Дојде време ЦДУ/ЦСУ да замине во опозиција

Пo објавувањето на нецелосните официјални резултати од парламентарните избори во Германија денеска рано наутро, социјалдемократите (СПД) и нивниот кандидат за...

Македонија6 часа

Пендаровски: Политичките тензии на моменти ја парализираат државата

Претседателот Стево Пендаровски денеска се обрати на свечениот научен собир „Современата македонска држава – две етапи во процесот на нејзиното...

Македонија6 часа

Црвенковски: Ако нашата идеја е „НАТО ќе нѐ брани, ЕУ ќе нѐ храни“, ниту ќе се одбраниме ниту ќе се нахраниме

Како поранешен премиер и претседател на Република Македонија имам право, но и обврска да проговорам, за тоа каде според мои...

Македонија7 часа

Шефицата на Европската комисија утре во Скопје

Претседателката на Европската комисија, Урсула фон дер Лаен, утре ќе допатува во земјатаа, а ќе ја пречека премиерот Зоран Заев...

Европа7 часа

(Видео) Најмалку една жртва по серијата земјотреси во Грција, Турција издаде предупредување за цунами

Неколку земјотреси утрово го погодија грчкиот остров Крит, а најсилниот беше со јачина од 5,8 степени според Рихтеровата скала, јавуваат...

Свет10 часа

По три месеци, Сиднеј го укинува целосното затворање

Австралиските власти најавија крај на тримесечното целосно затворање за вакцинираните жители на Сиднеј. Карантинот во Сиднеј и во преостанатиот дел...

Македонија12 часа

СДСМ со митинг во Битола, ВМРО-ДПМНЕ во Охрид – почнува кампањата за локалните избори

Од денеска почнува изборната кампања за локалните избори, кои се закажани на 17 октомври. Кампањата за првиот круг ќе заврши...

Македонија12 часа

Почнува вакцинирањето со трета доза во Македонија

Граѓаните што имаат над 60 години, здравствените работници и лицата со имунолошки болести од денеска со потврда ќе може да...

Топ1 ден

Пронајден починат лекар во Психијатриската болница „Скопје“

Дежурен лекар во Психијатриската болница „Скопје“ бил пронајден починат синоќа по полноќ на работното место. Како што соопшти МВР, здравствениот...

Регион1 ден

Борел: Ја следиме ситуацијата на северот на Косово, провокациите се неприфатливи

Високиот претставник на ЕУ, Жозеп Борел рече дека внимателно се следи ситуацијата на северот на Косово и им кажа на...

Македонија1 ден

Регистрирани 336 нови случаи на коронавирус, починаа 17 лица

Во последните 24 часа направени се 3.425 тестирања, а регистрирани се 336 нови случаи на Ковид-19: Скопје – 169, Велес...

Македонија1 ден

ВМРО-ДПМНЕ тврди дека Шилегов исплаќал милионски суми на наместени тендери

Опозициската ВМРО-ДПМНЕ, на прес-конференција обвини дека градоначалникот на Град Скопје, Петре Шилегов исплаќал милионски суми на наместени тендери, а случајот го...

Македонија1 ден

(Видео) Заев се попиша: „Конечно ќе добиеме релевантни податоци за креирање на реални политики“

Претседателот на Владата, Зоран Заев, заедно со своето семејство во својот дом во Струмица, ја исполни граѓанската должност и законска...

Европа1 ден

Германија бира наследник на Меркел

Околу 60,4 милиони Германци денеска на федералните избори, имаат можност да одлучат за идниот состав на парламентот, и индиректно за...

Македонија1 ден

Од утре изборна кампања

Од утре стартува изборната кампања за Локалните избори што се закажани на 17 октомври. Кампањата ќе заврши на 15 октомври...

Македонија2 дена

Регистрирани 392 нови случаи на коронавирус, починаа 20 лица

Во последните 24 часа направени се 4.633 тестирања, а регистрирани се 392 нови случаи на Ковид-19: Скопје – 180, Куманово...

Македонија2 дена

Заев за виенски „Стандард“: ЕУ треба да го забрза процесот на донесување одлуки

„Понекогаш членките на ЕУ ја забораваат причината зошто работиме заедно, а тоа е затоа што сме заемно корисни. ЕУ е...

Европа2 дена

(Видео) Ерупцијата на вулканот на шпанскиот остров влезе во најинтензивната фаза

Реки лава течеа низ вулканот на шпанскиот остров Ла Палма ноќта помеѓу петокот и саботата, поради што локалниот аеродром беше...

Досие