Контакт

Регион

(Видео) „Отворен Балкан“ – Вучиќ ги пречека Рама и Димитров

Објавено пред

Претседателот на Србија, Александар Вучиќ, денеска е домаќин на премиерот на Албанија, Еди Рама, и на вицепремиерот на Македонија, Никола Димитров.

Средбата во Палатата „Србија“ се одржува во рамките на иницијативата за соработка, наречена „Отворен Балкан“. По тој повод, Вучиќ на „Инстаграм“ порача дека „Отворен Балкан“ е историска одлука.

Инаку, како што е најавено, Вучиќ, Рама и Димитров првин ќе разговараат со претставници на компании од Србија, Албанија и Северна Македонија. Потоа следува средба на тројцата функционери со претставници на Атлантскиот совет, па ќе се одржи средба на тројцата функционери, по што Вучиќ, Рама и Димитров ќе се обратат пред медиумите.

Иницијативата за отворен Балкан е економска зона формирана од три регионални земји – Албанија, Северна Македонија и Србија – и има цел да ги зголеми трговијата и соработката, како и да ги подобри билатералните односи.

На 10 октомври 2019 година Вучиќ, Рама и македонскиот премиер, Зоран Заев, почнаа иницијатива, која неформално беше наречена „Мал шенген“, а која беше поддржана од Европската Унија и САД.

Оригиналното име на иницијативата „Мал шенген“ беше сменето во „Отворен Балкан“ на крајот на јули на состанокот во Скопје, на кој присуствуваа лидерите на трите земји – Александар Вучиќ, Еди Рама и Зоран Заев.

На таа средба беше договорено граничните контроли меѓу трите земји да бидат укинати од 1 јануари 2023 година, а беа потпишани три документи – меморандум за разбирање за соработка во олеснување на увозот, извозот и движењето на стоки во Западен Балкан; меморандум за разбирање за соработка за слободен пристап до пазарот на труд во Западен Балкан; и договор за соработка во заштитата од катастрофи на Западен Балкан.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Во Хрватска приведени антиваксери, осомничени дека поттикнувале тероризам

Објавено пред

Во пет хрватски окрузи приведени се најмалку пет лица, меѓу кои и Марко Францишковиќ, водачот на протестите против вакцинацијата, кои се осомничени за јавно поттикнување тероризам, објави хрватскиот портал „Индекс“.

Министерството за внатрешни работи денеска соопшти дека во пет жупании се води кривична истрага поради постоење сомнение за сторено кривично дело јавно поттикнување тероризам.

Се наведува дека станува збор за истрага поради сомневање за дејства што поттикнуваат кршење на основните уставни, политички, економски и општествени темели на Хрватска со напаѓање на физичкиот интегритет на други лица и јавни објекти.

„Во денешните акции се опфатени повеќе лица, кои се под надзор на полицијата“, се вели во соопштението и се додава дека во наредните денови полицијата ќе работи на собирање докази со претрес на објекти, возила и друга опрема.

„Индекс“ неофицијално дознава дека меѓу приведените се и Марко Францишковиќ, еден од говорниците на неодамнешниот протест против ковид-сертификатите во Загреб и Шибеник, Натко Ковачевиќ, теоретичар на заговор, кој во 2016 година во емисијата на ХРТ изнесе теории од типот „Бил Гејтс, кој сака да ги убие Хрватите“. Порталот дознава дека меѓу приведените е и Денис Башнец, кој се претставува како лекар по природна медицина, фитотерапевт, билкар и нутриционист.

Се додава дека станува збор за лица што организирале акции во затворени групи преку апликацијата „Телеграм“ за да протестираат против ковид-сертификатите во Загреб, а некои од нив, како што се наведува, предложиле и насилни акции.

Прикажи повеќе...

Регион

И Хрватска ги заострува мерките поради ширењето на омикрон

Објавено пред

Хрватската влада донесе донесе нови мерки поради новиот сој на коронавирусот – омикрон.

Вицепремиерот и министер за внатрешни работи, Давор Божиновиќ, истакна дека штабот за цивилна заштита донел седум нови одлуки на национално ниво.

До 15 декември е продолжено времетраењето на епидемиолошките мерки за пет решенија што се однесуваат на ограничување собири, привремена забрана и ограничување да се преминуваат граничните премини на Република Хрватска, употреба на маски за лице, работа на продавници и јавен превоз.

„Со оглед дека новиот сој има потенцијал да биде многу позаразен, голем број земји усвоија нови построги мерки во однос на патувањето, ограничување на влезот за лица што доаѓаат или престојувале во последните 14 дена во Јужна Африка, Боцвана, Есватина, Лесото, Намибија, Зимбабве и Хонг Конг, а одлуката од 30 ноември за ограничување на влезот во Хрватска важи и за Република Мозамбик“, нагласи Божиновиќ.

Како што рече, во одлуките се предвидува и задолжителен карантин за државјаните на Хрватска што доаѓаат од тие земји во траење од 14 дена од денот на влегувањето во Хрватска и задолжително тестирање на последниот ден од карантинот.

Мерката за безбедност се применува до 15 декември.

Прикажи повеќе...

Регион

Бугарските истражители: Познати причините за пожарот во автобусот во кој загинаа 45 луѓе

Објавено пред

Познати се причините за пожарот во автобусот што се запали на автопатот „Струма“ во Бугарија. Ова го соопштија обвинителот Бисер Михајлов и истражителот Мариан Маринов, кои работат на расветлување на трагедијата, за време на нивното гостување во емисијата „Лице в лице“ на бугарската телевизија БТВ.

Маринов не сакаше да ја открие причината за пожарот и рече дека тоа ќе им остави на експертите, кои веќе вчера повторно извршиле голема проверка на автобусот. Тој додаде дека големо парче од заштитната ограда навлегло во автобусот во пределот на предната гума до предната врата, а резервоарот, кој бил пластичен, е целосно уништен.

Истражителот додаде дека автобусот бил стар и бил на ремонт во Турција и дека целата опрема му е заменета и оти допрва треба да се разјасни дали новата опрема е фабричка или не е.

„Теориите на заговор, кои кружат во јавноста, се неточни“, рече Михаилов.

Во автобусот немало експлозив, категоричен е Михаилов, а се осврнува на примероците и брисовите направени од остатоците од автобусот.

Нема докази за канти со бензин, а теориите за шверц на материјали за дрога се смешни, што не заслужуваат коментар, рече обвинителот.

Прикажи повеќе...

Најново

Македонија4 часа

342 нови случаи на Ковид-19 и седум починати за 24 часа

Министерството за здравство информира дека во последните 24 часа направени се 2.349 тестирања, а регистрирани се 342 нови случаи на...

Македонија4 часа

Димитров: Токму европската интеграција е процес во кој гледам шанса за обединување

Заменик претседателот на Владата задолжен за европски прашања Никола Димитров како член на Националниот совет за европски интеграции при Собранието,...

Македонија5 часа

Јован Деспотовски поднесе кандидатура за претседател на СДСМ

Денеска во седиштето на СДСМ, кандидатура за внатрепартиските непосредни избори поднесе Јован Деспотовски, информираат од владејачкиот СДСМ. „До Централната изборна...

Македонија6 часа

(Видео) Со највисоки државни почести преземени телата на загинатите – семејствата во тага и неверување

Со највисоки државни почести беа преземени телата на 45 македонски државјани кои трагично го загубија својот живот во автобуската несреќа...

Македонија7 часа

(Видео) Пристигнаа останките од трагично загинатите во автобуската несреќа

На Меѓународниот аеродром во Скопје пристигнаа двата авиона со останките од трагично загинатите патници во автобуската несреќа во Бугарија. Полетувањето...

Забава9 часа

Алек Болдвин навестува крај на кариерата по фаталното пукање

Алек Болдвин откри дека неговата актерска кариера најверојатно е завршена по фаталниот инцидент во кој загина снимателката Халина Хачинс на...

Свет9 часа

По Шаленберг, оставка најави и министерот за финансии на Австрија

Австрискиот министер за финансии, Гернот Блимел, најави оставка. Неговата оставка следи откако лидерот на Народната партија на Австрија (ОВП), Себастијан...

Свет9 часа

Стапија на сила санкциите на САД, ЕУ, Британија и Канада кон Белорусија

САД, Европската Унија, Велика Британија и Канада воведоа нови санкции за белоруски физички и правни лица. САД воведоа ограничувања за...

Свет20 часа

Омикрон има способност да избегне имунитет од претходна инфекција со коронавирус, предупредуваат научници

Омикрон има значителна способност да избегне имунитет од претходна инфекција со ковид, покажува првата вистинска студија во светот за ефектот...

Европа23 часа

Британија со речиси 54 илјади нови случаи во еден ден, највисока бројка по Европското фудбалско првенство

Велика Британија забележа 53.945 нови случаи на коронавирус – највисока дневна бројка од средината на јули по Европското фудбалско првенство....

Регион23 часа

Бугарските истражители: Познати причините за пожарот во автобусот во кој загинаа 45 луѓе

Познати се причините за пожарот во автобусот што се запали на автопатот „Струма“ во Бугарија. Ова го соопштија обвинителот Бисер...

Свет24 часа

Maж облечен како нинџа со меч нападна две полицајки во Франција

Маж облечен како нинџа нападнал со меч и повредил две полицајки во францускиот град Шербур, а досегашните податоци не укажуваат...

Македонија1 ден

333 нови случаи на Ковид-19 и 16 починати за 24 часа

Министерството за здравство информира дека во последните 24 часа направени се 2.440 тестирања, а регистрирани се 333 нови случаи на...

Европа1 ден

Курц се повлекува од политиката: Не сум ниту светец, ниту злосторник

Поранешниот австриски канцелар Себастијан Курц се повлекува од политичкиот живот, објавија австриските медиуми. Курц денеска излезе пред новинарите и најави...

Економија1 ден

Цената на кесите да се зголемува постепено, примената на законот да се одложи, бараат стопанските комори

Заштитата на животната средина и одржливо располагање со ресурсите е важен општествен приоритет, но за оваа цел да биде реализирана...

Македонија1 ден

Јовески: Oбвинителите и судиите да работат непристрасно и професионално

Предизвикот на обвинителите и судиите во битката за обезбедување на владеењето на правото и еднаков пристап до правдата е секојдневен....

Европа1 ден

Зголемени тензиите на Западен Балкан, предупредува Столтенберг

Тензиите на Западен Балкан се зголемени , вклучително и во БиХ и Косово, изјави генералниот секретар на НАТО, Јенс Столтенберг....

Македонија1 ден

Сарафов: Идентификувани се сите 45 жртви од автобуската несреќа на автопатот Струма

Заменик-главниот обвинител и директор на Националната истражна служба Борислав Сарафов за БТА изјави дека веќе се идентификувани сите 45 жртви...

Свет1 ден

Гутереш: Затворањето на африканските граници поради омикрон е неправедно

Генералниот секретар на ООН, Антонио Гутереш, рече дека затворањето на границите поради новиот сој на коронавирус омикрон е многу неправедно,...

Македонија2 дена

(Видео) Во СДСМ и во Алтернативата неделава партиски консултации за преговорите помеѓу Заев и Гаши

Се очекува до крајот на оваа недела да се обезбеди усогласување за влез на Алтернативата во Владата. Партиските тела на...

Досие