Регион
Вучиќ: Мислевме дека сме 20-30 години зад Хрватска, работите се менуваат побргу
![](https://makfax.com.mk/wp-content/uploads/2023/11/vucic.jpg)
Претседателот на Србија, Александар Вучиќ, гостуваше на телевизијата „Танјуг“ по повод 80-годишнината од постоењето на агенцијата „Танјуг“. Тој при гостувањето го кажа своето мислење за активностите на новинарите и новинарството во Србија.
Вучиќ често е критикуван за неговиот дијалог со новинарите, со кои се судрира и се расправа, често избегнувајќи одговор на конкретно прашање.
„Понекогаш вие новинарите брзате да кажете ‘мора да се појавиш, горат мрежите’. Може да изгори што сака, морам првин да размислам многу внимателно, да погледнам од секој агол, а потоа да дадам изјава. Новинарската е посебна професија, јас честитам на тоа, јас тоа не би можел да бидам. Можам бргу да размислувам и да реагирам, но немам право на тоа.
Секогаш одговарам на новинарски прашања, а новинарските прашања станаа повеќе изјави отколку прашања. Моја должност е да покажам јавна почит, а ако им противречам во мојот одговор и ако мојот одговор е таков што не им се допаѓа – тоа е моја работа. Не постои глупаво прашање, само глупав одговор“, изјави Вучиќ, пренесува „Кликс“.
И претседателот на Србија тврди дека многупати бил лажно обвинет.
„Рекоа и дека сум убиец, дека сум го убил Цвијан, Оливер Ивановиќ, не знам кој сè не… Не можам ни да се сетам кого убив, а секојпат лажеа“, тврди Вучиќ.
На прашањето како ја гледа Србија за 40 години, Вучиќ посочи дека без визија нема напредок за земјата.
„Мислевме дека заостануваме зад Хрватска 20 или 30 години. Работите се менуваат многу побргу. Во однос на квалитетот на животот и приходите, ние во моментот заостануваме зад Хрватска, според нашите процени, во разни сфери, меѓу четири и шест години. Ќе имаме просечна плата во Србија од 1.400 евра за четири години“, вели Вучиќ и посочува дека мора да има принципи во политиката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.