Регион
Германската министерка: Западен Балкан треба да биде во ЕУ, мора да ги затвориме ранливите крила на Европа за Русија
![](https://makfax.com.mk/wp-content/uploads/2022/05/eu-evropska-unija-zastava-eu-brisel-4.jpg)
Германската министерка за надворешни работи, Аналена Баребок, предупреди дека Европската Унија не може да дозволи постоење сиви зони на европскиот континент, кои Русија ќе ги искористи за да го прошири своето влијание и да ги дестабилизира, а особено инсистира на важноста на Западен Балкан.
Баербок денес заминува во посета на БиХ и Црна Гора, а нејзината средба со членовите на Претседателството на БиХ е најавена за вечерва во Сараево.
Западен Балкан е нераскинлив дел од Европа, затоа на земјите од тој регион треба да им се даде целосна поддршка во демократскиот развој и одржувањето на стабилноста, изјави германската министерка за надворешни работи, Аналена Баербок, пред посетата.
„Не можеме да си дозволиме да имаме сиви зони насекаде во Европа и мора да сториме сè заедно за да ги затвориме сите крила што Русија може да ги користи за својата политика на дестабилизација, дезинформација и инфилтрација“, истакнува Баербок. Според неа, тоа вклучува поддршка на земјите од Западен Балкан во зајакнувањето на нивните демократски институции, подобрување на нивната отпорност и обезбедување на луѓето со економска перспектива.
„Како ЕУ имаме заедничка домашна задача да бидеме на истиот пат кон иднината бидејќи ставаме повеќе столчиња на европската маса“, вели шефот на германската дипломатија алудирајќи на политиката за проширување на Унијата, која исто така треба да прифати земјите од Западен Балкан како членки.
БиХ во моментот е во фаза кога чека да види дали Европскиот совет ќе ги одобри отворањето на пристапните преговори и евентуално датумот на нивниот почеток на седницата најавена за 20 и 21 март, но дотогаш мора да направи измени на Изборниот закон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.