Регион
Ги кршеле стаклата на автобусот за да излезат-најмалку десетина повредени во тешка сообраќајка во Бугарија
![](https://makfax.com.mk/wp-content/uploads/2024/01/Screenshot-2024-01-02-193913.jpg)
Десетина грчки туристи се повредени денеска во тешка сообраќајна несреќа меѓу автобус и камион на патот Русе-Бјала. Патниците ги скршиле стаклата на автобусот.
Никој не е сериозно повреден, пренесуваат бугарските медиуми.
Во автобусот патувале 50 туристи од Грција кои ја дочекале Новата година во Букурешт. На кривина меѓу Волово и Борово, 36-годишниот романски возач удрил во страна на камион со турска регистрација што се движел во спротивна насока. Тој изгубил контрола и автобусот излетал од патот. Меѓу повредените е и возачот. Се се случило за неколку секунди, а првата реакција на патниците била да ги скршат стаклата за да излезат од автобусот.
„Имаше полесни повредени. Навистина имаме среќа што сме живи. Сега чекаме да дознаеме што ќе се случи со нас. Навистина не знаеме која е причината и кој е виновен за несреќата. Не сакаме да шпекулираме“, изјавил за бугарски „БНТ“ Панас Панајотис.
Повеќето патници биле прегледани на местото на настанот. 10 лица се пренесени во универзитетската болница со расекотини. Една од повредените жени била примена на неврохирургија со мозочна траума, според написите, нема опасност по нејзиниот живот.
„Беше лизгаво и влажно, инаку колегата возеше со вообичаеното темпо и го почитуваше ограничувањето. Пред мене имаше две-три возила инаку автобусот ќе ме повлечеше и мене“, изјави очевидец.
Како што пренесува медиумот, двајцата возачи биле негативни на алкотестот а туристите на блиската бензинска пумпа чекале друг автобус од Софија за да го продолжат патувањето кон Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.