Регион
Дачиќ објасни дали ќе го напушти Вучиќ по изборите, а сето тоа го опиша како натпревар од Лигата на шампионите
![](https://makfax.com.mk/wp-content/uploads/2022/11/1667294795-Tan2022-10-29_163242144_0-900x609.jpg)
Претседателот на Социјалистичката партија на Србија (СПС), Ивица Дачиќ, изјави дека претставувањето на опозицијата како проевропска, според него, е тотална лага. Тој ја коментира и за можноста за смена на страната по изборите и формирање влада со актуелната опозиција.
Дачиќ рече дека СПС е лојален партнер и дека не само што не се опасност во однос на промената на страните туку ќе бидат и последниот бастион за одбрана на оваа влада.
„Зошто да ја напуштам Лигата на шампионите и да се натпреварувам во подлига? Прашањето овде не е дали некој сега сменил страна. Не е точно дека СПС ја менува страната. Оној што не се приспособува на времето во кое живее, што се случува со него? Изумира како диносаурус“, рече Дачиќ зборувајќи за поддршката што СПС ѝ ја даваше на владата на Воислав Коштуница од 2000 година.
Тој рече дека СПС не ја променила страната со поддршката на владата на Воислав Коштуница, тогашен претседател на Демократската партија на Србија (ДСС), во 2004 година.
„Не грижете се за СПС, ние сме лојални партнери и нема причина никому да му се правдам. Немаме кој да изневериме, на избори одиме самостојно. Двапати го поддржавме (Александер) Вучиќ, сметаме дека најдобро за Србија е Вучиќ да биде претседател, а Дачиќ премиер. Ова се избори за премиер и за влада“, рече Дачиќ.
Тој посочи дека интерес на СЈО е стабилноста на државата и по изборите на 17 декември.
Дачиќ, кој е и министер за надворешни работи, за телевизијата „Хепи“ изјави дека „користењето флоскули дека нема демократија, дека нема медиумски слободи или човекови права“ е клише што го користеше и Демократската опозиција на Србија (ДОС), која ја собори владата на СПС и во 2000 година, која тогаш беше предводена од Слободан Милошевиќ.
„Кога ќе видите како се однесувале и како се однесуваат, гледате дека тоа е клише. Тоа е обновен судир со ДОС и со нетрпение го очекувам“, изјави Дачиќ.
Тој изјави дека „народот можел да види“ по 2000 година како се однесувале членовите на тогашниот ДОС.
Дачиќ оцени дека не е точно оти членовите на тогашната демократска опозиција биле за евроинтеграции бидејќи за време на нивното владеење биле блокирани преговорите за членство во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.