Регион
Дачиќ: Србија не сака војна, но ако сака, ниту милион ракети не би му помогнале на Косово
![](https://makfax.com.mk/wp-content/uploads/2022/11/1667294795-Tan2022-10-29_163242144_0-900x609.jpg)
Српскиот министер за надворешни работи Ивица Дачиќ изјави дека е важно Српската православна црква (СПЦ) да работи на односите со Ватикан бидејќи во интерес на Србија е папата да биде на српската страна. Тој потсети дека Косово веќе некое време негува неформални врски со Ватикан.
„Мислам дека е време СПЦ, пред сè, да работи на тоа“, рече Дачиќ и потсети дека поранешниот претседател на Србија, Томислав Николиќ, го поканил папата во Србија, но поканата била откажана на барање на некои владици.
„Дали ни е важно дали Ватикан ќе го признае Косово или не… Дали ќе направиме нешто или ќе продолжиме да бидеме во рововите, кои не се практични за нас. Во наш интерес е папата да биде на наша страна“, истакна тој.
Тој тврди дека не е сеедно дали Ватикан ќе го признае Косово или не бидејќи се знае колку од светот е под влијание на Ватикан.
„Патријархот, епископите, Синодот – мора итно да реагираат во однос на Светата столица, како и Српската академија на науките и уметностите, со своите колеги во светот, како и со спортските федерации и сите други“, истакна тој.
Тој се осврна и на американската продажба на противтенковски ракети „Џавелин“ на Косово. Тој смета дека тоа не ѝ испраќа порака на Србија, туку дека е дел од долгорочната цел за помагање на независноста на Косово, која почна да се спроведува во 90-тите години.
Тој нагласи дека „Ослободителната војска на Косово добила оружје од многу земји: Германија, САД, исламските земји…“
„Ние имаме подлабок проблем, овде зборуваме за стратешките интереси на таканареченото Косово да биде независно, на што се спротивставуваме. Мора да бидеме остри, цврсти, мудри и реални во меѓународни околности“, рече Дачиќ и додаде дека Србија треба да продолжи да се вооружува.
Дачиќ смета дека е крајно време Србија да одлучи дали Косово е нејзино национално прашање или не. Тој заклучи дека Србија нема намера да води војна, но ако сака – „ни еден милион ракети ‘Џавелин’ не би му помогнале на Косово“, пренесува „Н1 Србија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.