Првиот истополов брак во Црна Гора беше склучен денеска, а во заедница стапија две девојки.

Според локален службеник во Будва, на партнерите им се дадени права и обврски во согласност со црногорскиот закон, а зборовите на поетот Душан Радовиќ за љубовта и заедничкиот живот го објаснија и она што не е опфатено со законот.

Минатата година црногорскиот парламент усвои закон за истополово партнерство, кој стапи на сила на 15 јули оваа година. Досега околу дваесеттина ЛГБТ парови поднеле барање за брак.

Според законот, на ЛГБТ лицата им се дадени истите права како и хетеросексуалните парови, освен за посвојување и старателство над деца.

Хрватската полиција го уапси возачот на косовскиот автобус кој денеска излета од автопатот кај Славонски Брод, Хрватска.

Најмалку 10 лица загинаа, меѓу кои и колегата на возачот со кој се менувале по патот.

Според последните информации повредени се 45 патници, а 23 од нив се со тешки повреди.

Заменик-општинскиот државен обвинител Славко Прањиќ направи увид на местото на несреќата и рече дека возачот е уапсен.

„Според досега утврдените факти, станува збор за автобус кој излетал на јужната страна од патеката. Автобусот беше на релација Франкфурт-Приштина, сообраќајниот превозник ‘Дева Турс’ со седиште во Приштина“, изјави Прањиќ пред новинарите.

Како што истакна, возачот пред полицијата рекол дека задремал за момент.

„Возачот на автобусот беше пронајден на местото на настанот, во меѓувреме е уапсен. Спроведена е истрага и се спроведуваат други доказни активности за покренување кривична постапка“, изјави тој.

Денот на предавањето на мандатот за формирање на нова бугарска влада ќе биде познат кога партиите ќе гарантираат дека постигнале резултат во преговорите. Ова го објави претседателот Румен Радев за време на посетата на Велико Трново.

Инаку, националниот совет на Бугарската социјалистичка партија, денска оддржува состанок на кој ќе се разгледаат досегашните преговори со претставниците на победничката партија „Има таков народ“ и ќе се одлучи дали ќе продолжат разговорите за формирање на Влада.

Лидерката на БСП, Корнелија Нинова, по вчерашната средба со претставници од партијата на Слави Трифонов изјави дека двете партии имаат повеќе заеднички интереси, отколку разлики во ставовите.