Регион
Ердоган вети поддршка за членство на Косово во НАТО
Турскиот претседател Реџеп Таип Ердоган денеска изјави дека Турција ќе му помогне на Косово да стане членка на НАТО.
Тоа го изјави по средбата во Анкара со претседателката на приштинските институции, Вјоса Османи.
Ердоган потсети дека Турција е втората земја што ја признала самопрогласената независност на Косово и додаде дека, бидејќи во тоа време не и била потребна ничија дозвола, истото ќе го стори и кога Приштина ќе поднесе барање за влез во НАТО, пренесува „Репортерс“.
Тој додаде дека со Османи разговарал и за помошта на Турција да добие признание од земјите кои не го направиле тоа.
„ Како важна земја во НАТО, не гледаме ништо лошо во членството на Косово во алијансата и го поддржуваме овој процес. Ќе преземеме чекори и, како што помогнавме во процесот на признавање, истото ќе го направиме и во процесот за пристап на Косово во НАТО“, рече Ердоган.
Тој исто така рече дека „искрена желба на Турција е процесот на дијалог помеѓу Белград и Приштина да заврши што е можно поскоро со сеопфатен договор кој ќе обезбеди стабилност во регионот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.