Вишиот суд во Белград денеска го осуди актерот Сергеј Трифуновиќ на условна казна затвор од шест месеци со две години пробен период за поседување 11,8 грама марихуана за лична употреба.

Со истата пресуда, В.А., за кој се тврди дека му ја продал дрогата, е осуден на затворска казна од три години и четири месеци бидејќи при апсењето кај него биле пронајдени уште 100 грама дрога.

Сергеј Трифуновиќ, инаку, не се појави во Вишиот суд во Белград на пресудата.

Сергеј Трифуновиќ се товари за кривично дело неовластено држење наркотици, за што судот го осудува на 6 месеци затвор, со услов казната да не се изврши доколку во рок од две години не стори ново кривично дело“, изјави денеска судијата при изрекувањето на првостепената пресуда.

Трифуновиќ беше уапсен поради дрога на 18 април минатата година. Во обвинението што по спроведена истрага го поднесе Вишото јавно обвинителство во Белград, се наведува дека тие се приведени по предавањето на марихуаната. По распитот во обвинителството, Трифуновиќ беше пуштен да се брани од слобода.

Рускиот претседател Владимир Путин оствари телефонски разговор со српскиот претседател Александар Вучиќ, а по разговорот Кремљ излезе со соопштение во кое, меѓу другото, ја истакна поддршката за властите во Белград и противењето на какво било странско влијание врз внатрешните работи на Србија.

Според Кремљ, Путин му рекол на Вучиќ дека „надворешното мешање во внатрешната политичка ситуација во Србија е неприфатливо“ и изразил поддршка за постапките на легално избраната влада во Србија. Покрај тоа, Москва особено ја нагласи „солидарноста со претседателот на Република Српска, Милорад Додик“, се вели во официјалното соопштение на Кремљ објавено по разговорот.

Во текот на разговорот, Путин и Вучиќ, како што се наведува во соопштението, ја потврдиле меѓусебната подготвеност за дополнително зајакнување на стратешкото партнерство меѓу Русија и Србија, кое се заснова на духовните, културните и историските врски на народите на двете земји.

Кремљ наведува и дека посебно внимание било посветено на конкретни прашања за понатамошна соработка во различни сектори, пред се во областа на енергетиката.

Вучиќ, наведува Кремљ понатаму, потврдил дека во мај ќе отпатува за Москва за да ја одбележи 80-годишнината од победата во Втората светска војна и дека Србија ќе испрати припадници на своите вооружени сили на воената парада на 9 мај.

Во соопштението се додава дека Путин го искористил разговорот за да му честита роденден на Вучиќ.

„Владимир Путин ја искористи можноста да упати топли честитки до претседателот на Србија за неговиот неодамна прославен 55-ти роденден“, соопшти Кремљ.

Беше најавено и дека контактите на различни нивоа ќе продолжат, се заклучува во официјалното соопштение.

Српскиот претседател, Александар Вучиќ објави дека разговарал со рускиот претседател, Владимир Путин.

„Многу добар разговор со претседателот на Руската Федерација, Владимир Путин за сите важни прашања од нашата билатерална соработка и потврда за претстојната средба на 9 мај во Москва“, рече Вучиќ.

„Разговаравме за политичката соработка, и неопходноста да продолжи закрепнувањето на трговската размена и економската соработка“, рече Вучиќ, додавајќи дека станало збор за договорот за снабдување со гас и ситуацијата во БиХ.

„Една од клучните теми беше ситуацијата во регионот. Му ја пренесов пораката од претседателот на Република Српска, Милорад Додик. Путин добро ја разбира ситуацијата во регионот, ги гледа обидите и потезите на високиот претставник во БиХ, дека целта е да се собори Додик. Руската Федерација отсекогаш ги поддржувала Дејтонскиот договор и Република Српска. Морам да кажам и дека луѓето во Србија се загрижени за обидот за шарена револуција и јас разговарав со него за тоа. Му се заблагодарив што руските власти не го поддржуваат тој обид. Путин имаше јасен, прецизен став дека Русија разбира и гледа што се случува и дека ќе продолжи да ја поддржува легитимно избраната влада во Србија“, рече Вучиќ.

Вучиќ ќе ја посети Русија на 9 мај, на 80-годишнината од прославата на победата над фашизмот.