Регион
„Ковакс“ го објави планот: од земјите во регионот најмногу вакцини ќе добие Србија

Механизмот „Ковакс“ го објави планот за дистрибуција на вакцини против Ковид-19 што се однесува на земјите во развој, според кој, до средината на годината 145 земји што припаѓаат на оваа група ќе добијат дози за 3,3 проценти од населението, јавува „Анадолија“.
Земјите ќе добијат дози во однос на големината на населението.
Најмногу ќе одат во Индија (97,2 милиони), потоа Пакистан (17,2 милиони), Нигерија (16 милиони), Индонезија (13,7 милиони), Бангладеш (12,8 милиони), Бразил (10,6 милиони), Кенија (4,2 милиони), Судан (3,4 милиони), Јемен (2,3 милиона) и Сирија (1,02 милион).
Меѓу земјите во регионот Србија ќе добие најмногу (345.600), потоа Босна и Херцеговина (180.000), Албанија (141.600), Северна Македонија (103.200), Косово (100.800) и Црна Гора (84.000).
Проценето е дека испораката на првите вакцини ќе почне на крајот на февруари.
„Првата индикативна дистрибуција вклучува 240 милиони дози вакцина на ’Астра зенека-Оксфорд’, произведена од Институтот за серум во Индија“, рече Сет Беркли, извршен директор на „Гави“, здружение за вакцини, кое сака да го зголеми пристапот до имунизација во земјите во развој.
„Вклучува и 96 милиони дози од истата вакцина предвидени со напредниот договор за набавка потпишан директно помеѓу ’Гави’ и ’Астра зенека’, како и 1,2 милион инјекции на вакцината против Ковид-19 на ’Фајзер-Бионтек’“, додаде Беркли.
Ен Линдстранд, координатор на Светската здравствена организација за програми за имунизација, рече дека тоа е фантастична вест.
„Можеме да почнеме со вакцинирање. Доаѓа во текот на следните недели“, рече Линдстранд.
Шефот на СЗО, Тедрос Гебрејсус, претходно предупреди дека иако развојот на вакцините е голем успех, светот не смее да дозволи воведувањето нови вакцини да ги продлабочи постојните нееднаквости ниту, пак, да донесе нови.
„Ковакс“ е формиран со цел да обезбеди фер дистрибуција на вакцините до земјите и луѓето во неволја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Запален штаб, солзавец, шок бомби – масовни протести во Србија

Синоќа имаше смасовни протести во повеќе градови низ Србија, меѓу кои Белград, Ваљево, Милановац, Книќ и Нови Сад.
Пред седиштето на Српската напредна партија (СНС) во Ваљево демонстранти со качулки и покриени лица фрлаа пиротехнички средства, по што избувна пожар во дел од просториите. Огнот беше изгаснат со интервенција на противпожарните екипи и демонстранти. Искршен е влезот на Општина Ваљево, а полицијата употреби солзавец.
Во Милановац неколку стотици граѓани фрлаа тоалетна хартија кон просториите на СНС, додека во Нови Сад беа искршени прозорци со шишиња и други предмети. Во Нов Белград полицијата употреби солзавец и шок бомби, а демонстрантите се обидоа да стигнат до седиштето на СНС.
Протестите следат по повеќемесечните студентски блокади, а сега целта е промена на власта. Претседателот на Србија, Александар Вучиќ, изјави дека нема да има предвремени избори и ги нарече протестите управувани однадвор.
Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.