Регион
Кремљ: Молбата на Србија за помош нема да остане без одговор

Портпаролот на Кремљ, Дмитриј Песков, рече дека молбата за помош од Русија, која пристигнала од Белград, нема да остане без одговор.
„Не сум целосно запознаен дали од Србија дошло барање за помош. Во секој случај, нема сомнение дека таа молба нема да остане без одговор, особено затоа што е важна, сојузничка и братска земја“, истакна Песков.
Српската влада на седницата донесе одлука да побара помош од Русија поради состојбата со коронавирусот.
Србија побара конкретна помош според Договорот за соработка на Србија и Русија во вонредни услови.
Официјалниот предлог го достави Министерството за внатрешни работи.
За ова зборуваше и министерот за надворешни работи на Русија, Сергеј Лавров, кој во разговор со српскиот министер за надворешни работи, Ивица Дачиќ, истакна дека, како и секогаш, Русија ќе ѝ помогне на Србија во набавување дополнителна медицинска опрема неопходна во случај на нагло зголемување на бројот на пациенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Огромниот пожар во Осиек го гасне и робот

Пожарот што избувна синоќа на депонијата за пластика на компанијата „Драва интернешнл“ се прошири и на зградата, соопшти Здружението на Хрватската противпожарна бригада. Од таму додаваат дека пожарот се гаси во просториите на компанијата за преработка и складирање пластика „Драва интернешнл“, која се наоѓа на излезот од Осиек.
Јавната противпожарна служба на градот Осиек 41 минута по полноќ добила дојава за пожар на депонијата за складирање пластика. На отворен простор во близина на зградите се запалила поголема количина пластика, а пожарот се проширил на покривот и внатре во една од зградите на комбинатот, пренесуваат хрватските медиуми.
Во 4.52 часот пожарот ја зафатил зградата и почнал да се шири во неа.
Во интервенцијата биле ангажирани вкупно 74 пожарникари и 33 противпожарни возила од Осиек – барањската противпожарна единица.
Од 4.16 часот пожарот се гасне и со робот.
Согорувањето на пластиката произвело големо количество чад и отровни гасови, кои се шират поради силниот ветер и топлинското зрачење.
Регион
Милан Радоичиќ пуштен од притвор

Милан Радоичиќ, осомничениот за вооружениот конфликт во Бањска, е пуштен од притвор.
Судијата за претходна постапка на Вишиот суд во Белград, откога го сослуша обвинетиот М. Р. за причините за определување притвор, го одби предлогот на Вишото јавно обвинителство во Белград да определи притвор од правни причини пропишани со член 211 став 1 точка 1 од Законот за кривичната постапка, односно поради опасност од бегство, соопштија од Вишиот суд во Белград.
Воедно, како што се наведува, на обвинетиот М. Р. одредена му е мерка забрана за напуштање на местото на живеење со која му е забрането да ја напушти територијата на Р. Србија без одобрение на судот и му е забрането да оди на територијата на Косово и му е наредено да се јави во надлежна полициска станица на 1 и 15 секој месец.
„Исто така, од обвинетиот М. Р. привремено му е одземена патната исправа, поточно пасошот на Република Србија, а пријавениот бил предупреден дека може да биде приведен доколку ги прекрши забраните и обврските. Обвинетиот М. Р. се товари за сторено кривично дело неовластено изработување, држење, носење и тргување со оружје и распрскувачки материи. Против наведеното решение, дозволена е жалба до кривичниот совет на Вишиот суд во Белград во рок од три дена од приемот на решението“, се заклучува во соопштението доставено до медиумите.
Регион
Брнабиќ: Белград отсекогаш бил обвинуван дека е Путин, а тие се Зеленски

Премиерката на Србија, Ана Брнабиќ, изјави дека нема разлика меѓу она што го кажува опозицијата во Србија и она што го кажува Приштина.
„Би рекла дека приштинските медиуми би биле горди доколку нивните медиуми известуваат како што известуваат тајкунските медиуми во Србија“, рече таа.
Таа додаде дека ако се погледне интервјуто на српскиот претседател Александар Вучиќ за Си-ен-ен, ќе се види дека фактичката состојба е целосно ирелевантна. „А тоа е притисокот против кој се бори Вучиќ“, рече таа.
„Имате голем лош волк, а тие се кутри, без разлика на сите потпишани договори до кои Приштина не се придржува. Така било и така ќе биде“, рече таа.
Српската премиерка потсети дека Белград секогаш бил обвинуван во смисла дека Белград е Путин, а тие Зеленски.
„Навистина, претседателот на Србија се бори со натчовечки напори и тоа го покажа во интервјуто за Си-ен-ен“, рече таа истакнувајќи дека секој друг ќе ги изгубеше нервите, а претседателот на Србија успеал да остане смирен.