Регион
Лавров: Ситуацијата во ОБСЕ, како и со Косово – првин се постигнува договор, па почнува саботажа
Министерот за надворешни работи на Русија, Сергеј Лавров, рече дека она што се случува во врска со ситуацијата во Белград и Приштина се вклопува во трендот што го забележуваме кога станува збор за ситуацијата во ОБСЕ – првин се постигнува некаков договор, тогаш се слави резултатот, а потоа набљудуваме како почнува процесот на саботажа.
Како што рече, има многу договори кои се постигнати под покровителство на ОБСЕ, а потоа Западот методично ги урива.
„Кога станува збор за случајот со Србија и Косово, се сеќавам дека едно време ЕУ, како главен посредник, и на покана на Генералното собрание на ОН, бидејќи таа меѓународна институција побара Брисел да биде посредник во воспоставување мостови меѓу Белград и Приштина, таа во 2013 година, односно пред 10 години, свечено објави дека е постигнат договор за формирање заедница на српски општини. Ништо не се случи, а луѓето што беа назначени во Приштина да управуваат со таа српска област категорично одбиваат да го спроведат тој договор. А што прави ЕУ – дали мислите дека бара од нив да се однесуваат пристојно? Не, тие бараат од Србија да го смени ставот, згора на тоа, изготвен е нов документ за создавање ЗСО, кој драстично се разликува од она што го договорија Белград и Приштина пред 10 години. Тоа е многу слично на многу договори постигнати под покровителство на ОБСЕ“, рече Лавров на прес-конференција во Скопје, каде што учествува на министерскиот самит на ОБСЕ.
Зборувајќи за членството на Србија во ЕУ, Лавров рече дека Брисел постојано го условува Белград дека нема да се отвораат нови поглавја додека Србија не ги приближи своите надворешнополитички позиции до оние на Брисел, вклучително и прашањето за воведување санкции кон Русија.
„Таква е убедливата моќ на ЕУ. Велат и дека нема да ве примаат во ЕУ додека не го признаете Косово. Или можеби не мора да го признаете Косово, но потоа барем да дозволите Приштина да се приклучи на меѓународните организации. Дали сте сериозни?“, запраша Лавров.
Тој рече и дека е многу загрижен за ситуацијата со српскиот народ.
„Додека работев како постојан претставник на Русија во ОН во Њујорк, патував во Босна и Херцеговина, Хрватска, Белград, видов сè што му направија на Белград. И сега истите тие луѓе велат дека војната во Украина е првата што е почната на територијата на Европа, а во 1999 година немало таква војна во Европа. Се сеќавам како тогаш се изразуваа американските и англиските медиуми – на многу насловни страници пишуваше дека покајанието на Србите ќе го исчисти српскиот народ. Сега таквата линија продолжува не само кон Србија туку и кон Република Српска, односно кон сите оние што размислуваат за сопствените интереси и кои сакаат да си го зачуваат достоинството“, рече шефот на руската дипломатија.
Западот едни охрабрува, на други им се заканува, ја пренесува „Спутник“ изјавата на Лавров.
Лавров изјави дека народите на балканските земји нема да дозволат Западот да ги сврти народите еден против друг.
„Во интерес на Западот беше да ја уништи Југославија, никому на Балканот не му требаше таква обединета сила, Западот отсекогаш сакаше да сврти една нација против друга на Балканот и тоа продолжува успешно да го прави и денес. Сепак, сигурен сум дека во текот на нивната долга, тешка, но славна историја, народите на балканските земји сепак развиле некој генетски код во себе и дека на крајот нема да дозволат да бидат навредувани, нема да дозволат нашите колеги од Западот постојано да свртуваат една земја против друга, еден народ против друг“, рече Лавров на прес-конференција во Скопје.
Тој истакна дека западните земји „охрабруваат некои етнички групи на Балканот и заземаат агресивен, диктаторски став кон другите барајќи да се приклучат на санкциите против Русија пред да биде предоцна“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Речиси 9.000 Турци ја напуштиле Црна Гора по инцидентот со избодениот Црногорец и воведените визи
Од крајот на октомври, кога владата на Црна Гора привремено воведе визи за државјаните на Турција, земјата ја напуштиле 8.935 Турци, соопшти Министерството за внатрешни работи за „Вјести“. Во истиот период биле поднесени 320 барања за виза, од кои 194 одобрени, 29 одбиени, а 97 се во постапка, според Министерството за надворешни работи.
Одлуката за повторно воведување визи следува по инцидентот во подгоричко Забјело кога беше ранет 25-годишен маж. Иако полицијата првично посочи турски државјанин како осомничен, подоцна се покажа дека напаѓачи биле двајца Азербејџанци.
Воведувањето визи предизвика критики и страв од економски последици бидејќи Турците се меѓу најголемите инвеститори во Црна Гора, а турскиот капитал е присутен во речиси 20 отсто од регистрираните фирми во земјата
Министерот за надворешни работи Ервин Ибрахимовиќ изјави дека визите би можеле да бидат укинати за 10 до 15 дена, но конкретен датум не е наведен.
Експертите предупредуваат дека Црна Гора, за да го усогласи визниот режим со Европската Унија, мора да изработи јасен план и да обезбеди дека либерализацијата нема да доведе до злоупотреби или проблеми со миграциите бидејќи ЕУ бара строги гаранции за заштита на своите надворешни граници.
По воведувањето визи, следуваше серија ксенофобични инциденти во земјата: напади врз турски локали, пожар во објекти, обиди за насилство и организирање народни патроли, кои бараа Турци по населбите. Полицијата уапси повеќе лица за насилство, потпалувања и ширење омраза.
Регион
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна затворска казна за убиство што го извршил пред 28 години во земјата по што побегнал во Грција, јавуваат грчките медиуми.
Тој беше притворен и уапсен во Катерини во мај по европска потерница. Судските власти од Македонија бараа негова екстрадиција за да издржи 15-годишна затворска казна за убиство од ноември 1997 година врз 37-годишниот Сеат Ибраими.
Злосторството било извршено среде бел ден во центарот на Скопје. На убиството му претходела кратка автомобилска брканица на скопските улици по што Ибраими, возејќи „мерцедес“, излетал од патот во близина на зградата на осигурителната компанија „Кјуби“ на улицата 11 Октомври. Боцевски застанал зад него, излегол од возилото и го застрелал Ибраими со повеќе истрели.
„Тој самиот, преку своите адвокати, изјави дека во тоа време служел во личната гарда на тогашниот претседател на земјата, Киро Глигоров, и тврдеше дека бил цел на напад од политички причини“, пишува „Ин.гр“.
Според неговите тврдења, тој бил затворен 90 дена, а потоа ослободен, по што побегнал со пасош и се населил трајно во Грција.
„Водам бизнис со соби за издавање во Пиерија“, рекол тој, меѓу другото, кога бил повикан да се појави пред Одборот за жалби за време на расправата.
Оценувајќи дека казната застарила поради истекот на 20 години, според грчкото кривично право, судиите на Советот го отфрлиле барањето за негова екстрадиција во Македонија.
Регион
(Видео) Детали за страшната несреќа во Србија: 4 лица загинаа на местото на настанот, во возилото имало 8 луѓе
Во сообраќајна несреќа што се случи утрово на патот Ириг-Рума, според неофицијални информации, загинаа 4 лица, а како што дознава „Блиц“, четири лица се тешко повредени.
Несреќата се случила околу 6:30 часот наутро, а сите служби за итни случаи и екипи за итни случаи се на местото на настанот.
Според првичните информации, сообраќајната несреќа се случила кога комбе удрило во работна машина, поточно валјак.
Двајца пациенти биле примени во Универзитетскиот клинички центар на Војводина (УКЦВ). Биле донесени со возила на Итната медицинска помош со тешки повреди.
По приемот во Клиниката за реанимација на УКЦВ, двајцата пациенти првично биле лекувани во Ургентниот центар на UKCV, каде што била извршена комплетна дијагностика, укажана е потребна медицинска помош и е извршен примарен третман на рани. Пациентите моментално се во стабилна состојба и се лекуваат на Клиниката за анестезија, интензивна нега и терапија на болка на УКЦВ – соопшти УКЦ Војводина.
Според неофицијални информации, едно повредено лице е префрлено во болницата во Сремска Митровица, додека друго е однесено во Здравствениот дом во Ириг.
фото: принтскрин – Инстаграм
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
По вчерашното труење со храна во „Димо Хаџи-Димов“, вонредна инспекција во кујните на девет основни училишта во Карпош
Инспекциски тимови од Агенцијата за храна и ветеринарство (АХВ) денес спроведуваат вонредни инспекциски контроли во кујните на 9 основни училишта...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
