Регион
Нови мерки во Црна Гора – се укинуваат сертификатите во трговските центри
![](https://makfax.com.mk/wp-content/uploads/2022/02/D0rk9kpTURBXy9iMGM4NDU5N2U2ZjYyYWMyM2U5M2U3MjkxMmY5M2VmOS5qcGeRkwLNAuQAgaEwAQ.jpg)
Владата на Црна Гора донесе нови антиепидемиски мерки, кои ќе важат од 4 до 18 февруари. Со новите мерки се укинува сертификатот во трговските центри.
Дозволено е и присуство на публика во спортските центри, до четвртина од вкупниот број седишта со поседување сертификат, носење маска и растојание од две седишта меѓу гледачите.
Бројот на новозаболени во изминатите две недели е речиси 50 отсто помал во однос на претходните две недели.
„Дневното ниво на заболување е сѐ уште високо, така што нема опуштање“, рече директорот на Институтот за јавно здравје, Игор Галиќ, на денешната прес-конференција.
Бидејќи сојот омикрон е доминантен, бројот на пријавени смртни случаи е 0,3 отсто во однос на вкупниот број новозаболени, што е од четири до шестпати помалку отколку кога беше доминантниот вид делта, посочи Галиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Поскапуваат патарините во Србија, познати се новите цени
![](https://makfax.com.mk/wp-content/uploads/2024/07/Screenshot-2024-07-06-120747.jpg)
Владата на Србија даде зелено светло за новиот ценовник на Јавното претпријатие „Патишта на Србија“.
Новите цени на патарините ќе важат од 10 јули, стои во новата Одлука за висината на посебната такса за користење на јавниот пат, неговиот дел и патниот објект, што ја донесе Јавното претпријатие „Патишта на Србија“.
Ова се новите цени на поединечните делници на српските автопати:
Белград – Шид: 500 динари (265 денари)
Обреновац – Прелина: 560 динари (295 денари)
Белград – Суботица: 800 динари (420 денари)
Белград – Врбас: 470 динари (250 денари)
Белград – Ниш југ: 1.130 динари (595 денари)
Белград – Димитровград: 1.670 динари (880 денари)
Белград – Баточина: 500 динари (265 денари)
Регион
Истражување: 30 отсто од Бугарите сакаат нивната земја да го напушти НАТО
![](https://makfax.com.mk/wp-content/uploads/2023/08/sofija-bugarija.jpg)
Неодамнешното истражување на јавното мислење во Бугарија покажа дека 30 отсто од испитаниците гласале за напуштање на НАТО алијансата. Истражувањето, кое беше спроведено пред претстојниот самит на НАТО во Вашингтон, покажа дека 59 отсто од Бугарите сакаат нивната земја да остане во НАТО, што е најмал процент на поддршка меѓу земјите-членки на Алијансата, пренесува Новините.
Дополнително, 11 отсто од испитаниците биле неопределени по ова прашање. Податоците од ова истражување ги искористи и генералниот секретар на НАТО, Јенс Столтенберг во својот годишен извештај, во кој се наведува дека 70 отсто од граѓаните низ земјите на НАТО ќе гласаат за останување во Алијансата, додека само 14 отсто би го напуштиле НАТО.
Истражувањето покажа и дека 61 отсто од Бугарите веруваат дека членството во НАТО ја подобрува безбедноста на нивната земја, додека 29 отсто од Бугарите се загрижени дека членството во НАТО можеби нема да ја обезбеди безбедноста на земјата, процент што го надминуваат само Италијанците, пренесува Танјуг.
Регион
Фицо за првпат се појави во јавноста откако беше ранет
![](https://makfax.com.mk/wp-content/uploads/2024/07/Screenshot-2024-07-06-085942.jpg)
Словачкиот премиер Роберт Фицо се појави во јавноста за првпат откако беше ранет во мај годинава.
Фицо, кој се опоравува откако беше застрелан четири пати во средината на мај, зборуваше синоќа на церемонијата по повод Денот на Свети Кирил и Методиј, национален празник во Словачка, пренесува Ројтерс.
Атентатот на Фицo беше извршен на 15 мај, а напаѓачот Јурај Цинтула (71) подоцна на сослушување рече дека мотивот е несогласување со политиката на премиерот и дека не сакал да го убие, туку само да „му наштети на здравјето“, пренесува Танјуг.