Регион
Словенија го подигна нивото на опасност од тероризам
![](https://makfax.com.mk/wp-content/uploads/2021/04/Slovenija.jpg)
Словенија ја подигна проценката на заканите од тероризам на средно ниво, што е трето од петте нивоа на опасност, пишува словенечки 24ур.ком
Собраниската комисија за надзор на разузнавачките и безбедносните служби попладнето веќе се запозна со проценката за безбедносната закана „во случај на можни антиизраелски протести во Република Словенија“ и со активностите на надзорните служби во врска со ова, соопшти Народното собрание.
На скала од пет точки, проценката на заканата е подигната од второто ниво или ниска опасност (зелено) на трето ниво или средна опасност (жолто) по неодамнешните настани на Блискиот Исток. Показателите за закани кои би се материјализирале на краток рок се ограничени. „Напад е многу веројатен или очекуван“, го опиша средното ниво Меѓуресорската работна група за борба против тероризмот, која вообичаено користи модел на пет нивоа.
На најниско (сино) ниво, веројатноста за напад е занемарлива и нема показатели за закана, ниту пак се чини дека заканата ќе се материјализира на краток рок. На ниско (зелено) ниво, можноста за напад не може да се отфрли. Показателите за заканите се многу ограничени, но малку е веројатно дека заканите ќе се остварат на краток рок. Следува средното, моментално ниво на закана.
Второто највисоко е високото (портокалово) ниво, кога има јасни индикации дека заканите веројатно ќе се материјализираат на краток рок. Точната цел или временската рамка не се познати. Црвеното ниво, т.е. многу висока проценка на заканата, се применува кога исто така има јасни показатели за непосредна закана: времето и целта се познати. Највисокото ниво се користи кога постои голема непосредна закана од терористички напад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.