Во селото Краденик, во Црна Гора во саботата околу 18:00 часот од удар на гром во големо невреме загинало деветгодишно момче А.Ф. а едно женско лице било повредено, но не побарало лекарска помош, јавуваа тамошните медиуми.

Како што информираат од Оперативно-комуникацискиот центар на Полициската управа на Црна Гора, момчето загинало додека вршело земјоделски работи.

Веднаш по веста за ударот на гром, на местото на трагедијата пристигнала екипа на итната помош, но лекарите го пронашле детето без знаци на живот, па не помогнала ниту реанимацијата која следела.

Несреќното момче му помагало на семејството кое го собирало сеното на ливадата, кога почнало невремето.

„Ние ја завршивме нашата работа за македонското прашање“, изјави во Бугарија Асен Василев, кандидатот за премиер од „Продолжуваме со промената“, пренесуваат бугарските медиуми.

„Колегите од Република Северна Македонија сметаат дека овој предлог е пробугарски“, рече Василев на излезот од средбата за коалициски преговори, одговарајќи на новинарско прашање.

„Треба да бидеме задоволни со тоа што овој пробугарски предлог им создава проблеми на соседите, а не на нас“, нагласи Василев.

Во последните 24 часа забележани се 1.078 нови ковид позитивни случаи во Хрватска, со што бројот на активни случаи се искачи на 6.191.

Според тамошните здравствени власти, на болничко лекување се 257 пациенти, од кои на респиратор се осуммина. Последното деноноќие три лица ја загубиле битката со коронавирусот.

Во однос на минатата сабота, здравствените власти јавуваат дека бројот на новозаразени е идентичен, но двојно е зголемен бројот на активни случаи.

Од 25 февруари 2020 година кога во Хрватска е забележан првиот Ковид позитивен случај, досега со вирусот се заразиле над 1,1 милиони луѓе, а починале над 16.000.

Заклучно со вчерашниот ден, потрошени се во земјата над 5,2 милиони вакцини, а вакцинирани се безмалку 60 отсто од вкупното население.